...هنــــــــــــــــــــــــــــــــــــا مدرســــــــــــــــــــــــــــــــــــة القانـــــــــــــــــــــــــــــــــــــون...

برااااااااااااااااااااحة عشان ااااااااااااااااااافهم ههههههههههههههههههههههههههههههه

فكرة جميلة جدا يا محمود و اتمنى فعلا نستفيد كلنا و اتمنى كمان تركز على موضوع الحقوق و الواجبات يعنى مثلا حقوقنا كمواطنين بمختلف القطاعات ايه اللى لينا و ايه اللى علينا من خلال القانون
يعنى مثلا حقوق العمال ايه على اصحاب العمل و العكس حقوق صاحب العمل ايه على العمال .... مثلا ايه حقوق المغترب لما يتعرض لمشكلة على السفارة او الخارجية .. مثلا ايه حقوق ضابط الشرطة و ايه اللى عليه .. حقوق الفلاح ... حقوق الحاكم ايه اللى ليه و ايه اللى عليه ........... و ده طبعا من خلال القانون و مواده
يعنى دايما نلاقى ان ناس كتير و خصوصا البسطاء او اللى مالهمش ضهر بتضيع حقوقهم لانهم ما يعرفوهاش او ما يعرفوش اساسا ان ليهم حقوق

شكرا ليك يا محمود و للاستاذة الفاضلة عزة و للاستاذ ممدوح و الاستاذ احمد سعد و اتمنى نستفيد من علمكم و خبراتكم

زائر

الأستاذة/فرحة حضرتك تؤمرينى
(1) حقوق المواطن عند معاملة ضابط الشرطة لايوجد قانون يؤهل ضابط الشرطة أن يقوم بتفتيش
أى مواطن فى الشارع المصرى حتى ولو فى كمين وقانون الأستيقاف يمنعه من ذلك
(2) يمنع ضابط الشرطة من أن يحتجز أى مواطن لمدة أكثر من 24ساعة داخل ديوان القسم
دون عرضه على النيابة العامة وتحرير محضرويقيد داخل دفتر الأحوال
(3) يمنع لضابط الشرطة من أستخدامه السب والقذف وتطاول اليدعلى أى مواطن فالمعاملة والعقاب
تكمن بين طيات وفقرات المواد القانونية
(4)قانون الطوارئ لم يعطى الحق لأى ضابط شرطة أن يعتدى على المنازل لأى مواطن دون إذن
نيابة مسبق سوى لأدرات مباحث الأموال العامة ومباحث أمن الدولة إذا أحتاج الأمرلمداهمة المنزل ومهاجمت من فيه بتحريات مسبقة وكذا مكتب الحدث داخل المديريات
(5)تنفيذالأحكام لايستطيع ضابط تنفيذالأحكام للقسم أو للمديرية أن ينفذحكم قضائي بعدمرورالساعة
التاسعة ليلآوأذاكان الحكم خارج دائرة القسم أوالمديرية أو المحافظة على من ينفذهذا الحكم الرجوع
لقسم الشرطة ليستئذن ضابط مباحث القسم التابع له المحكوم عليه وفقآ لمواد القانون
(6)تختلف كل مديرية عن الأخرى فيوجد بمديرية أمن السكندرية فقط لاغيرمكتب مباحث يطلق عليه بمكتب الأشتباه فهذا المكتب له من الصلاحيات أن يهاجم أى شخص فى أى دائرة تابعة للمديرية عدالمنازل غير مصرح بذلك ولايوجد ذلك المكتب سوى بالأسكندرية فقط
(7)طبقت العرض على النيابة العامة يوم الجمعة للنيابة الصباحية داخل محلكم الأسكندرية فلايجوزلضابط الأستيفاءأو معاون الضبط أن يحجز المتهم للنيابة المسائية بأى حجة
( للمواطن حق الرفض بالتوقيع على أقواله مادامت مخالفة لما تفوه به ولايجوز إجبار ضابط المباحث أو الضباط النظامين للمواطن على التوقيع دون يقرأمافى المحضر
(9)على ضباط الأقسام مراعاة حجز المتهمين فى قضايا مرورية وفقآ لأحكام المرور الجديدة
أن يحتجزوا هؤلاء الأشخاص الذين لم يسبق لهم الأتهام بأى قضاياجنائية أو جنح أو تشاجر
فى حجزبعيدآ عن أصحاب السوابق والأشرار
(10)من حق المواطن فى زيارة وأدخال الأطعمة ما دام تم عرضه على النيابة وقررت النيابة حجزه أربعة أيام على ذمة التحقيقات ومع العلم بأن قانون اليوم بيومان ألغى العمل به
(11) لايجوزلأمناءالشرطة والصف ضباط التابعين لأدارات المرور معارضة السيارات وسحب
الرخص مادام لم يكن بصحبتهم ضابط شرطة وشريطة أن يكون معه دفتر أيصالات سحب
أى خدمة أستاذة فرحة ده الشق الخاص بضابط الشرطة والمواطن وتحت أمرك وأمر الأعضاء فى أى أستفسارأخر

الله عليك يا استاذ ممدوح .. تسلم يا رب

بس دلوقتى القانون ازاى بيعاقب ضابط الشرطة اللى يخالف الكلام ده و المواطن العادى ازاى يقدر ياخد حقه لو اتعرض للاهانة او تفتيش بيته بدون اذن او حبس مع المجرمين لمخالفة مرورية او التعذيب و ما الى ذلك ؟

بجد الف شكر لحضرتك يا استاذ ممدوح على المعلومات المهمة و يا رب تكمل بتطبيقها على ارض الواقع فعلا .. شكرا استاذ ممدوح

مش عارفه ليه ركزتو على الحقوق تجاه الشرطه
1- فى محضر جمع الاستدلالات الذى تقوم به الشرطه وتستصدر اذن النيابه بناء عليه يتم طبخه كما يريد الظابط لو له مزاج
وحجته انه توصل للمعلومات من مصادره السريه التى من حقه الا يفصح عنها وطبعا ليس هناك مصدر سرى له ولا يحزنون
2- دخول الشرطه للمنزل للتفتيش وكما تعلمنا فى الاجراءات الجنائيه لا يكون الا فى حاتين الاولى اذن النيابه والثانيه موافقة صاحب المنزل
وطبعا حينما لايكون هناك اذن نيابه من السهل على الضابط الذى اقتحم المنزل يجبر صاحب المنزل على التوقيع على موافقته على التفتيش
3- هل تعلمون ان هناك كثير من المحامين الذين يحترمون انفسهم لايدخلون اقسام الشرطه مع المتهم وينتظرون حتى يذهبون للنيابه ثم يحضرون معهم وذلك حفاظا على كرامتهم لأنهم يعرفون حقوقهم القانونيه ويرونها تنتهك فى الاقسام وليس هناك من يحميهم من تطاول بعض الضباط
والى لقاء اخر

زائر

أستاذة /عزة
الحسنة تخص والسيئة تعم أختلف مع حضرتك هناك بالفعل مصادر سرية للضابط
وهوما يعرف بالمرشدوأحيانا يكون هذا المرشد رجلآ أو أمرأة ومن الممكن أن يكون
عضو منتج ولهما أحترامهما يساعدا الشرطة للتخلص من المنحرفين وممكن يكونوا
أصحاب السوابق وتجبرهم الضباط على الأرشادأما عن دور المحامى داخل الأقسام
فدوره يقتصر على مساعدة المتهم فى تحريرالمحضروعدم أنتهاك حريات موكله
أمامه أما بالفعل فدور المحامى يكون أمام النيابة ثم المحكمة أما من حق المواطن
أن يتصل بشرطة النجدة أثناء تهجم أحد الضباط عليه وأقتحام منزله دون أذن للنيابة
العامة وإثبات ذلك بمحضر معاينة فهذا هو ما أقترحه محمود حول التثقيف القانونى
للعامة وكذا معرفة الواجبات قبل الحقوق الخاصة للمواطن أما عن تتطاول الضباط
على المحامين فهذا يحدث لم أنفيه ولكن بأستطاعة المحامى إختصام ضابط الشرطة
وتلقيننه درسآقاسيآأمام النيابة العامةولكن أغلب المحامين لايطبقون هذا حفاظآعلى
أرزاقهم وأرتباطهم الوثيق بالقسم الذى يقطن ويتبع دائرة مكتبه وأحيانآ يكون المحاميون
علاقات مع أمناء الشرطة للترحيلات لأنهم هم الذين يرشحون أسماء المحامين للمتهمين
وأحيانآ مايحقرون من أنفسهم بترددهم على المقاهى منتظرين من يسقط سهوا من النيابة المسائية
وهكذاوأصابع اليد تختلف بين الضابط والأخر وكذا بين المحامى والأخرفبكل مهنة بها مابها
تقبلى تحياتى

شكرا يا استاذة عزة على التوضيح و اكيد مفهوم انه بيحصل اكتر من كده لكن فى رأيي ان الانسان اللى ما يعرفش حقوقه لا يمكن هيقدر يحصل عليها .. و بعدين لو الشخص اللى بيستقوى او يظلم عارف ان اللى قدامه فاهم حقوقه كويس اكيد مش هيتمادى فى الظلم زى لو لقى الاخر ضعيف و مش فاهم فى نفس الوقت

و عموما الظلم فى مصر فعلا ما بقاش فى اقسام الشرطة بس للاسف
شكرا استاذة عزة

سيادتى أنستى سادتى

عدنا إليكم بعد إستراحة طويلة ومملة

لكن واضح أنكم مش عاوزنى معاكم هروح أدور على حتة تانية أكل فيها عيش

خريجى التجارة عملوا الغلط معايا

هههههههههههههههههههههه

أولا أتأسف على الرد المتأخر جدا جدا

بس أحمد الله تعالى على كون هذه الفكرة قد نالت إعجاب البعض

وقد بدأ البعض الأخر فى الإستفادة منها والحمد لله

أستاذة فرحة فتحت نقطة إنطلاق محترمة جدا

وهى التحدث عن لب الموضوع والفكرة

ألا وهى الثقافة القانونية حينما طرحت عديد من الأسئلة حول مسألة الحقوق

أستعرض بداية أستاذ ممدوح هذا الأمر من شقه الامنى

ثم أكملت وأستأنفت بعد ذلك

أستاذة عزة والحوار يدار بأسلوب حكيم

ولكم المفاجأة وكما ذكرت لكم سابقا أننى سأحاور فى اللقاء الثانى دكتور ولاء عراقيب

أستاذ القانون المدنى بكلية الحقوق جامعة طنطا

والحاصل على الدكتوراة من أشهر جامعات العالم

جامعة هارفرد
سأذهب إلى لقاءه بعد تحديد موعد معه ظهر اليوم

وسيكون الحوار فى يوم الأربعاء القادم فى تمام الواحدة ظهرا

هذا كان وعدى الذى ذكرته لكم

سأدخل معكم فى مدرسة القانون ولكن مفوض الأمر لكم ايها الثلاثى الرائع

أستاذ ممدوح أستاذة عزة أستاذة فرحة

ما أجمل الحوار الرصين هذا

وإن شاء الله تنضم إلينا أستاذة أيات وأستاذة مريم

الشغوفة بالقانون وروعته وبتدعيلى دايما أدخل نيابة

هههههههههههههه

وأستاذى الفاضل أحمد سعد

وكل الأخرين إن شاء الله الذين أود إفادتهم هنا

وهنالك كثير من الامور حول مسألة ضباط الشرطة

فقط سأقتبس

مسألة تعدى ضابط الشرطة على الواطن وعلى المحامى

لو تتذكرون وتتذكر أستاذى ممدوح

حينما سردت لك قصتى حينما دخلت مركز الشرطة

وكيف كان التعامل مع المواطنين بالضرب والإهانة

اول ماقال لى الضابط

قبل أن يعلم أننى طالب بكلية الحقوق

لفظا

(أنت مبلبع أيه يالا)

شوف أسلوب الكلام

وده لأنه كل يوم بيتعامل مع أشكال غير سوية

قولتله حضرتك انا طالب فى كلية حقوق وده كارنيهى

وروحت على المركز بس مش فى البوكس

ولما وصلت هناك كان فى أتنين ضباط

القسم كله أتقلب لأنى كنت دوست على صول على رجلمش فاكر

أه بتوتوك لو تعرفوه كنت راكبه بتفسح بيه كنت مخلص مذاكرة وروحت أهزر

وأنا أصلى بحب قيادة أى شئ

فلما وقفنى الصول بيخبط على الإزاز جامد أوى

ماشعرت بنفسى إلا وأننى أزيد السرعة فربما أكون قد أصابته

وقام الضباط بتوجيه الإتهامات لى بأننى لن أكون وكيل نيابة أو محامى

وحينما عرفوا أصلى وأنى شخص محترم

والشهادة لله كان هنالك ضابط أسمه أحمد

ملازم دبورة

بعد معرف بأنى شخص محترم قالى خلاص حصل خير

أنت راجل فى كلية حقوق لك بريستجيك مش معنى أنك بتحب حاجة تعملها كده

قولتله خلاص سيادتك محصلش حاجة

وأتعرفت عليه وأتعرف عليا

وضحكنا وعادى جدا

بس المحضر كان أتعمل بحجز التوكتوك ده وأتعرض على النيابة

الظابط التانى وللأسف أسمه محمود

أبقا قابلنى لو التوكتوك ده شوفته

قولتله إن شاء الله القانون هيطلعه النيابة العامة

نسيت أقولكم أنه كان بيقولى

أنت هتبقى محامى أنت هو وملازم أول كان جمبه

قولتله الحمد لله فاهم الدستور والقانون كويس وحفظه قالى أنت حافظ الدستور أنت

ده أنا مش حافظه

وكأنه إبراهيم درويش يعنى مثلا

وفى نهاية الامر خرجت المركبة بالإفراج عنها

الشاهد من ذلك

أن المواطن وده بوجهه لأستاذة فرحة

لو فعلا المواطن عرف حقوقه هيعرف كل واحد حدوده

فى قاعدة قانونية شهيرة فى القانون الإدارى بشكل خاص

تقول

(الإختصاص يقيد الإختصاص)

لذا إذا علم كل منا إختصاصه ما إستطاع أخر أن يتعدى عليه وعلى إختصاصه

سأخوض غمار النصوص والدساتير التى طالبتى بها أستاذة فرحة

بس أتأسف مش هيكون فى اليومين الجايين دول

بس أوعدك

هتبهرى بالقضاء المصرى

قصص مثيرة حصلت هنقولها

مواقف مع أساتذة ومستشارين هنذكرها

أفكار قانونية تعبيرات قانونية

هوصلكم بأننا نتناول قضايا وسكاشن مع بعض

يعنى كل منا سيتخيل نفسه قاضيا وسيقوم بالحكم فى القضية

هجبلكم مثال ساهل وهيكون كالتالى

القضية

ثم الوقائع

ثم الموضوع الذى تثيره القضية فى القانون

ثم أخيرا الحل

صدقونى القانون ده فعلا تستشعر فيه بمدى عظمته

وذلك لأن المولى أسمه العدل

ولنرفع شعار العدل أساس الملك

ويارب النيابة العامة

خصوصا

النهارده أحد الأصدقاء الذين أتشرف بهم

أعطانى جرعة من التفاؤل الغير مسبوقة لي

أتمنى أن نستمتع

وسيكون الحوار مع دكتور ولاء ممتع إن شاء الله

ومنتظر أسئلتكم يا أسرة قانون العاشرة مساء

هو أستاذ مدنى

ولو عاوزنا نحكى مع بعض عن المدنى مفيش مشكلة

طبعا أستاذة فرحة الأخت الفاضلة أكتر المستفيدين

وسبحان الله حصل توارد فكرى بينى وبينها كانت عاوزة نعمل كده فعلا

والحمد لله حصل

والكل هيشارك بإذن الله

تحياتى

الفكرة حلوة جدا

بس مطلوب حاجة بسيطة

تخصيص شخص يتحمل البحث والمتابعة والمراجعة منعا لنشر معلومة قانونية خاطئة
وذلك حفاظا علي سيادة القانون

ايات

مش قلت لك استاذه
عرفتى انى كان عندى حق
وعموما من ناحيتى متقلقيش فانا لو الذاكره خانتنى اعود الى مراجعى على طول وعموما نحن لن نستغرق فى تفاصيل القانون لأنه ليس بالسهل على غير المتخصص
وكما تتفقون انا معكم
نشكرك على عنايتك واهتمامك ويقظتك

زائر

إذن يا أيات الأستاذة عزة هى المراقب الدولى علينا وعلى سيادة القانون فهى أهل لذلك

حودة باشأ
سعدت كثيرآلعلمى بموعد الأربعاء والدكتور/ولاء
وأكيد هيبقى حوار أكثر من رائع أتمنى لك التوفيق والنجاح والتقدم يا حضرة وكيل النائب العام

اخى وصديقى الغالى محمود حضره وكيل النيابه

شوف يا محمود بعد التحيه والسلام طبعا الفكره جميله ومفيده لينا جدا

ومقدرش انكر كل ما كنت ادخل موضوع من موضوعاتك كم الاستفاده اللى بطلع بيها وبعرف حقوق كتير غايبه عنى

ويؤخذ العلم من اهله يا محمود فانت فعلا مطلع جدا ومثقف ومعاك فى فكرتك جدا جدا جدا جدا

ومنتظره جدا جدا جدا جدا جدا جدا لقاءك مع دكتور مع ولاء والحديث ولازم تفرد له موضوع منفصل وتحكى عن كل شىء به

أشكركم جميعا أخوانى وأخواتى

أولا

أستاذة أيات

هذا الإقتراح لا شك فى موضوعيته

وأنا لا أتحدث إلا بغير علم قاطع ودامغ حفاظا كما ذكرتى على سيادة القانون

كذلك أستاذ ممدوح وأستاذ عزة

الأثنان دارسان للقانون ويعلما مدى الصحة

وطالما أن الأستاذ ممدوح رجح أستاذة عزة فأنا معه هى أهل لذلك

بس خايف من حاجة واحدة

هتقولى أنا مش قولتلك متجيبش سيرتى

ههههههههههههههه

بس أنا مش فاهم جزئية كتبتها أستاذة عزة

أستاذة عزة قالت

ايات

مش قلت لك استاذه
عرفتى انى كان عندى حق

ياريت توضيح

أستاذى وصديقى الصدوق

ممدوح بيه السنباطى

الحوار بكره وأنا شغال إعداد والله

وبكره هبقى محاور ربنا يستر

الغالية مريم فاروق

أختى وصديقتى اللى لطالما أحمد الله على أننى

عرفتها فى يوم كان أجمل الأيام حقا

من كتر مبقيتوا تقولوا

وكيل النائب العام

أو حضرة وكيل النيابة

كبرت فى دماغى

وعاوز أعلق باتش النيابة من دلوقتى

هههههههههههههه

بس مش عارف

هل ممكن أستلف الفيرنا ولا أيه

هههههههههه

أستاذ ممدوح أيه ظروفك بالنسبة للعربية

ههههه

إن شاء الله الحوار يكون محترم ويليق بنا

طبعا أنا أول مبدخل المكتب وبقابل السكرتيرة

بقول أنا طالب الفرقة التانية

وإدارى برتبة مشرف فى سايت العاشرة مساء

adminsrator & observant

in ten pm forum and site

وده لأن كلام دكتور ولاء

تلت تربعه إنجلش

أنتظرونا غدا

بس أنا شخصيا يامريم نفسى

تكون كل الحوارات فى مدرسة القانون هنا

بس من أجل رؤية الأعضاء للموضوع ممكن أعدل

أسم الموضوع مؤقتا

لحين الإنتهاء من مشاهدته

تحياتى

زائر

مش أنا بقولك منى الشاذلى هتجننك أنت ومريم أهو حصل الرد بتاعك فوق ياحودة باشا
كدا بقى الجنان رسمى فاضل مريم وهى فى طريقها خلاص ربنا يستر وما تبهتوش
عليا أنا هطعم من بكره
عربيتى تحت أمر ك فى ماينول وهيدروماتك تختار أيه ألهيدروماتك بتاعة المدام عادى
هيا أساسآ كرهتك عشان بتخدنى منها بالساعات فمش هتعز عليك حاجة هأهأها
والله يامحمود أنا تحت أمرك بجد مش هزار وأنت عارف وباعدين أيه ياعم القاهرة 5أرقام وأسكنرية4أرقام
ربنا يوفقك مع د/ولاء أن شاء الله وأنت كفيل به فى الحوارأتمنى لك التوفيق من كل قلبى

الرد أتكرر مرتين

سورى ياجماعة

سورى يا أستاذ ممدوح

مش مدام منى والله

ولا ليها علاقة بس هو النت اللى كان رخم أوى سريع جدا ومعرفش الرد مكنش بيترسل ليه

مريم أكيد أتجننت رسمى فهمى نظمى كمان

ههههههههههه

تحياتى

بالنسبة للمدام أعتذرلها أوى أوى

بس نعمل أيه أنت ملكية عامة ولا يجوز حق المصادرة

هههههههههه

وبعدين حتى المصادرة أتلغت مع ثورة التصحيح فى 1971

هههههههههههه

العربيات الله ينور عليك أنت ومريم

بصراحة المانيول دلع بس الهيدروماتيك أريح

وساعتها هقرر

إن شاء الله أنتظرونى بعد سنتين وهتلاقو العربية الجامدة المتفيمة

وبتجين نيابة هامة

والنمر السودة مكتوب عليه النيابة العامة

وساعتها مش هدى حد لفة

يالا بقا ندالة هههههههههه

يا استاذ محمود هتلخطبني ليه ماهو ردك موجودك اهو ههههههههههههههههههههههههههههههههههه
مالك بس
لا اله الا الله
كان راجل طيب والله هههههههههههههههههههههههههههههههههههههه
استاذتي الفاضلة عزة كلامك وسام علي صدري وفعلا كان يجب من الاول ان ارجو منكي ان تكوني المتخصصة في البحث والمراجعة وارجو منكي قبول هذه المهمة

تحياتي لشخصك الكريم
-تم دمج الردود-

حبيبتى ايات

استاذنا الفاضل أ ممدوح
عزيزى محمود
انتم بتشرفونى بطلبكم وكنت سأصبح سعيده جدا بتلبيته
ولكن
لظروف خاصه انا مشغوله جدا جدا ومجهده صحيا ونفسيا ولعلكم لاحظتم اننى منذ فتره قليلة التواصل معكم
فعافاكم الله وعفانا
ما يشغلنى كبير جدا
ولأطمئنكم ليس يخصنى شخصيا ولا اسرتى الصغيره بشكل مباشر
ولكننى مهمومه به
فاعذرونى لعدم تلبية طلبكم فى الوقت الحالى على الاقل
اشكركم
وأسألكم الدعاء بالشفاء لكل المرضى من البشر
فليس هناك أضعف من الانسان كانسان
والحمد لله

أستاذة أيات

والله معرف أيه اللى حصل بس قعدت كتبت ردود كتيرة وفيهم رد

كنت هكسر الجهاز بسببه كتبت بتاع نص ساعة وفى الأخر ولا الهوا

فعلا كان راجل طيب

ههههههههههه

بالنسبة لموضوع المراقبة

مفيش مشكلة أستاذة عزة لأنه ببساطة شديدة

حضرتك أستاذة قانون وفاهمة بتكتبى أيه

كذلك أستاذ ممدوح راجل ضابط شرطة لمدة 16 عام وفى أرقى الأجهزة ويعلم مدى صحة

مايكتبه

وكذلك أنا لا أكتب إلا ماهو موجود بنص أو بعرف نص عليه الدستور والقانون

لذا فأمر المراقبة ستكون بشكل تلقائى

الأمر الثالث فى ذلك

هو أننى ذهبت خصيصا لحوار دكتور ولاء كما ذكرت

لكن للأسف بعد ذهابى حدث له ظرف وفاة وإعتذر لى ولكم عن ذلك

وسيكون يوم الأتنين إن شاء الله

تحياتى

زائر

تمام يا أبو حنف ما تعلنش تانى غير لما يتم اللقاء وطبعآأنت متفهم قصدى ربنا يوفق
حضرتك يامعالى حضرة المستشارمحمود بيه شاهين

بالنسبة لموضوع المراقبة وسيادة القانون أعتقد الأستاذ/أحمد سعد ممكن يتولى ذلك بما أنه دارس
قانون دولى وهذا ليس بتقليل من شخص حالى الحمد لله أنا درست ومارست فشيئ مختلف ولكن
هو تلبية لغرض الأدارة لأنه لا يقصرهذا بحقى من عدمه وأنت كذلك يا محمود أعلم علم الياقين أنك
متفهم القانونين وبتحب المواد الدراسية وهذا ما أعلمه عن شخص حالك وأنا لم أفوض الأستاذة/عزة
سوى بعد أن اشارت نفسها بذلك وقالت بلسان حالها أنها لو حدث أى من ورودأخطاء ستتطلع على
بعض المراجع ولكن أتمنى أن يشفى الله أقرابها أو معارفها ويشفى الله جميع مرضى المسلمين أجمعين
ويروق ويهدى حالكم أستاذة عزة

نعم الإختيار

وبالتأكيد الإدارة لازم تضمن سيادة القانون وألا يكون هنالك شئ خاطئ

وأنا وأنت معها مئة بالمئة

ترشيح موفق استاذ ممدوح وفى إنتظار أستاذ أحمد

بالنسبة لدكتور ولاء مش هتفرق

وممكن كمان الإمتحانات تدخل فربنا يسهل تبقى بظروفها

وأنا قولتله كده لما أتصل بيا