إحكى لنا تجربتك مع جمعة الثورة أولاً

الأعضــــاء الثوار المحترمين ، سلام الله عليكم ورحمته وبركاته ، أتمنى أن يكون الجميع

قد عاد بخير من ميادين التحرير فى كل مصر ، إذاً أخبرنا كيف كان يومك وإنطباعك عن

عنه ، وماهى الأشياء التى رأيتها وأعجبتك وما هى الأشياء التى لم تسرك ، بإختصار إحكى

لنا تجربة جمعة 8 يوليو معاك ، جمعة الثـــــــــــــــــــــــــــــــــــــــــــــــــــــــــــــورة أولاً

ملحوظة حبايبنا الثوار بتوع ميدان الكنبة برضه معانا ، يحكوا لنا كانوا شايفينّا إزاى فى

الإعـــــــــــلام ، وماهى التطورات على المستوى الإعلامى كرد فعل للجمعة وعلى مستوى

المسئولين وكيف كانت تغطية التلفزيون المصــــــــــرى وكم قدر عدد الثوار فى هذا اليوم

كل حاجه ، كل حاجه ومن غير ما ينسوا ولا تفصيله واحدة لإننا منعرفش حاجه خالــص

لسه عن شكل اليوم ده فى الإعلام ، كلى آذان صاغيه ............................

استاذ محمود ارجو تغيير كلمة الكنبة دي ان كنت قاعد علي الفوتية لوسمحت

ههههههههههههههههههههههههههه

انا تابعت التلفزيون وكانت احسن قنوات مهتمة اون تي في و التحرير

- الشباب القبطي كان ينشد بعض التراتيل

-شباب اللجان الشعبية المنسؤلين عن وزارة داخلية التحرير قبض علي بعض البلطجية المسجلين خطر في الميدان الذين وجدو غايتهم في هذة الذحمة

- الاخوان غادروا الميدان في حوالي ال5 مساء

-بعض المتظاهرين قالوا بعض المطالب الفئوية للقنوات التلفزيونية

- 4 مجهولين اطلقوا نار عل المتظاهرين في السويس ولم يستشهد احد و
تم القبض علي 2 منهم.

- للاسف لم تتصدر الاحداث النشرات الاخبارية في الجزيرة والعربية والب يي يسي

-مدينة اسوان كانت بها تظاهرة محدودة في ميدان المحطة لاتتعدي مئتين
والخبر الاخير
- طفلي الصغير زو العشرين شهر كان نائما حوالي الخامسة فأنتهزت بث اغنية ازاي لمحمد منير لأنة يعشقها ويصحي كثيرا عليها و لايستطيع احد ان يغير القناة

بص يا سيادة العقيد انا من امبارح با حاول اكتب عن اليم ده لك مش قادر لانه كان يوم اكبر بكتييييييييييييييييييييير من انى اوصفه واحساسى بسعادة لا تتخيلها حتى الحاجه الوحيده اللى كان ممكن تعكر الموضوع طبعا بابا اللى كنت منتظر منه قصيده عصماء لانا كنا لسه متخانقين قبلها على كول لكن استغربت جدا من موقفه اول ما شافنى قالى ها وعملتم ايه بقى "مش بنبرة تريقه خالص"

فسيبنى يومين تلاته كده على ما افوق وبعدين احكيلك الموضوع بالتفصيل لكن يكفى انى طلعت من اليوم ده وانا كسبان 3 اصدقاء من اجمل ما يكون بجد دول شباب مصر اللى يفرح

خلاص حبايبنا الثوار بتوع ميدان الكنبة ما عدا أستاذ عماد اللى كان فى ميدان الفوتيه

تغطية إخبارية مقتضبة لكنها إضافة بكل تأكيد ، وما دام بن حضرتك عنده 20 شهر

وبيسمع أغنية محمد منير يبقى خد بالك من نفسك يا أ/ عماد ، الواد ده هايكون ثورجى

كبير ، خليك من صفه دايماً علشان وقت الثورة تكون فى السليم ، ههههههههههههههه

ربنا يخلى يا أ/ عماد ، أطيب المنى لك وللثورجى الصغير

أما إنت بقى يا خالد فالسيد الوالد لم يلقى عليك القصيدة العصماء علشان سيادة العقيد كلمه

وقاله دا كان معايا ، هههههههههههههههههههههههههههههههههههههههههههههههههههههههه

امممممم انا من اعضاء ميدان الكنبة lol!

انا كنت مرعوووووووووووووووووبة جداً في بداية اليوم لان اصحابي المصريين كلهم كانوا نزلين فكنت خايفة عليهم اوي فأستيقظت ال10 صباحاً وفتحت الجزيرة مصر مباشر وكان هاااااااادي الامر وصحابي في السعودية واليمن جزاهم الله خير كانوا متواصلين معايا علي الاخبار الجديدة والحمد الله اليووم خلص علي خيررررر Neutral

ولما كنت بتفرج علي التحرير كنت عمالا اقول اده العقيد محمود اهو انا شايفاه (كنت دايخة شوية drunken

)ههههه وانت يا عقيد عملت ايه؟؟!!

يا سلام يا سيادة العقيد ربنا يخليك لينا يا رب كويس انك كلمته ههههههههههههههههههههههههه

أى خدمة يا خالد يبنى (حلوة يبنى دى ، تمشى مع كونى عقيد) ، شويه ألاطــــــة بقى ما دام إنتوا مصممين على عقيد

وياترى شوفتينى كام واحد بقى يا بنت العرب أنا كنت حوالى المليون كده ، فيا ترى شوفينى كلى ولا شويات شويات ؟

لالا انا كنت شايفك كويس كنت شايفة الشيبسي بس هههه بصراحة وكنت عمال تاكل تاكل تاكل وكأنك بتغزني يعني هههههه

انا بقي كت من ميدان الكرسي مش الكنبة لاني كنت قاعدة علي الكمبيوتر
المهم انا كنت شايفة ناس كتير كدا وخلاص واخر حاجة عرفتها ان في اعتصام
بس وبعدين نزلت كلت ايس كريم ولب وشيبسي ادي جمعة الثورة اولا بالنسبالي
هههههههههههههههههههه

أنا بقى كنت فى ميدان أم كلثوم فى المنصوره عدد المتظاهرين كان ما بين 5 الى 8ألاف متظاهر الشعار الأكثر أنتشارا كان الشعب يريد محاكمه السفاح ...الشعب يريد حكومه ثوريه ....
وكان فيه لافتات كتير مرفوعه عليها صور مبارك وجمال والعادلى وغالى وحبل المشنقه (أن شاء الله)
بدئنا نتجمع بعد صلاه الجمعه والأعداد بدأت تقل بدايتا من الساعه7
لم يكن هناك أى حالات بلطجه فى الميدان بس مش عارفه أيه الى حصل فى الاماكن التانيه لان كان فيه مظاهرات فى أماكن أخرى بس كان الاعداد فيها قليله كان فيه مثلا مظاهره فى الجلاء وواحده تانيه على الكورنيش
كان فيه بعض حالات أغماء بسبب الحر معظمها فى الأعمار الكبيره وكانت بتعدى الحمد لله
لم يكن هناك تواجد أمنى بشكل مكثف ألا فقط أمن البنوك والمصالح الحكوميه وبعض عربيات الجيش الى أمام البنوك وهما أساسا موجودين من قبل كده

شكراً يامروة ، إنتوا قضتوها شيبسى وبس ، ههههههه

بس العدد كده عندكم يا شيماء كان قليل بالنسبة للعدد أيام

الثورة الأولى ولا التشرذم كل مجموعة فى مكان هو السبب

ولا الحر ؟ ، عامة الأجواء عندكم كان شكلها كويس ، الحمد

لله ربنا يجيب خروجنا بخير إن شاء الله ، شكراً يا شيماء

أطيب المنى للجميع ،،،

أه فعلا يا أستاذ محمود العدد كان قليل ومكنش فيه تنظيم لان كل مجموعه كانت فى مكان انما أكبر عدد ألى كان فى ميدان أم كلثوم
وأكيد الحر كان عامل مؤثر بس كلنا كنا معتمدين على أتلاف شباب الثوره فى المنصوره وقلنا هو الى هينظم العمليه بس طبعا مكنش فيه تنظيم لدرجه أن فى ناس بقت تروح للتجمعات ألى فى الجلاء والكرنيش ويدعوهم لانضمام لينا فيه ناس أستجابت وناس شافت أن الميدان حر والكرنيش أفضل وناس بتوع الجلاء المسافه كانت طويله بنا وبنهم فمكنش فيه تنظيم
بس اليوم عدا على خير الحمد لله والجمعه الجايه أذ لم تتحقق المطالب أحنا راحين تانى وأن شاء الله يكون أكثر تنظيما

ربنا يسهل فيه تجاهل تام من قبل المسئولين وكالعادة هايصدروا لنا سى شـــــرف وخلاص

فيه كلام دلوقتى ع النت من تصريحات لمحمد عادل المتحدث الرسمــــى بإسم شباب 6 إبريل

إنه صدرت تعليمات لماسبيرو بتجاهل العيال المعتصمه فى التحرير وهدوا الجو لحد ما يزهقوا

التعليمات دى من المجلس العسكرى ، الكلام ده لو بجد يبقى سنتهم سودا إن شاء الله والميدان

هايكون عمران الجمعة الجاية وربنا يلطف وميكونش حر بس ، الجمعة دى كان الحـــــر فظيع

بس أنا مش عارف هيا تغطية التلفزيون الرسمى للمليونية الأخيرة دى كانت إزاى ، إخـــــــوانا

بتوع ميدان الكنبة بقى يحكوا لنا أكتر ، شكراً يا شيماء

زعيم ميدان الكنبه ينقل لكم المشهد يوم الجمعة أمس
استيقظت كعادتي قبيل صلاة الجمعة وانطلقت مسرعا للمسجد
كان الجو حار جدا
والشوارع في مديني الزقازيق شبه خاليه الا من المصللين
صليت ودعوت الله لأهل الميادين أن يثبت خطاهم وان يجمع شملهم وان يجعل الحكومه والمجلس العسكري في صفهم ويحقق مطالبهم
اتجهت لبيتي مسرعا لآخذ مكاني على أريكتي المفضلة والتلفاز أمامي بشاشته الكبيره نظرا لضعف البصر عندي والريموت في يميني
وأخذت أقلب في المحطات بدأتها بالفضائية المصرية فوجدت أن الصلاة انتهت والنشرة شغاله وبعض المعلومات عن التجمعات الشبابيه في الميادين
فلم تشف غليلي
فاتجهت نحو الجزيره مباشر الخاصة بمصر
فوجدت بث مباشر من ميدان التحرير والجموع غفيره والكل يهتف بسرعة المحاكمات ولافتات ومنصات ومراسلين فأثلج صدري المنظر وقلت هامسا ليت الشباب يعود يوما فأخبره بما فعل المشيب
وبعد قليل انتقلت الكاميرا للسويس وأثناء تحدث المراسل سمعنا صوت اطلاق نار فاتجهت الكاميرا مصحوبة بحديث المراسل تجاه اطلاق النار فشاهدنا هرولة بين صفوف الشباب وهرج ومرج واوضح المراسل أن أحد البلطجيه قام باطلاق عيار ناري أصاب أحد الشباب وتم القبض على هذا البلطجي
وكانت السويس ملتهبة جدا على الرغم من قلة العدد مقارنة بميدان التحرير الا أن المراسل تحدث مع أهالي الشهداء وكيف أنهم لن يتركوا حق أبنائهم تضيع هدرا
وعندهم حق
ثم انتقلت الكاميرا الى مسجد القائد ابراهيم بالاسكندرية وتحدث المراسل عن خطبة الشيخ المحلاوي ودعوته الى سرعة محاكمات المجرمين وقاتلي المتظاهرين
ثم عادت الكاميرا الى ميدان التحرير وكان الحديث عن اقامة جمعتين احداهما للشيخ مظهر والثانية للاخوان فحزنت لذلك
وعن اعتصام الشباب تحدث المراسل مع عدد من المتواجدين وأصروا على الاعتصام
والشكوى كانت من حرارة الجو
وتحدث صفوة حجازي وآخرون
وفي المساء اتصل بي بعض أصدقائي من الشباب وقالوا لي توجد مسيره منطلقه من أمام مبنى محافظة الشرقية ودعوني للتواجد معهم فلبيت الدعوة واتجهت الى هناك فوجدت مجموعة ليست بالكبيره تهتف حكم العسكر هو هو ومش هنسيب حق عيالنا وعللي الصوت عللي الصوت الى غير ذلك من الهتافات
وأخذت سهرتي معهم على كورنيش مدينة الزقازيق أمام مبنى محافظة الشرقيه
ورجعت وأنا أردد عللي الصوت عللي الصوت اللي بيهتف مش هيموت
شكرا لحوده
ومتعكم الله أنتم وجميع الشباب بالصحة والعافية
فأنتم الأمل الباقي في غد مشرق
لكم كل الحب

حزب الكنبة ايه بقى يا أبو أسامة إنت بتخزى العين ولا ايه ، هههههههه

تمام تقريرك تمام يا أ/ أبو أسامة بس هو التلفزيون المصــــرى مكنش

بينقل مباشر ولا ايه ؟ ، ولا جاب كام لقطة والســــــــــــــــــــــــلام ؟؟؟

» جمعة سرقة الثورة
» احداث جمعة 9/9 هل هي فوضى عفوية ام مؤامرة لاجهاض الثورة
» الدستور أولاً ..
» الأحزاب أولاً هى المأزق
» تاني حاجة هتعملها بعد ماتقول صوتك بكره..تيجي تحكلنا تجربتك كانت ازاي