أنه المستقبل فماذا نحن به فاعلون ؟؟؟

أنتهت انتخابات رئاسه الجمهوريه وعلم الشعب المصرى كله من هو رئيس الجمهوريه القادم وعن قريب ان شاء سيتسلم الرئيس السلطه رسميا
أما عن المستقبل فلا نعلم ماذا نحن فاعلون به ؟؟؟
علينا جميعا أن نعلم أن المستقبل يبنيه الشعوب وليس الحكام فقط لذلك لايمكن لشخص بعينه أو فرد واحد أن ينهض بأمه بل الأمه كلها تنهض بنفسها لذلك فلنغير ما بأنفسنا أولا فى البدايه كان المطلوب تغير رأس السلطه حتى نستطيع ان ننهض وبالفعل سقط مبارك وعشان سنه و8 شهور فى الفتره الأنتقاليه التى مرت بحلوها ومرها وأنتخب رئيس لاول مره منذ 7ألاف سنه لمصر والأن جاء الدور علينا نحن الشعب أن نغير من انفسنا من كان يتهاون فى عمله فليجد فلم يعد هناك حجه للتهاون ..من كان يأخذ الرشوه من الناس مقابل تقديم الخدمات لهم بشكل أسرع فليكف عن ذلك فلم يعد هناك حجه لأخذ الرشوه ولم يعد يمكن أن نضع لها اسم أخر "أكراميه مثلا" لم يعد ذلك مقبولا .. من كان يهمل فى شرح الدروس بالمدارس الحكوميه مقابل الأهتمام بالدروس الخصوصيه فاليفكر قليلا فى مستقبل وطن ضحى زهره شبابه بعمره لكى نصل للحظه الى احنا فيها دلوقتى
وليس ذلك وفقط ولكن علينا ايضا أن نضع حلم أو مشروع معين امام أعيننا حتى نلتف حوله لننفذه وليكون حلم تعمير الصحراء الشرقيه مثلا ...
أيها المصريون مصر لن تنهض بمحمد مرسى ولا بغيره كمصر هتنهض بأحمد ومحمد ومينا وجرجس ومروه وسعاد وكل الشعب بكل طوائفه
فالننسى من منا كان مؤيد لاحمد شفيق ومن منا كان مؤيد لمرسى ومن منا قاطع الأنتخابات اصلا ولنتذكر اننا كلنا مؤيدين مصر .

اشكرك يا شيماء على كلامك الجميل
فعلا احنا اول شىء محتاجينه هو : المواطنة
يعنى كل واحد فينا اولا مصرى وكلمة اولا مصرى يعنى مصر هى فوق كل حاجة .. ولازم كل مصرى يحس بقيمة مصر ام الدنيا
وكلمة مصر ام الدنيا دى مش كلام عواجيز قاعدين ع المصطبة فى القرية ... ولكن مصر اولا كانت ام الحضارة ومنبتها ... ايام ما كانت اوروبا لسه فى العصر الحجرى ... مصر كانت على مر العصور مقبرة الغزاة ... مصر اللى ماحدش لا كسرها ولاكسر نفس شعبها على مر التاريخ ولكن مصر هى اللى قطمت رقبة اعتى الغزاة .... يعنى اقل حاجة عارفة التتار اللى بهدلوا الدنيا ؟؟؟ مصر هى اللى خلصت عليهم
مصر بجيشها العظيم خير اجناد الارض ... اللى ساهم بدور كبير فى تحرير كل دول المنطقة من الاحتلال وآخرها تحرير الكويت
مصر منبع الحضارة والعلوم والفنون ... يعنى احنا ماتوفناش عند عظمة الاهرام ولكن بنينا السد العالى وهو اعجاز على كل المستويات
وفى السنوات الاخيرة عملنا مترو الانفاق يعنى لو تشغل مخك وتتخيل ازاى عملوا الانفاق دى تحت الارض من رمسيس للسيدة زينب وتحته نفق من شبرا للجيزا مروراً بالنيل وتجته نفق من العباسية للعتبة ... يعنى اوربا الاول بنوا الانفاق وبعدين بنوا فوقها الدولة
احنا عملنا العكس المستحيل وهو حفر النفق تحت الدولة ودى فى حد ذاتها معجزة
بس اخطر حاجة اللى عايز مصر تفضل فوق نبص على مصر ... انا رحت جميع دول العالم لو شفتى اى دولة تلاقيها لونين او خمس الوان او عشر الوان
لو دققتى فى مصر حتلاقيها ال 12 لون الاساسى وجميع الاولان المشتقة منها وممكن تشوفى ده فى شارع واحد ... واى واحد عايز يغير لون مصر او يصبغها بلون محدد يبقى بيرتكب جريمة فى حق الشعب المصرى ويبقى خاين لمصر ...
الشعب المصرى ده شعب حر امه ولدته حر ما ينفعش حد يركب على انفاسه ويسكت له كتير
عامل زى الفرس العربى الاصيل ... ايه الفرق بين الفرس العربى الاصيل وبين الحصان اللى انت بتركبه بالساعة فى الهرم ؟
ان الحصان بتاع الهرم مستأنس مكسور الجناح يعنى ممكن اى حد يركبة وهو ساكت لكن الفرس العربى الاصيل عنده عزة نفس يعنى لو حد ركبه وماكانش فارس ممكن يوقعه ويقطم رقبته ... وحصلت من قبل مع المماليك وكل الطغاة اللى دخلوا مصر
النهاردة احجنا كلنا ورا الرئيس اللى انتخبوه واللى انتخبوا شفيق واللى مانزلوش الانتخابات من اصله
هو عليه شغل واحنا عليناشغل .. يعنى هو فى موقف لايحسد عليه مستلم البلد متبهدلة .. يعنى ايوه هو اول رئيس منتخب فى مصر لكن كمان عمر ما حاكم مسك مصر قبل كده وكانت خربانة للدرجة دى من كل النواحى مش من الناحية الاقتصادية فقط ولكن من نواحى تانية اهمها الحاحات اللى طلعت علينا خلال ال 18 شهر الماضيين ... يعنى مثلا فوضى الباعة الجائلين فى الشوارع واللى سدوا الارصفة ... عشان مفيش العين الحمرا بتاعة البلدية ... والعمارات اللى تبصى تلاقى كل عمارة زادت كذا دور بدون ترخيص وهل ده خطر على البناء نفسه ولا لأ .. هم تخيلوا ان خلاص مش حايبقى فيه حكومة ... المجرمين بقوا طايحينفى الشوارع كان القانون مات .. يعنى كان زمان بتاع المخدرات بيمشى فى الشارع مرعوب يتلفت حوالين نفسو النهاردة ممكن يحط المخدرات ع الرصيف ويعلق يافطة بالأسعار عشان يحصل إقبال .. كان زمان اعتى المجرمين
لما يتقبض عليه اهله بيباتوا قدام القسم وهم منكسرين وبيغنوا اغنية محمد منير حبيبى حبسوه واكتر حاجة يعملوها يجيبوا لو عيش وحلاوة
النهاردة اى نشال صغير بيتمسك بييجى قرايبه ومعاهم شوية مجرمين بالسلاح الآلى يقتحموا القسم ويقتلوا عشان يخرجوه ..
كان زمان كل سفاح لما القاضى بيحكم عليه اهله بيتقبلوا الحكم لأن فيه قانون واللى يعمل كذا عقوبته كذا الناهردة ممكن يضربوا القاضى بالنار ..
المحامين اللى كانوا بيترعبوا من القاضى احتراماً النهاردة بيقلبوا عليها المنصة ايه ده ... حياخد اد ايه عشان يتصلح تانى ؟؟؟
المرور اللى بقى مفيش لا اتجاهات والكل بيرك ن صف تانى وتالت عادى
وياترى الاضرابات الفئوية عشان زيادة الاجور طيب منين دلوقتى مش الاول يشتغلوا ؟؟؟؟
البلد محتاجة فورا : انسف اخلاقك القديمة وابتدى الاخلاق تانى ... لأنها مش حاتستحمل الفوضى اكتر من كده
مع اطيب تحياتى

أذ فكر كل واحد منا في واحباته وحقوقه فالوطن هيتقدم صحيح استاذ عادل المواطنة لازم تتفاعل
وتفعيل الحرية شئ مهم جدا الحرية تفعيلها لازم يكون موجود في الشارع وفي المصنع وفى كل مكان
وكمان من المهم أن نقضى على البطاله التى راح بسبها خيره شباب مصر ودفنت افكارهم

يجب ان يبدأ كل شخص بنفسه ولا يتنظر ان ييبدأ غيره
نعم كل منا اذا بدا يغير نفسه ويغير من حولة ويعمل بجد لكي تقوم بلدنا
يارب عنا يارب

أستاذ عادل كلامك مظبوط جدا ويجب أن أرفع له القبعه

زينب كلام جميل جدا لكن علينا التغير ما بأنفسنا أولا

مروه مجدى فعلا يجب ان يبدأ كل شخص بنفسه

يا جماعة من الواضح ان دكتور مرسي كان مش طايق نفسه مابتسمش حتي وهو في النحكمة الدستورية
حد لاحظ دا ولا ايه

على عكس ما كان مبسوط جدا أمبارح فى ميدان التحرير

اه فعلا يا شوشو

شوفتوا تقريبا في حاجة حصلت مع المجلس العسكري وبكدا الاعلان الدستوري ملوش لزمة ومرسي
القائد الاعلي للقوات المسلحة بدليل
أنه المستقبل فماذا نحن به فاعلون ؟؟؟ Scaled.php?server=100&filename=53150748304657505196419

أنه المستقبل فماذا نحن به فاعلون ؟؟؟ Scaled.php?server=100&filename=53150748304657505196419

» فخور انى مصرى فماذا عنكم
» أمتحان ماده المستقبل
» هناك دعوة موجة للاعضاء من قبل رابطة المستقبل
» 29-1 ...عيد ميلاد ألاء جاويش مراسلة برنامج العاشرة مساء واعلامية المستقبل
» اذ توفرت لك الفرصة فماذا تختار العمل الحكومي ام العمل خارج الحكومة ؟؟؟؟؟