الأبنة العزيزة مروة
الانسان الجميل اللى بيبحث عن الكلمات الجميلة بيبقى زى النحلة اللى ربنا خلقها عشان تمر على الورود وتختار احلى رحيق عشاان تقدم لنا احلى عسل .
فى الابتسامة ممكن اضيف شىء معنوى يعنى ممكن الابتسامة قدامك تديك ايحاء وتدى شخص تانى ايحاء تانى , بس بتسعد الإتنين ,
زى الموسيقى الكلاسيكية , ممكن عشرة متذوقين وهم بيسمعوا بيسرحوا بخيالهم ولو سألتى العشرة كل واحد على حده شفت ايه وانت بتسمع , كل واحد ممكن يحكى لك قصة , وزمان لما تقعدى مع الناس العواجيز زى جدك وتيتة مثلا , الحياة البسيطة بتاعة زمان واللى ماكانش فيهاالتكنولوجيا المعقدة بتاعة دلوقتى , بمعنى مثلا كان الراديو بس هو كل حياتهم كانوا من خلال الراديو ومن خلال السمع بيشوفوا كل حاجة حلوة بطريقتهم ,
يعنى انتى لما بتسمعى اغنية فيها مطرب وكورال بنات , كان الملحن واحنا بنسجلها فى الاستديو يقول للبنات ابتسموا وانتم بتغنوا , ممكن تستغربى لما تسمعى ابتسموا دىلأن احنا بنسجل صوت فقط مش صورة , بس الابتسامة بتخلى نبرة الصوت فيها حاجة بتتسمع , يعنى مثلا اغنية عبد الحليم ضحك ولعب وجد وحب , لما تسمعيها تانى ركزى على صوت البنات اللى بيردواوراه تلاقيهم مبتسمين اوى , وإلا ماكانش غناهم يطلع بالحيوية دى
زمان كانوا يقولوا على المش بيبتسم وشه عليه غضب ربنا ,,, او يوقولا ده فلان وشه كشر مش بيضحك للرغيف السخن , وزمان كانوا لما الستات بيخبرزوا العيش فى البيت فى الفرن البلدى , الست كانت بتفرح بالرغيف وهى بتطلعه من الفرن بتبتسم له يعنى شىء بيديكى احساس بالولادة الجديدة , بإستمرار الحياة
مع اطيب تحاتى وزيدينا
النوع
موضوع: الابتسامة اجمل هدية 
الخميس أكتوبر 06, 2011 11:22 pm
