فين منى الشاذلي بتاعت زمان ؟ .. " إتسيّست " وبقت تسمع الكلام ولبست الكاب وحطت على أكتافها النجوم !!!!

فين منى الشاذلي بتاعت زمان ؟ .. " إتسيّست " وبقت تسمع الكلام ولبست الكاب وحطت على أكتافها النجوم !!!!

أحمد عفيفي .. رأي ورؤى

قبل ان تقرأ
فين منى الشاذلي بتاعت زمان ؟ .. " إتسيّست " وبقت تسمع الكلام ولبست الكاب وحطت على أكتافها النجوم .. هاتي الجنزوري .. حاضر يا افندم .. عيدي الحلقة مرتين .. تمام سعادتك .. خسارة والف خسارة ع الناس الحلوين لمّا يبقوا " وحشين "!

هل أضحك حتى أستلقي على قفايا من الضحك ،أم أبكي حتى تُغرق دموعي الأمة بأـسرها؟ هل يعقل ما سمعته بأذني في مداخلة اللواء الفنجري مع لبنى عسل في برنامج " الحياة اليوم " ؟ .. وهو الذي أدى التحية العسكرية لشهداء الثورة ، فسكن قلوب كل المصريين ، ثم أشار بأصبعه مهدداً الثوار أنفسهم ، فتم طرده من هذه القلوب النظيفة ، ولن يسكنها ثانية ولو دفع فيها مئات الملايين من الجنيهات.

كان اللواء الفنجري يتحدث عن مصابي الثورة ويستعرض بالأرقام كيفية تعويضهم عما أصابهم ، غير أني وقفت عند رقم بعينه ولم أصدق ما سمعته .. المصاب الذي فقد عيناً واحدة يأخذ معاشا 500 جنيه ، والذي فقد عينيه الاثنتين يأخذ تقريبا ألف جنيه .. يا دي الهنا ويا دي النور .. لأ بلاش النور .. مش مكانها خالص دلوقتي .. اللي فقد نور عينيه يساوي عند اللواء الفنجري وعند الدولة وعند المجلس العسكري ألف جنيه في الشهر .. يعني الدكتور أحمد حرارة الذي فقد عينه اليمنى في موجة الثورة الأولى وعينه اليسرى في الثانية حياخد ألف جنيه في الشهر ، وهو طبيب الأسنان الشاطر النبيه المتمكن الذي كان يعمل معتمداً على نور عينيه ، ويكسب أضعاف أضعاف ما سوف يتفضّل به عليه المجلس العسكري .. متزوج وعنده أولاد وفاتح بيت وكان يقوم بمسئولياته كرجل محترم على أكمل وجه نتيجة مهنته المحترمة ودخله منها .. راحت عينيه الاتنين ومش ممكن يشتغل تاني ، لا دكتور ولا حتى مكوجي ، فراح المجلس العسكري فكر ثم فكر ثم فكر ، فتفتق ذهنه العبقري الإنساني أن يعوضه عن عينيه الاتنين بـ الف جنيه .. يعني يحمد ربنا الدكتور حرارة ان عينه التانية طارت في شارع محمد محمود ، والا كان نصيبه من الوليمة العسكرية فقط 500 جنيه .. ويحق - مادامت المسألة تهريج في تهريج - أن يحسد من فقد عيناً واحدة أحمد حرارة لفقده الاتنين .. ومش بعيد يقولها : ياتنا نيلة في حظنا الهباب!!

أرزاق يا عم احمد يا حرارة .. الألف جنيه مكتوبة لك .. وقلبي مع اللي اتحرم من نور عين واحدة وحياخد 500 جنيه بس .. كنت يا أخي روح شارع محمد محمود أو حتى اتفق مع قناص العيون الشناوي بيه يطير لك التانية ، وابقى شوفه بأى حاجة من تحت التربيزة .. عشان تفوز بمعاش المجلس الأعلى وتلهف " الالفاية " مرة واحدة ، ولا تنظر بعين الحسد لواحد زي حرارة اللي اختار المكان الصح في الثورتين ، فسهّل للقناص هدفه وفاز بجائزة القوات المسلحة.

قد يكون كلامي بهذه السخرية في غير موضعه ، لكنها ليست أبداً كتابة ساخرة ، لكنها موجعة ومؤلمة لمن عنده ذرة واحدة من الإحساس .. " ولاتحسبوا رقصي بينكم طربا ، فالطير يرقص مذبوحا من الالم" !
يا خسارة الثورة ويا خسارة الثوار .. يا خسارة يا مصر .. ماتوا ولادك عشان خاطر عيونك واللي حكم .. العسكري .. طارت عيونهم عشان تبقي شابة وعروسة فجوّزوكي الجنزوري .. عريس فوق السبعين .. وانت اللي كنت بتحلمي بعريس في سنك .. ياخدك في حضنه ويدفّيكي ويقدر يدافع عنك ويجيب منك عيال رجالة يحموكي العمر كله .. طلقوكي من شرف بعد ولادك ما صرخوا " الجدع ده مش نافع .. مع انه مش عسكري انما اتعلم في شهور قليلة تمام يا افندم .. فراح المجلس ونزولا على رغبة ولادك اطاح بشرف ، وجاب لك الجنزوري .. افقدوكي يا غالية الحلم .. مكتوب عليك الشقا ... و " العواجيز "!

رابط الموضوع : http://www.dostor.org/opinion/11/december/7/63318

هذا الكلام غير صحيح و عاري تماما من الصحة ..

الف شكر يا شيماء علي هذا الرد الموفق والصحيح جدااااا ..

الشاذلية هي الشاذلية لن تتواطأ مع العسكر ولا خلافه
لأنها اعلامية تعرف معنى الكلمه ورصيدها محفوظ في القلوب
وان كنت ناسي أفكرك
رحلتها وحوارها مع بوش
رحلتها وحوارها مع الغزاويين
رحلتها وحوارها مع شباب الثوره ومن وسط الميدان
موقفها الواضح والصريح منذ بداية الثورة وقبلها يوم أن كان معظمهم يهرب ويتلون
أنزلوا الناس منازلهم
ولا تبخسوا الناس أشيائهم
شكرا مستر أمير
وأهمس عامل ايه في الجو البارد بالاسكندرية ومع حرارة الانتخابات ؟
عارف انك بتحب البرد لاكن اللي عاوز اعرفه هو تعليقك على الجولة الاولى من الانتخابات
ياريت اعرف وجهة نظرك في موضوع مستقل
بالمناسبه انتخاباتنا يوم الاربعاء
بأشاور نفسي هل اذهب أم أن زيد مثل عبيد على راي المثل
تقبلوا تحياتي

اشكرك اخي العزيز ابو اسامة ..

انا مستمتع جدااا بالجو البرد ده ..

الانتخابات كانت شئ راااائع و لم يشوبها اي شئ غير ما فعله الاسلاميون من الاخوان و السلفيين من اخطاء بالجملة و فعل كل شئ غير مسموح به بمنتهي الاستفزاز للوصول الي مقاعد البرلمان بالعافية ..

الاخوان و السلفييين هم النقطة الوحيدة السوداء في ثورة 25 يناير العظيمة ..

طبعا دى كلام مش مظبوط

الف شكر لرأي حضرتك ..

» أمنيات وتقدير النجوم لعام 2008 المنقضي .. اقرا راي ميرفت امين في مني الشاذلي ..
» منى الشاذلي: الكلام اللي جاي عن مدينتي أكتر بكتير من اللي فات
» ساعة النجوم على الفضائيات " سعرها مولع نار"
» أحب مني الشاذلي .. أقصد أقول إنني أحب برنامجي العاشرة مساءً وليس مني الشاذلي.. يبتسم ويقول "بلاش بحب مني الشاذلي دي علشان المدام مترفعش قضية خليني عايش
» * لكي تلمسوا النجوم*