الأخت الفاضلة صفية
كل مرة بتدخلى علينا باحلى الكلمات واشكرك واهنئك على براعتك الفائقة والعبقرية فى اختيار الكلمات
المشكلة بإختصار مشكلة تشغيل مخ , يعنى ممكن سيارة تمنها نص مليون جنيه يتقطع فيها سلك كهربا جزء ثمنه عشر قروش يعطلها كلها
يعنى مثلا مشكلة سور الصين العظيم , شوفوا اد ايه وقت وجهد صاروا يبنوا فيه حتى صار من عجائب الدنيا السبع , هم حسوا انه منيع بدرجة ان الاعداء مستحيل ان يقتحموه , لكن ماجاش فى بالهم ان ممكن حد يرشى الحراس , ويدخل منه بسهولة , يعنى انشغلوا ببناء الجدار لكن لم يشغلوا نفسهم ببناء الاخلاق , وفى العصر الحديث يا عزيزتى مروة خط بارلييف المنيع , اليهود تخيلوا انه من ناحية القوة مستحيل هدمه او تدمير جزء منه حتى بقنبلة ذرية , لكننا شغلنا مخنا والخط المنيع فتحناه ودخلنا منه كأنه خط معمول من الزبد , وزى ماقلت الشكلة تشغيل مخ .....
وموضوع الشجرة الأندونيسية بيتكرر فى حاجات كتير , يعنى اللى اخترع غاز الفريون وانتشر فى كل شىء التكييف والثلاجات , اكتشفا بعد عشرات السنين انه بيعمل عادم لا يرى بالعين المجرة او تحس به اصلا ولكنه ثقب الاوزون المحيط بالأرض ,
اكرر شكرى مع اطيب تحياتى