عمال شركة النوبارية لليوم السادس وأربعين على رصيف مجلس الشعب لم يجدوا أي استجابة او رد فعل او اهتمام من حكومة الحزب الوتني او مجلس البلاليص قرروا لفت الأنظار فاافترشوا الطريق لتعطيل المرور فالأمن مسكهم بالمنديل شالهم هيلة بيلة ورجعهم الرصيف بتاعهم تاني
.
جابوا أدوات معدنية يطرقوا بها على الحديد عشان يعملوا دوشة للسكان بس مفيش سكان أصلا جاتلهم الفكرة انهم يقلعوا هدومهم ايوة يقلعوا ويورونا العار طبعا مش عارهم قرروا انهم يظهروا بالفانالات الداخلية إنضم اليهم عمال التليفونات ونفذوا نفس الفكرة أهه منه إحتجاج ومنه تحرر من الحر ومن كل حاجة وقلعوا معاهم مواطن تاني جاب ولاده وربطهم في مشانق رمزية عشان مش عارف يدخل بنته المدرسة ويستخدم حقه الطبيعي العمال بيهددوا لو خلال يومين لم يستجب لهم اي احد هيقلعوا اكتر واكتر وهيملطوا شليطي مليطي الوطنيين بيردوا على قلة الادب دي وبيقولوا ان الناس مبئاش عندها برقع الحيا اتشال بس لو ان العمال دول قلعوا ملط مش هما اللي هيتفضحوا والعار مش هيكون عارهم هما ابدا ناس مقبتضش مرتبها من 26 شهر ومفيش اي حقوق والتانيين معاش مبكر اجباري وخفض مرتبات هما لما هيقلعوا مش هما اللي هيتعروا مصر اللي هتتعرى أكتر وأكتر
عمرو علي
النوع
موضوع: اقلعوا وروهم العار 
الأربعاء مايو 19, 2010 1:41 am
