لا والف لا

موضوع: لا والف لا الأحد مارس 27, 2011 3:29 pm

اشعر وكان الثورة المضادة تعمل وبكل ماتملك لاجهاض الثورة المصرية العظيمة ثورة 25 يناير واول ما يبدء بة هؤلاء المعروفون بفلول النظام هو الفتنة بين المسلمين والاقباط وهو ما يحاولوا فعلة الان فعلا لكن ان شاء الله لن يستطيعوا وطبعا ماحدث فى قرية صول فى اطفيح هو اكبر دليل ثم تتجة الامور لمرحلة ثانية وهى محاولة اقناع الاقباط بالتظاهر والاعتصام حتى تتحقق مطالبهم طبعا انا لا اتحدث عن كل الاقباط فهناك اقباط واعين جدا ولا يندرجوا وراء تلك الفتن ولكن ماذا يريدو من ذلك ان المسلمين لما يشوفوا الاقباط بيعملوا كدة يقوموا يخرجوا بمظاهرات ضد الاقباط عشان يخلوا الاقباط ميعتصموش فى الوقت دة بقى يكون تم اطلاق اشاعة بين المسلمين ان الاقباط يريدونها دولة مسيحية واشاعة تانية بين المسحين ان المسلمين يريدونها اسلامية وبذلك لن يكون لهم حق فيها عشان كدة بزعل اى لما اسيس او شيخ يتحدث عن انتصار الدين او الكلام دة اولا نحن المسلمين او حتى الاخوة الاقباط لا يمثلنا فرد ولا مجموعة بعنها العلاقة بين المسلمين والاقباط فى مصر بذات غير اى دولة تانية والخمد لله فعلينا ان نكون عقلاء طبعا هذا هو المخطط القذر الذين يقوم بترتيبة الان بواقى النظام بمساعدة من العدو اللدود وبعض من الدول التى تستكتر على مصر العيش فى سلام وامان اما بقىة المخطط فشاهدوا ذلك الفيديو الخاص بحلقة يسرى فودة مع بلال فضل فى نهاية الموضوع

كل ما ارجوة من الافاضل شيوخ ورجال كنيسة لوسمحتوا حافظوا على مصر اخرجوا وفهموا الناس ان فية مخطط وعوهم وفهموهم
يا شباب مصر مسلم وقبطى عيب هؤلاء لا دين لهم وانتم عقلاء فبحق دم الشهداء لا تتركوا مصر لمن يفسدها
يا كبار الاعلامين والمثقفين والحكماء والعقلاء هذا دوركم فهل ستبخلوا على مصر بذلك
كلنا مسلمين واقباط يجب ان نحافظ على تلك البلد ونبقى تحت ذلك العلم[/b]

[b]هنفضل تحت ذلك ظل العلم

لاوالف لا

موضوع: رد: لا والف لا الأحد مارس 27, 2011 6:27 pm

شيماء انتى حد جميل جدا

الخوف على مصر اللى واضح من بين سطورك عندك حق جدا فيه

بس للاسف يا شيماء الخوف الحقيقى ان الفتنة دى نكون احنا اللى بنغذيها بايدنا مش بس فلول النظام السابق اللى وراها

زى ما نكون فضينا لبعض و نسينا هدف الثورة الحقيقى .. الأمور لو استمرت على الوضع ده الحال هيسوء و هنبقى احنا اللى قتلنا حلمنا بايدينا

ربنا يستر

موضوع: رد: لا والف لا الأحد مارس 27, 2011 6:39 pm

الله عليكي يا شيماء .. كلامك جميل جدا و اختياراتك لمقاطع الفيديو ممتازة ..

الف شكر ..

موضوع: رد: لا والف لا الأحد مارس 27, 2011 7:32 pm

أنا معاكم في كل الكلام ده بس صدقونى لازم كلنا نبدأ بأنفسنا كل واحد يقبل الآخر
ولازم ننهي أي مظاهرات أو اعتصامات دلوقتى لأن المظاهرات والاعتصامات من داخل الشعب مش فلول النظام
ده يا جماعة مش وقت اعتصامات ده وقت العمل والاجتهاد عشان ربنا يكلل تعبنا بالنجاح وتتبنى مصر من جديد

موضوع: رد: لا والف لا الأحد مارس 27, 2011 9:26 pm

رائعة يا شيماء
وعندى سؤال هو ايه اخبار الاحزاب الجديدة
بدأت تشتغل على الارض عشان تقدر تواجه القوى الاخرى
اتمنى ان السياسيين يشتغلوا مش لازم حتى احزاب
احنا على ابواب انتخابات مجلس الشعب وقد قرأت ان هناك قوى بدأت
تجهيز مرشحينها

موضوع: رد: لا والف لا الأحد مارس 27, 2011 9:56 pm

من الطبيعى أن تكون هناك ثورة مضادة ، فالقراءة فى تاريخ الثورات أكدت حدوث تلك الثورات

المضادة عقب كل ثورة ، ولكن فى الحالة المصرية هى ستكون أشد وطأة لأن الحزب الحاكم لم يكن

حزي ديكتاتورى وفقط ، بل الأنكى أنه كان حزب تقوم علاقة الأعضاء بداخلة على أساس المصالح

فبدلاً من أن يكون هناك فكر يجمع هؤلاء بعضهم البعض فى حزب واحد ، كان الرابط بينهم هى

المصالح ، وهذا أخطر من الحزب الديكتاتورى صاحب الفكر [ أياً كان ] ، ولذلك ستكون القوة

الدافعة للثورة المضادة أكثر حمية من غيرها ، وأتفق مع الراى القائل بأنهم قد يستخدموا بعضنا

فى تنفيذ مخططاتهم دون أن يدرى هذا البعض ، ولذا وجب علينا أن نزيد من نشاطنا وسرعة تحركنا

وبلغة الفيزياء يجب أن يكون رد الفعل أقوى من الفعل وليس مساوياً له كى تتقدم البلد للأمام ، لأنه

لو كان رد الفعل مساوياً سنكون محلك سر ، ولذلك لابد لنا أن تكون القوة الدافعة لنا لحماية الثورة

أشد حمية من تلك التى تدفعهم لحماية مصالحهم

موضوع: رد: لا والف لا الأحد مارس 27, 2011 10:40 pm

مقل ودل
مع وافر تحياتى
الاستاذة شيماء

موضوع: رد: لا والف لا الإثنين مارس 28, 2011 1:35 pm

اولا شكرا لحضراتكم جميعا (استاذة فرحة- استاذ امير- استاذ محمود -المواطن الصالح-استاذة رودى-د/نانوسة)
بالنسبة لاستاذة فرحة ففعلا يافندم احنا الى بنغذيها بايدينا وهوة دة هدفهم ان احنا الى نقطع فى بعض هما بس يولعوالكبريت واحنا نخدة ونولع فى بعض هذا هو هدفهم ولن يحدث ان شاء الله
بالنسبة لاستاذنا استاذ امير فهذا ماتعلمتة من حضرتك ومن كبار اعضاء ذلك المنتدى المحترم
دكتورة نانوسة انا معاكى فى كل كلمة وفعلا لازم لا مش لازم دى واجب ان يقبل كلا منا الاخر ونبدءئ بانفسنا
استاذة رودى بالنسبة لسؤال حضرتك فالمفروض ان النهاردة هيسن قوانين جديدة بشان الاحزاب نتمنى طبعا ان تكون منصفة
استاذ محمود فعلا كل ثورة ليها ثورة مضادة لكن من ينجح وان شاء الله الحق دائما ماينجح وربنا وقف معانا فى الثورة ومش هيسبنا ان شاء الله واحنا وقفين ضد الثورة المضادة بس كمان لازم كلنا يبقى عندنا وعى بمخطط الثورة المضادة
استاذ المواطن الصالح شكرا لحضرتك يافندم

موضوع: رد: لا والف لا الإثنين مارس 28, 2011 3:36 pm

ربنا يسترها