أرجو الإستماع لهذا الفيديو للأهمية

أرجو الجميع أن يستمع لهذا الفيديو الذي يحتوى علي تسجيل لرد الشيخ وجدي غنيم علي لشيخ المعتدل أسامة القوصي بخصوص كلامه عن إمكانية
تولي مسيحي الحكم والذي فيه تهجم شديد علي المسيحيين وعلي الشيخ القوصي أيضا علي هذا الرابط

فهل الخطاب الدينى ليس بحاجة إلي إعادة دراسة
أحب أن أستمع إلي آرائكم

أنا موافقة علي كلامك كله أ. شيماء ونفس الكلام انا قلته قبل كدة لما قلت نسيب الدين لربنا ونلتفت لبلدنا لكن انا بتكلم في إن الحاجات دى بتشحن النفوس جدا لأن الكلام ده طالع من شيخ يعنى ناس كتير بتسمعله ولما الناس تسمع الكلام ده ازاي هايبقي فيه قبول للآخر
صدقينى لازم نحاول نحط إيدينا علي السلبيات عشان نقدر نحل ولازم النفوس تتغير عشان نقدر نبنى
وقبول الآخر هو اللي هايخلينا إيد واحدة والإيد دي تبنى مش تهدم
احنا بنقول مسلم ومسيحي إيد واحدة وبنقول مسلم = مسيحي = مصري يبقي لازم مفيش طرف يحس انه أقلية ولا يحس إنه مش واخد كل حقوقه ولا يحس ان مش من حقه يترشح للرئاسة
وربنا يحفظ مصر وشكرا

شكرا ليكى شيماء انتى انسانة محترمة ومشاعرك جميلة وانشاءالله طول ما هنبقي إيد واحدة هانقوم مصر من تانى

مساء الخير يادكتورة أنا معرفش ديانة حضرتك أيه بالضبط ولكن
أنا متفق مع حضرتك أن طريقة الشيخ وجدى لاذعة وكان بأمكانه الرد دون أن يؤتى بكلمات الكفر أو الشرك فهذة أمورآربانية لانعلم عنها سوى ماأتانا الله به من علم
ولكن أنا ضد أن يحكم الدولة أى شخص سواء قبطى أو مسلم خارج القوات المسلحة لأننا بدولة لانعرف مصير أمتنا
فنحن فى حالة سلم مؤقت والحرب قائمة قائمة بيننا وبين اليهود فكيف يحكمنا شخص لايعرف إسترتيجيات الحرب وخداعه
ثانيآ كيف لساويروس هذا أن يتقدم لترشيح نفسه للرئاسة برغم تورطه فى الكثير من القضايا الشائكة
فأرجوكم الدولة تنهار وتحتضر ولابدلهؤلاء أمثال الشيخ وجدى أن يتنبهوا لأى شيئ يتفوهون به قديشعل نار الفتنة بين أقباط مصر ومسلموها ولكن للأسف أشخاص كثيرة من الديانتين يتفوهون بأشياء مغلوطة تزيد من اشتعال الامر بيننا كمصريين فى الأول والأخر فالأنسان يأتى بمصريته قبل ديانته فهذا ماأعرفه

شكرا لرأيك ولكن نجيب ساويرس شخص لا يوجد حوله أي قضايا شائكة وهو من الناس المخلصين جدا للوطن ولكن احنا بنقول عاوزينها مدنية يعنى يحكمها شخص يدي الجميع حقوقه دون تفرقة وربنا يحمي مصر ويحافظ عليها وشكرا