الاخ العزيز المواطن الصالح
العملية كلها طبيخ فى طبيخ
ينى الاخوان بقوا هم كل حاجة فى البلد
يعنى المرشح اللى حا يختاره الاخوان او على الاقل يؤيدوه هو الرئيس القادم من غير ما نقعد نتكلم كتير ونفاصل كتير ومن غير حتى ما ننزل ننتخبه
بمعنى هم اختاروا واحد وعندهم كل السبل الكافية واللى ظهرت بوضوح فى انتخابات مجلس الشعب اللى اولها تبويظ القوانين يعنى القانون اللى بيقول ممنوع انشاء احزاب دينية وممنوع ان الفردى يبقى من الاحزاب والحاجتين دول لوحدهم يبطلوا الانتخابات ولكنهم قدروا يخرقوا القوانين غير اللعب التانى اللى اقل حاجة فيه انهم جندوا تقريبا معظم الموظفين العاملين فى اللجان .. فعادى جدا ان اى واحد حيرشحوه او هم عايزينه حاينحج وخلصتحتى لو طلع فى دماغهم بؤيدوا المطرب سعد الصغير وللعل مده مكسب لهم انه واحد جاهل ما يفهمش فى اى حاجة من اى نوع يعنى يبقى قفص محطوط او رجل كرسى وهم يعملوا كل اللى عايزنه وانا اشك انو بيعرف يقرأ اصلا ...
الامور كانت ماشية على ان فيه ابو الفتوح وابو اسماعيل والليبراليين قدامهم فرصة انهم يختاروا يعنى فيه شوية منافسة لكن لما الاخوان نزلوا الشاطر خلصت المنافسة كده واتحكمت من غير الانتخابات اصلا .. ولو تلاحظ نفس التصريحات اللى كانوا بيقولوها قبل مجلس الشعب بفترة واللى بتديك ايحاء انهم خلاص مسكوا مجلس الشعب يعنى الثقة فى تجهيزهم للإنتخابات بكل الواائل نفس الصورة بتتكرر .. يعنى شوف كلام الاخبار .. ان وفد من الخاوان دلوقتى فى الكونجرس الامريكى بيسوق لخيرت الشاطر وكلمة يسوق يعنى اخنا خدامينكم يا ماما امريكا وتحت امركم زى مبارك واكتر شوية .. وتطميم خيرت الشاطر لإسرائيل اننا ماشيين فى اتفاقية السلام زى ما احنا ( وطبعا تطبيع العلاقات وكله كله ) بيتكلم زى ما يكون خلاص مسك الرئاسة
وانت لو فى مكان عمر سليمان ( واحنا بجد كنا محتاجين واحد زيه بالذات فى الانفلات الموجود يعنى راجل مش تيار دينى ويكون شديد اوى )
اكيد كنت حاتنسحب لأنك بالوضع ده خسران خسران ونفس القصة مع ابو الفتوح وابو اسماعيل والعوا وباقى المرشحين المهمين
يعنى انتخابات الرئاسة النزيهة ( او كما ينبغى ان تكون ) بيبقى كل واحد بيحشد انصاره ويو الانتخابات تتحبس الانفاس لحد آخر لحظة ماحدش عارف مين اللى حايكسب .. بحيث ان من دلوقتى لحد يوم الانتخابات كلو بيشتغل بشرف وساعتها الخسران حايبقى عمل اللى عليه وربنا ما اردش .. لكن باللى بيحصل دلوقتى والانتخابات بعد شهرين وانا عارف من اولها مين اللى حايكسب ومن غيرماحد ينزل ينتخب اصلا ( زى انتخابات الشورى ) اكيد كل واحد بيحترم نفسه حاينسحب ... مع الاسف
مع اطيب تحياتى
النوع
موضوع: ياخسارة 
الأربعاء أبريل 04, 2012 11:39 pm
