ما اكثر وقت في حياتك تتمني ان تعود له

ايه اكتر وقت في حياتك نفسك يرجع ثاني ويبقي ايه اللي مختلف فيه
ايه اللي يختلف لما ترجع ثاني

انا نفسي وقت ابتدائي من 4 لـ6 لان دي كانت اجمل ايام حياتي
بس بنفس تفكيري دلواقتي

موضوع جميل يامروة

ان افضل وقت في حياتي من يوم ماخطبت فتاتي الدكتورة (الاميرة مرجريت ) - ودة اسمها الحقيقي وهي خريجة طب بيطري وبتعمل في هيئة تنمية البحيرة بالسد العالي وبتهتم بالزريعة السمكية-الي الان
ومعها ومع ابني الصغير ابانوب اعيش اجمل ايام حياتي

مروة في اية الوحي نزل عليكي Laughing

ههههههه

موضوع جميل جداً يا مروة انا بالنسبة لية ايامي دية تماااااااام واكيد لما اكبر هقولك عايزة ارجع تاني لايامي

دية :=))

أجمل أيام عمري من سن 18 سنه لسن 25
ومش تسألوني ليه
هههههههههههههههههههههههههه
لأنني لو حكيت
أنا هأزعل على تلك المرحله
وأما أتعس أيام عمري بعد الأربعين
ههههههههههههههههههههههههههههه
هتسألوني ليه؟
برضوا مش قايل
اللي عاوز يعرف يرجع لموضوعاتي
رحلة في الذاكرة
وعلمتني الحياة
ومشاهدات وانطباعات من قاع المدينه
وجميعها منشوره بمنتدانا
مشكوره يا مروه على موضوعك القيم

ربنا يكرمك يا استاذ عماد يارب
وعلي فكرة اسم المدام حلو جدا

شوفتي يالولو ما احنا في رمضان بقي
هههههههههههههههههههه

بس كدا يا استاذ ابو اسامة محدش هيسأل يلا بقي احكلنا
بس عماتنا ياعني دا بيبقي سن الشقاوة
ههههههههههههههههههههه
اطلع اجري بادل ما اضرب affraid

تنسج لنا الذكرى صفحات من الايام فى كتب الذاكرة.
نحتفظ فيها بكل جمبل نقش بألوان زاهية نتذكرها دائما ونحب العودة أليها
وننسى ونتناسى المؤلم فيها

اتمني لو اعود الي الساعة السابقة ..فربما كان بامكاني فعل شئ مفيدا ولم افعله

_________________

بس بيني وبينك نفسي ارجع 2 اعدادي تاني

اتمني ان اعود الي فترة الجامعة لان فيها كل ذكرياتي الجميلة . في هذه الفترة احببت فيها زوجتي حبا كبيرا لانها كانت زميلتي في الجامعة و هذا الحب دام حتي الان و الحمد لله ..

كلموني تاني عنك ....... فكروني .. فكروني
صحوا نار الشوق الشوق في قلبي .. و فعيوني
رجعولي الماضي بنعيمه و بغلاوته و بحلاوته وبعذابه و بأساوته
و افتكرت فرحت وياك أد ايه

ياروقانك يا أبو البنات
أهم حاجه فكروووووووووووووووووووووووني
ههههههههههههههههههههههههههه
أنا لما بأفتكر
بأكون عاوز أجمع كل اللي عرفتهم في ذاك التوقيت ونعمل رابطه نسميها
تعالوا اتعلموا الحب عندينا
وبلاش نبكي على ليالينا
والدنيا حلوه من حوالينا
واوعه تحسدونا على أيامينا
احنا اللي صنعناها بايدينا
وبس
كفايه كده
أحسن تقولوا عني شاعر
وما أنا بشاعر

ههههههههههههههههههههههههههه
ياجامد يا استاذ امير دا حضرتك طلعت شاعر اهو

((الحمد لله ماضربتش))
يارب ما اضرب

ههههههههههههههههههههههههههه
ياجامد يا استاذ امير دا حضرتك طلعت شاعر اهو

((الحمد لله ماضربتش))
يارب ما اضرب

==================
مروه سلامتك يا بنتي أنا اللي كاتب الشعر مش مستر أمير
ههههههههههههههههههههههههههههههههههههههههه
وبس
وعقابك هو عدم دخولك رابطة المحبين لمدة يوم واحد
رفعت الجلسه

حــــــــــــــــــــــــــــــــــــــــــــــــــــــــــــيء
بقي كدا ماشي بس علي فكرة دي الحقيقة
هو دا سن الشقاوة كدا بقي هتمنع مدي الحياة
ههههههههههههههههههههههههههههه

مروة ضربت ..

هههههههههههههههههههههههههه
بقي كدا يا استاذ امير ماشي ماشي عادي علي فكرة كل الناس بتقول كدا
ههههههههههههههههههههههههه

احبائى

انا بدخل المنتدى كل ساعتين تقريبا لأن الفنانين ماعندهمش ترتيب وقت زى الناس العاديين يعنى ننام بالليل ونصحى بالنهار , يعنى احنا ممكن تقولوا زى الوطاويط احلى وقت بنحب نصحى بالليل ونحب نزوغ فى النهار من الدوشة , لكن دايما عدنا قلق يعنى مش ننام 7 ساعات زى الناس العاديين , لذلم تلاقينى كل شاعتين بدخل على النت على الاقل اشوف آخر الاخبار هنا ايه وكمان عندى منتدى تانى لنل هناك مهم اوى يعنى لو غبت عليهم ست ساعتا ممكن يجينى اسئلة تحتاج شهر عشان اجاوب عليها , بحب اخلص اول بأول , المهم انا قريت الموضوع ده امبارح بمجرد مانزل بعدها بخمس دقائق , عجبتنى الفكرة , وعلى فكرة عجبنى اكتر تنوع المواضيع الجميل اللى ابتدى يظهر فى المنتدى , وعشان ارد كان ممكن ارد على طول بس عشان الموضوع حلو ويستاهل يتكتب فيه كلام حلو فكرت 24 ساعة عايزاقول ايه ,
عايز اقول حاجتين :
الحاجة الاولى عكس الموضوع تمتما وهى حاجة وطنية من حبى لمصر وخوفى عليها فكرت فى يوم25 يناير سنة 2012 و 25 يناير 2013 لأن من عادتى احب ابص لقدام شوية , احنا يوم ماتنحى مبارك والفرح اللى حصل وحسينا ان الثورة نجحت , وكل واحد كان نفسه فى حاجة حس انه حياخدها وحاتحصل , لكن اللى حصل من ساعتها عكس كده خالص , يعنى الناس اللى عايزة تخرب البلد بقى صوتها اعلى , والناس اللى عايزة تهبش السلطة بقت تحركاتها اكتر وحسوا انهم خلاص خدوها وبيقسموها بينهم وبين نفسهم وهم مليون وباقى ال 85 مليون مش فى الحساب خالص , وهنا ابتديت اتخوف ان يوم 25 يناير الجاى واللى بعده حايكون الحال وصل لإيه ؟ يعنى هل ممكن البلد حالها يتصلح ونحس فعلا ان الثورة دى حاجة جميلة وحاتخليها احلى بلد فى الدنيا ولا البلد حاتخرب ونتحسر على ايام مبارك ونقول مع انهم كانوا ولاد .... بس كنا على الاقل حاسين بالأمان , او كانت البلد ماشية يعنى على الاقل 80% من الشعب ماكانش حاسس بكمية الفساد ده كله وكنا عايشين , اكيد انتم فاهمين قصدى وكلنا ندعو ربنا ان اللى بقوله يحصل الكلام الحلو اللى فيه

الموضوع التانى عن نفسى .. احلى وقت كان بالنسبة لى سنة 1970 وبعدها لحد 1985 , اول حاجة تخيل لما تنزل من بيتك وتروحتقابل ام كلثوم وعبد الحليم وفريد الاطرش وعبد الوهاب وفايزة احمد ووردة وكل نجوم الزمن الجميل يعنى العصر الذهبى , واللى لو قارنتهم باللى دلوقتى تلاقى الفرق كبير اوى , اوى , والحاجات الصغيرة يعنى زمان تركب عربيتك تركن فى اى مكان مش مشكلة فى كل مكان تلاقى ركن , انا النهاردة لو عايز انزل وسط البلد اولا لازم افكر حركن فين قبلها بإسبوع وبنتهى انى اما اركب المترو او آخد تاكسى , ودى فى حد ذاتها تعتبر ذل لواحد بيركب عربية من 40 سنة , يعنى العربية مش فسحة او منظرة ولكن ليها طقوس , يعنى مثلا شايل حاجة تقيلة بحدفها فى شنطة العربية , او عايز اروح من مكان لمكان , او احود على محل فى الدق آكل حاجة بموت فيها من محل معين , ولما فكرت اكتر تمنيت انى اكون ساعتها بخبرتى بتاعة دلوقتى , ياااااااه ده انا كنت كسرت الدنيا , او يكونا اخترعوا الموبايل ساعتها كانت الاتصالات مشكلة , وتمنيت ان ساعتها يكون الكمبيوتر طلع وكنت بكتب عليه نوتة موسيقية زى دلوقتى كنت برضه عملت عمايل , كنا زمان بنكتب النوتة بالقلم الرصاص , وممكن حد خطه وحش بتبقى مزعجة اوى , وكان ساعتها الجنيه كبيييييييييييييييييير اوى يعنى ممكن تملا العربية بنزين ب 2 جنيه يوديك اسكندرية وتتفسح كذا يوم كمان جوا اسكندرية , واهم حاجة كانت قطع الغيار ساعتها كلها اصلية مش تايوان زى دلوقتى يعنى القطعة تركبها تقعد 12 سنة وحاجات كتير
بس ام كلثوم قالت : عايزنا نرجع زى زمان .... قول للزمان ارجع يازمان
مع اطيب تحياتى

لاتموت الامانى من عزول ولاتقهر من حسد
فالأمانى هى اكثر الاشياء التى نتمناها ان تحيى
واجمل الاوقات واللحظات التى نعيش فيها بين الأمل والأمنية والتمنى
عالقين فى الخيال بين الأمل والذكرى بين الوهم الجميل ولذة السراب

حينما أنهيت المرحلة الإبتدائية وأتذكر هذا الموقف جيداً إلى الآن ، دخلت غرفتى على غير نية مسبقة

وجلست أقلب فى كتبى ودفاترى وأقرأ من صفحات الموضوعات التى كتبتها بخطى وأتذكر أن هذا

الموضوع الأستاذ ضربنى عليه وده الأستاذ خلى الأولاد صفقوا لى عليه ودا كذا ودا كذا ووالله دمعت

عينيا وانا باقلب فى الكتب وبعدها أخدت الكتب وخرجت بعتها بالكيلو لبتاع الروبابكيا !!!!!!!!!!!!!

لم أكن أعلم ولم يخبرنى أحدهم أننى سأدفع اى ثمن مقابل الحصول على هذة الكراسات الآن !!!!!!!!

حينما أنهيت المرحلة الإعداية ودخلت الثانوية وجدتنى أحن إلى زمن المرحلة الإعدادية ، وفى العام

الأخير من الثانوية العامة وبعد تفكير طويل فى هذا الأمر توصلت إلى أن هذة هى الدنيا ، اللحظة

التى تمر لا تأتى مرة أخرى وعليه فأنا يجب أن أستمتع بكل لحظة أحياها حتى إذا ما تذكرتها لاحقاً

أكون راضياً عن نفسى فيها ، وأذكر أن الشخص الذى جعلنى أصل لهذا المعنى هو الشيخ الشعرواى

رحمه الله فقد سمعته يتحدث ذات مـــــــــرة عن أحد تفسيرات ايه " لقد خلقنا الإنسان فى كبد "

قال من ضمن الكبد والتعب أن الإنسان كلما كان فى مرحلة من عمره مل منها وتطلع إلى المرحلة

التى تليها وكلما تذكر المرحلة التى قبلها يقول يا ليت أيامها تعود ويظل هكذا حتى يموت ، من لحظتها

أيقنيت أننى سأظل طوال عمرى إما أن أحن للماضى او أتطلع للمستقبل فقررت أن أستمتع بالحاضر

وأجعل من الماضى ذكرى طيبة أسعد كلما تذكرتها وأستشرف المستقبل متفائلاً به وطامحـــــــــــاً أن

يكون أفضل من الحاضر وهكذا أعيش إلى الآن ، وحينما أجلس أتذكر مراحل عمرى الماضية

أتذكر الأشياء الجيدة بكل مرحلة وأحن إليها لكن إن سألتمونى عن أفضلها أقول أنها المرحلة

الإبتدائية حيث البراءة والطفولة والنشاط اللا محدود واللا مسئول والمرحلة الجامعية الرائعة حين

بدأت أفهم الدنيا ، وإن سألتمونى ــ لو أصبح هذا ممكناً ــ إلى أيها أتمنى أن أعود ، أجيب بأننى

أريد أن أعود طفلاً بالإبتدائية ولكن بعقليتى الحالية ، آتى من الأفعال ما أشاء بدون حساب أو عتاب

عليا كطفل وأفهم الأشياء حولى كما الآن ، يااااااااااااااااااااااااااااااااااااااااااااااااه لو دا حصل !!!!

أشكرك مروة وموضوعاتك الأخيرة حقاً مميزة

أطيب المنى ،،،

مداخلة :

روبابيكيا كلمة ايطالية مكونة من مقطعين - روبا - وتعني بضاعة & وفيكيا ( ف وعليها ثلاث نقط ) وتعني قديمة والكلمة علي بعضها تعني بضاعة قديمة..
وشكرا lol!

أشكرك على الإضافة أ/ عماد

العفو يامحمود وحمدللة علي السلامة

مروه بنوته لذيذه شقيه اخذتنا بعيد
لو ارجع
ارجع لاوائل الثمانينات لاقابل زوجى مره اخرى واعيش معه العمر للمره الثانيه
طمع بقى

حوده
اولا حمد الله بالسلامه
ثانيا شدتني تعبيراتك حينما قلت:
أيقنيت أننى سأظل طوال عمرى إما أن أحن للماضى او أتطلع للمستقبل فقررت أن أستمتع بالحاضر

وأجعل من الماضى ذكرى طيبة أسعد كلما تذكرتها وأستشرف المستقبل متفائلاً به وطامحـــــــــــاً أن

يكون أفضل من الحاضر وهكذا أعيش إلى الآن
=====================================
كلام كبير موزون يدل على عقلية حاضره ومثقفه
أحييك عليه
===============================
الفاضلة عزة عبدالمنعم
منتهى الوفاء
متعكم الله بالصحة والعافية

عاوز ارجع ايام امتحانات الثانويه العامه اد ايه الواحد كان بيتعب ويطلع عينه بس اد ايه كانت اوقات جميله كان الواحد حاسس فيها بقيمة نفسه لانه بيتعب
او ممكن الترم التانى من اولى كليه لنفس السبب بس ساعتها ما كنت ش بتعب انا كنت بادح ههههههههههههههههه

المهم انى ما ابقاش دلوقت فى اجازه وانتخه حاجه تخنق بجد ان الواحد ينام ويقوم وما يعملش اى حاجه ليها اى لازمه

» أسوأ لحظة فى حياتك
» كيف تعرفين اسم شريك حياتك ؟؟؟
» السعوديه تتمني برنامجا مثل برنامج العاشره مساءا و مذيعه مثل مني الشاذلي ...
» هل هو ضيق أفق أم تعود على الديكتاتورية ؟!
» ما اكثر الشخصيات لاتحب التعامل معها