بإيدينا نقوم مصر

أولا مش هاتكلم بالفصحي أنا هاتكلم بالعامية زي كل الشعب المصري العظيم
أول حاجة عاوزة أسألكم سؤال: مين فينا لو لقي واحدة واقعة في الشارع مش هايجري عليها ويقومها مين مابيقفش جنب أخوه أو صديقه في وقت شدته ؟ لكن المرة دى اللي في الشدة مصر واللي في الضيقة مصر واللي عاوزة اللي يقومها برضه مصر
ليه نسيبها وليه نتأخر عليها وليه مانجريش عليها ونقومها ونوقفها علي رجليها
احنا مش عوزينها زي الأول احنا عاوزينها أحسن من الأول وأقوى بكتير من الأول وهاقولكم بعض النقط اللي المفروض نمشي عليها عشان نقوم مصر:
. لازم نحط إيدينا في إيدين بعض يعنى نبقي إيد واحدة ومايبقاش فيه مسلم ومسيحي يبقي فيه مصري
. نبطل مظاهرات واعتصامات ونشتغل ونبنى ونعمر
. قبل مانحاسب غيرنا نبدأ الأول بأنفسنا ونحاول نصلح من نفسنا
. لازم المسئولين ينزلوا الأمن والشرطة عشان تحمى المواطنين من البلطجة
. لازم يكون فيه أحكام رادعة وسريعة لأي حد يحاول يهدم مصر
. نمنع اننا نخلط الدين بالسياسة وكلنا نتكاتف عشان تبقي دولة مدنية تدي كل الناس حقوقها
. نحب بعض ونخاف علي بعض ونساعد بعض
لو عملنا الحاجات دي يبقي احنا بنمد إيدينا لمصر وهانقومها وهانمنع أي حد يحاول إنه يرجع بينا تانى لورا
أرجوكم لازم نقف جنب بعض ومانسيبش مصر ( الاتحاد قوة)

هو ده الكلام يافندم
ويارب الخير لمصر

شكرا لجميع الآراء والمهم اننا كلنا متفقين لازم بقي نتكاتف ونتصدي لأي حد يحاول يهدم مصر لأن للأسف لسة برضه فيه فوضي كتير ولسة فيه ناس عاوزة تدمر مصر سواء بقي كانت فلول النظام أو غيره لازم احنا نكون واعيين وربنا معانا