الأخت العزيزة ونوارة المنتدى صفية
عندنا مثل فى مصر بيستعملوه الفاشلين بيقول : خدوهم بالصوت قبل ما يغلبوكم
يعنى الانسان الضعيف الحجة بيصرخ ويزعق بيتخيل انه بيسيطر ع الحضور بصوته القوى لكن العكس تماماً لأنه بيعمل ضجة بدون مضمون
واسكحوا لى اقول لكم مثل جميل من حياتى
انا عزفت على الكمان مع كل نجوم الزمن الجميل يعنى ام كلثوم وعبد الوهاب وفريد الاطرش وعبد الحليم وكلهم
كان زمان لما تحضر الحفلة اولا بتكون الحفلة هادءة , عشان يتسنى للفنا المبدع الهدوء اللى يخليه يعيش مع نفسه ويبدع
كان السماعات ساعتها صوتها منخفض وجنيل بحيث كانك قاعدة تسمعى من راديو حلو فى البيت , كان الجمهور بيخرج من الحفلة شبعان , منسجم
دلوقتى الحفلة عشان الواقف على المسرح مش فنانا ولكن بينتحل صفة الفن تلاقى الصوت عالى لأعلى درجة يعنى طنين مزعج , الجمهور اللى مش متعود على الحفلات ممكن يخرج بعد الحفلة يحس انه مريض لمدة اسبوع
وهنا مثال لقوة شخصية الفنان , انهم كلهم بيسكتوا عشان يسمعوا , لكن دلوقتى الفنان بيخليهم يصقفوا ويهرجوا عشان ماعندوش فن يتسمع اصلا
وبيدارى خيبته فى الضجيج
مع اطيب تحيات