هل ستمتنع الشاذلية عن التصويت ؟ ام ستصوت لمرسى ام شفيق

رغم انها لم تفصح عن مرشحها فى الجولة الاولى من انتخابات الرئاسة وعن من المرشح الذى
حظى باهتمام الشاذلية فى هذه الجولة من الانتخابات الرئاسية
الا ان حالها مثل كثير من المصرين فى حيرة لايعرفو من سينتخبون؟
فهناك ثلاثة اختيارات تضع المواطن فى حيرة
1- فام ان يعطى صوتة لمرسى والدولة الدينية كما سمها البعض
2- او يصوت لصالح شفيق وعودة الحزب الوطنى من جديد والنظام البائد
فربما انه يطر ان يختار احدهم وهو غير مقتنع بالاختيارين تماما
3- او انه يلجا الى الحل الاخر ان يمتنع عن التصويت ويبطل صوتة
فهذه حيرتى وحيرة الكثيرين من الشعب اى من هذا سنختار ؟
فمجبر اخاك لا بطل
فترى اى من هذه الحلول ستختار الشاذلية ؟

تحية طيبة لأخى الفاضل صاحب الطرح المهم ..

أنا لست مع الإمتناع عن التصويت .. أو إبطال الصوت ..

لأنى أعتبر ذلك بطرا بنعمة الديمقراطية .. التى دفع ثمنها .. شباب ضحى من أجل التغيير .. بأغلى ما يملك ..

ضحى بحياته !!

ولم نسمع أبدا .. فى دول الغرب المتقدمة كثيرا .. والرائده فى تجارب الديمقراطية .. عن إمتناع أو إبطال صوت !!

مهما يكن من سيأتى فلن يكون أسوأ ممن سبق !!

والحكاية كلها 4 سنوات .. إستحملنا .. وصبرنا قدهم 15 مرة !!

ومين عارف يمكن يطلع كويس .. ونجددله 4 كمان .. الناس ليه مرعوبين ..

بصراحة شكلنا بقى وحش قوى وإحنا عمالين نقطع فى بعض ..

أفتكر جه الوقت اللى نتوحد فيه .. ونواجه قضايا مصيرية .. مثل تدخل أمريكا السافر فى شئوننا الداخلية ( عن طريق الجمعيات الأهلية مثلا ) وتحرش إسرائيل بحدود سيناء ..

وثورة الجياع التى تدق الأبواب ..

وووووو

فى قضايا كتير مصيرية لازم نتوحد عشان نحلها .. بدل ما كل واحد مشغول بنصيبه فى كعكة السلطة ..

بلا خيبة .. ده اللى ح يمسك .. ح يشيل هم متلتل فوق دماغه .. ويمكن يتجنن فيها .. هى الرياسة دى أملة

ده كفاية الواحد مشغول وخايف ح يروح يقول لربنا إيه بعد ما يموت .. لو سأله عن رعيته .. و ورعيتى 3 بنات ..

بافكر فى أكلهم وتعليمهم .. ومش با حاول أفكر فى جوازهم .. عشان بتجيلى دوخة ..

الريس اللى ح يمسك .. لازم نعزيه يا جماعة .. مش نهنيه .. على الخازوق اللى يقعد عليه !!

سورى : اللفظ خارج .. لكن ده أحسن وصف .. للكرسي اللى إحنا عمالين نقطع بعض عليه ..

تحياتى للجميع

الله أعلم

بعد متابعتى لحلقة العاشرة مساء فى اول يوم من جولة الاعادة لانتخابات الرئاسة
اقدر اقول ان احساسى بنسبة كبيرة انى مدام منى هتقاطع الانتخابات هذه المرة
خصوصا وان معظم الاعلامين يؤيدون المقاطعة وعلى راسهم الاستاذ حمدى قنديل
وهذا احساسى الشخصى والله اعلم

لقد صدق احساسى وان الشاذلية اصبحت من المقاطعون
لجولة الاعادة بين مرسى وشفيق

» الزمالكاوية مستاؤن من الشاذلية
» عفوا: الشاذلية لم تمارس الحيادية فى حلقة الامس
» هل تخلت الشاذلية عن الاتصالات الهاتفية فى العاشرة مساء
» كدبة نهاية ابريل : حصول الشاذلية على الجنسية الامريكية
» كل يبدا التصويت ل الاء جاويش