أجمل إحساس بالعجز !!!

أنا من كام ساعه فاتوا كنت في 4 مصائب !
كنت أتمني الموت دون وقوع إحداهم فقط !
منذ ما يقرب من إسبوع وأنا أعاااااااااااني ، أدعوه ليفرج عني الأولي فيثقلني بالثانيه !
أتضرعه راجيا فيأتيني بالثالثه !
أقسم عليه أن يقبضني رحمه بي فتكون الإجابه بالرابعه !
وحينما جفت دموعي ونضبت كلمات رجائي ...
خرجت الليله إلي الصحراء سائرا وعيني صوب السماء ناظره بصمت !
ثم رجعت مطأطأ الرأس منكسرا يائسا ...
لم أكد أصل إلا وجاءني البشير
إنتهت الأربع مصائب !
إنتهت مش إتحلت
إنتهت كأن لم تكن أصلا !

مش عارف أقول الحمد لله
مش لاقي كلمه ولو صغيره أعبر بيها عن عميييييييييييييييق حبي له
حاسس بالكسوف من صغر الحمد لله دي
مش عارف اللي هقوله دا صح ولا غلط ، نفسي أخد ربنا بالحضن وأقوله بحبك أوي !!!
دا أجمل إحساس بالعجز !!!
عاجز عن شكر ربنا
عاجز عن شكرك يا الله

والله يا جدعان أنا فعلا كنت بتمني الموت أهون
وكل ما أدعي تتضيق أكتر لحد ما خلاص كنت أيقنت إنها النهايه
أيقنت إن خلاص مفيش مخرج

أصل البلاء للإنسان علي نوعين :
إما بلاء إبتلاء
أو بلاء جزاء
الأول لإختبار صبر وإحتساب ولجوء المؤمن لله ودا بلاء بنؤجر عليه
والتاني بيبقي تصفيه حساب بالبلدي كدا في الدنيا هنا أحسن من تصفيته في الأخره ودا بيكون بلاء لتكفير ذنب إقترفته

كل ما كانت تتضيق أكتر كنت أفكر أكتر وأراجع نفسي كويس هل أنا إرتكبت ذنب عظيم ودا تكفير عنه ، مش لاقي !
ولما وصلت لمرحله اليأس وإقتنعت إن دا بلاء أو بلاءات بالأصح لإنهم كانوا 4 ، دا بلاء جزاء بس علي ايه مش عارف ؟
ولحظه ما وصلت لليأس فورا ربنا فرجها من واسع ، من واسع أوي
افتكرت بقي الأيه دي وكاني كنت اقرئها لأول مره :
حتي إذا إستيئس الرسل وظنوا أنهم أحيط بهم .....
والله وكأني أقرأها لأول مره
أحيانا يؤخر الله نصره حتي تصل للحظه اليأس فيفرجها حتي تفهم أنها فرجت بقدرته لا بأسبابك الماديه
التفسير للشيخ الشعراوي

وكما نصحني أخي سأردد بلساني ومن قبله وتسبقه كل جوارحي :
اللهم لك الحمد كما ينبغي لجلال وجهك وعظيم سلطانك

شكرا جزيلا لكم أصدقائي الغاليين
شيماء ، بنت العرب ، م/أمير ، أ/عادل

ونصيحه كدا ع الماشي قولوا لأي حد رايح الجيش أو لسه بيجهز ورقه لسه ما يكتبش إيميله الحقيقي ولا رقم موبايله
نصيحه غاليه أوي ياريت كان حد قالها ليا قبل ما .....
يلا الحمد لله علي رحمته ومش هقدر أقول برضه غير :
اللهم لك الحمد كما ينبغي لجلال وجهك وعظيم سلطانك .

ربنا معاك يا محمود والي انت كنت فيه ده كان أمتحان وربنا معاك ان شاء الله قول بس يارب
وربنا مفيش احن واطيب منه ربنا معاك يا محمود

متسكر أوي يا زينب والحمد لله علي كل حال