تيجوا نفتح ملف عن فساد المؤسسات اللي مازال موجود

عاوزين نعمل حصر للفساد اللي مازال موجود في المؤسسات الحكومية بكل أنواعها سواء مستشفيات، مدارس،أقسام شرطة ومؤسسات أخري كل واحد ممكن يشارك علي الأقل حسب مهنته
يعني أنا مثلا حسب مهنتي هاتكلم فيما بعد عن المستشفيات الحكومية والمصالح التابعة وما يحدث فيها
عاوزين نحاول نحصر كل الأشياء التي إذا أصلحناها ستنهض مصر وتتقدم

هل المشكله تنحصر فقط فى فتح ملفات الفساد ؟
المشكله فى رأى المتواضع فى الاراده والاصرار على القضاء على هذا الفساد
وتتضح مشكلة الاراده هذه
فى ان كل قطاع فى الدوله معروف تماما فيه وبالاسم الاشخاص الفاسدين الموجودين فى الدرجات الاعلى فى السلم الوظيقى ولو توافرت ارادة القضاء على الفساد لتم تغيير هؤلاء الفاسين بآخرين من الشرفاء المعروفين ايضا ليقوموا بدورهم ايضا بالسيطره على الفاسدين فى الدرجات الوظيفيه الادنى
وهذه المشكله هى الاصعب من وجهة نظرى
أما فتح وحصر ملفات الفساد فهى الاسهل
المهم
ارادة العلاج
الاراده
الاراده
الاراده

أولا أشكرك أستاذة عزة وكل التقدير والاحترام لرأيك ونحن عندما نحصر المشاكل ونري حجم المشاكل بالتأكيد يمكن أن توجد الإرادة القوية في الحل
وسوف أبدأ ببعض الفساد الموجود بالمستشفيات الحكومية والتى أعمل طبيبة بإحداها
- أولا نقص الإمكانيات واللي بتحسس الطبيب بمنتهى العجز فمثلا لما ييجى مريض محتاج لعمل غرز بالاستقبال قدامه حل من اتنين لو فقير مش معاه ثمن حقنة البنج الموضعي يتحمل ألم الخياطة بدون بنج أو يكون معاه وفي الحالة دى بينقذ نفسه من الألم وهكذا الإبر التى يتم بها الخياطة مش موجود منها غير مقاس واحد لكن باقي المقاسات اللي بتستخدم للأطفال أو للخياطة في الوجه مش موجودة مع العلم ان الإبر دي غالية علي كتير من الناس
أو لما يكون مريض محتاج رسم قلب وجهاز رسم القلب بايظ أو محتاج لقياس السكر وجهاز السكر بايظ
- ثانيا النظافة اللي بتفتقدها كل المستشفيات الحكومية واللي بتسبب حدوث عدوي لكتير من المرضي يعنى اللي يكتب له ربنا يتحجز في مستشفي حكومى عشان مش معاه فلوس للمستشفي الخاص يبقي يستحمل الحشرات وعدم النظافة والناموس وكله
- ثالثا عدم توافر الأدوية للعيادات الخارجية وتوافر بعض الأدوية التى تسبب الكثير من الأعراض الجانبية
وهنا بحب أقول انى بشوف عيانين مش معاهم غير يدوب تمن التذكرة بتاعة العيادة ولما آجى أكتب لهم دواء من خارج المستشفي لأن طبعا كتير من الأدوية مش موجودة في المستشفي بيقولولي لأ مش معانا نجيب دوا من برة وبيبكوا
- رابعا فيه كتير من الأشعات والتحاليل ورسم القلب بيبقي بفلوس في الفترة الصباحية وفيه ناس كتير بتبقي في أمس الحاجة انها مثلا تعمل رسم قلب لكن مش معاها تمنه طيب ليه مايبقاش مجانى
للأسف دى بعض الحاجات مش كلها وانا في وجهة نظري ان الصحة من الحاجات المهمة اللي لازم نهتم بيها ففي الدول المتقدمة حاجتين بيبقوا السبب في تقدمها: ( الصحة - والتعليم ) اللي أكيد لو نهضنا بيهم مصر هاتتقدم
وانا بناشد المسئولين انهم يبصوا للناس الغلابة اللي محتاجين الكتير جدا لأن اللي بيحصل ده حرام عاوزين نحس بمكاسب الثورة

[b]‎‏ كمان نفسي الروتين الحكومي والموجود في كل المصالح الحكومية يتلغي ويتعمل بداله قواعد أبسط شوية ‏

» تيجوا نلعب؟ "شايفنى ازاى؟؟؟؟؟؟"
» علم اسرائيل موجود على حاسوبك
» يبدوا أن المنتدي به فساد اداري أيضاً
» أمن الدولة ما زال موجود بكامل قوته
» لسه الفساد موجود للشاعر المصري / رشاد هويدي ( شاعر الوادي )