كلمة وداع

سيدى الكريم اسمح لى ان أشكر ابنتى مروه مجدى على المرور و أقول ابنتى لانها فى نفس عمر ريم بنتى حفظهما الله و رعاهم ...

بالنسبه لتعليقك على انى اتعامل مع طفل ... هل تعلم ان معاملة الاطفال من أصعب الامور ؟؟؟ اما حكومتنا ربنا يكون فى عونها بتتعامل مع كبار و المفروض انهم أكثر و عى وأكثر تفهما للوضع الحالى للدوله -- شرح الوضع لهم من ايام الفريق احمد شفيق و قال لهم يا بهوات الوضع المالى فى الدوله مفيش و برضه مصريين على طلباتهم يا اخوانا الدوله عندها التزامات و ديون و برضه مفيش حد عاوز يروح يشتغل و لا عاوز يفهم ... تفتكر ليه يا صديقى العزيز .. اذا سمحت لى ان اناديك بصديقى .. شكرا .

تفتكر ليه ؟؟؟ اقول لك .. لان الشعب سمع بالمليارات اللى اتنهبت و المرتبات اللى كانوا بياخدوها عشان كده مش عاوزين يقتنعوا بان الدوله مافيهاش فلوس ... بس فى نفس الوقت الناس لازم تفهم ان الفلوس اتنهبت و عشان نرجع نعمل فلوس من تانى لازم نشتغل -- واحد و اتنصب عليه يعمل ايه ؟؟؟؟ يقعد عند المحاكم و لا يتابع مسيره عمله عشان يعوض اللى اتسرق منه و فى نفس الوقت يتابع قضيته ...

الاسره هى المجتمع اذا لابد من ان يدير هذه الاسره رجل حكيم قوى فى قراراته و يطبق القانون و العداله الاجتماعيه على الجميع حتى لا تضيع هيبته لان الهيبه تصنعها العداله

اما من يصر على موقفه و خلق الفوضى داخل المجتمع يجب ان يعاقب و علنا حتى يكون عبره لامثاله لا لارهاب الاخرين و ذات الوقت اذا عمل و اجتهد و نفع نفسه و الاخرين يجب ان يكافئ و لا يهمل حتى يكون حافز للاخرين ...

انظر الى الهند ما صنعت ... طبعا هى دوله منتجه و مصدره .. أخيرا صنعوا لاب توب بأيدى هنديه وطرح للطلبه بسعر زهيد حتى يتمكنوا من مواكبة العالم الرقمى علما بأنها تضم أكبر عدد فقراء فى العالم ولكن لم يخرجوا ضد حكومتهم ليطالبوها بتحقيق مصالح فئويه ...

يجب ان نتخلى عن عقوق الدوله و يجب ان نعمل من اجل مصر ...

الصين عندما كانت فى بدايتها كان الشعب الصينى يخرج ليرصفوا الشوارع بأيديهم لانه لا يوجد ليهم اليات . أنظر اليوم الى ما وصلوا اليه

اذهب الى الصين و سترى بام عينك هذا الشعب يعمل دون ملل علما بأن رواتبهم تساوى مصروف قهوه و شيشه و سندوتش .
الكلام كتير بس لمن يفهم
شكرا على مرورك انا تعبت

استاذ خالد .... تحياتى ..... لقد نجحت فى ان تفزعنى لدقائق ........ واكتشفت اخيرا انها دعابه ..... سامحك الله ...... أتفزعنا ونحن اسره واحده نحب بعضنا البعض ...... تضطرنا الظروف الخاصه للبعاد ولكن لانملك الا العوده مرة اخرى ...... ادام الله علينا نعمة الترابط ببعضنا