رسالة الى الرئيس ..
----------------------
سيادة الرئيس المحترم ..
عدي الدستور بسلام والشعب قالك ( نعم )..
إتفقنا أو إختلفنا للكل رأي بيُحترم ..
يا ريت نشوف مصر الجديده
نشوف المصري له كرامه فى دولته ..
يشوف إحترام من البلد اللى سنين طويلة ذلته !!
نعوضه سنين قرف متتنسيش ...
ميه مجاري متتنسيش .. عيشه فى عشش متتنسيش
ظلم الطغاه اللى انتفش ميتنسيش ..
أمين شرطة يلطش فى أهله ويلبسه قضية حشيش ..!!
3 ساعات فى طابور طويل عشان يلاقي رغيف العيش
و 10 ساعات عشان الغاز ومايلاقيش !!
كل ده مبيتنسيش !!!
-----------------------------------------------
يا ريت منشوفش مصري بيعذبوه لإنه ماشي مع والدته !!
يا ريت منشوفش مصري بيكهربوه لأنه ربي لحيته !!
يا ريت منشوفش واحد معلقينوا لأنه باس إيد جدته !!
ولا نشوف واحد خدوه من شقته .. وقالوا يمكن تكون مش شقته ..
مين اللى يثبت إن اللى نايمة معاه مراته ؟ يمكن عشيقته ..؟؟
لو حتي جاب قسيمة جواز ... طيب ما يمكن مـــُزورة ..
طبعا حكومة كانت بتكره كل الأمور المنكرة !!
حكومة شربت من دمنا ... ملعون أبوه الإفترا
------------------------------------------------
سيادة الرئيس ..
عايزين شريعه !! عايزين نشوف المسلمة لبست حجاب .
ونشوف لو مرة واحد بلطجي نال العقاب
يا ريت نشوف اعلام من غير سباب
يا ريت نشوف أمل من غير ألم بين الشباب
ولو مشفناش إلا ماضي ..هينفتح علينا كلنا باب العذاب .. !!
------------------------------------
كتبها تامر عزت
22/12/2012
النوع
موضوع: رسالة الى الرئيس .... هام 
الثلاثاء ديسمبر 25, 2012 1:30 am
