القصيده الرائعه الجديده للشاعر / جمال بخيت ( مدد ) يتحدث فيها عن مني الشاذلي . نشرت القصيده علي صفحه كامله بجريدة الدستور المصريه و صوره لمني بجوار القصيده

القصيده الرائعه الجديده للشاعر / جمال بخيت ( مدد ) يتحدث فيها عن مني الشاذلي . نشرت القصيده علي صفحه كامله بجريدة الدستور المصريه و صوره لمني بجوار القصيده ..





باموت يا مصر المتباعة
باموت يا مصر المنهوبة
شمسك تسير عكس الساعه
والعين عالعمى مغصوبة
الصفر خيم على زمنك
وعروق رقابتك مطلوبة
على الحدود قتلوا ولادك
وتقفى ساكته ...ومرعوبة
مدد يا هيكل ...يا ضميرى
مدد يا كامل يا زهيــــرى
مدد يا قاضى يا خضيرى
مدد يا مكى يا زكريا
يا جورج اسحاق
يا مسيرى
يا بسطويسى....يا حرية
مدد يا أجمل أعصايرى
مدد يا قلب الوطن الحر
مدد يا سيرة عوض المر
مدد يا ندهة كمال خليل
مدد يا حلم ندى القصاص
مدد يا خط رؤوف عياد
شقيان وماشى بكل عناد
مدد يا قمح سكينه فؤاد
مدد يا بنت يا مصرية
يا جميله يا أخت بهيه
مدد يا شعر العاميه
مدد يا صاحبى اللى قاسمته
مدد يا علم اتعلمته
من عم عودة وصدقى عزيز
شباب لبس وش عواجيز
مدد يا سورة اخلاصى
مدد يا خويا وتاج راسى
يا معصراوى ...يا حسينى
مدد يا ست نهى الزينى
يا فجر صبح على عينى
صالح ما بين نفسى وبينى
وقاللى دى الست القاضية
كشفت عن الالوان زيفها
وخلت الورده الزاهية
تعيش على وش خريفها
مدد يا فادى يا اسكندر
على خطى محمد الاشقر
على طريق ابن أبو عيطة
جمع مظاهراتنا مشاعر
ويغير من الهتافات شاعر
يحفظ ديوان لأمين الادب
يلاقى شعب كأنه أديب
عندك فى شعره
بلاد ....تقاسيم
عندك حجازى
وعمرو سليم
والنكته بوزاره تعليم
باموت يا مصر المتباعة
باموت يا مصر المنهوبة
شمسك تسير عكس الساعة
والعين عالعمى مغصوبة
مدد يا وائل ويا عيسى
مصر الشباب عالترويسة
فضحوا الوحوش السعرانة
أكلتنا جامع وكنيسة
مدد يا وائل ويا عيسى
مدد يا غد ويا كفاية
أبو العلا ..ماضى..معايا
ف طريق ما يعرفش نهاية
الا بميلاد مصر الحرة
الا بميلادنا ...ومددنا
وكرامة تفضل لولادنا
مدد يا آية فى سوره العصر
مدد يا تمثال نهضة مصر
مدد يا فيلم صلاح الدين
مدد يا حماد ...ويا حمدين
متصدرين باسم الامة
للمجزره ....وقوانين سكاكين
للمبخره.....وقوانين زنازين
باموت يا مصر ومخنوقلك
عبد الحميد شتا مشنوقلك
ميت عشان فرصته بتضيع
لولاد كلب وولاد جرابيع
ثابتين على عرش فشلهم
نايمين على وش عسلهم
سرقوا الرغيف والحريه
سرقوا السياسة الخارجيه
ادوا الحرامى....بنوك الوز
وادوله مصنع طعمه يلذ
وادوله فندق لجل يهز
وادوا الحديدلاولاد العز
والبورصه محشورة فى جيبهم
والسد لو كنا نسيبهم
بميته وبكهربته
بكره هايدخل فى نصيبهم
مدد يا صوت عبد الناصر
مدد يا شيخ حسن البنا
نفسى فى شىء قبل الجنة
يقوم بأه حزب وطنا
ونقضى على مسرطنا
الليل يتوب عن كوابيسه
وأشوف فى مصر رئيس سابق
والجى ميكونش وريثه
مدد يا يحيى حسين يا أمين
بيخصخصوا الهوا والميادين
بيمصمصوا الناس والفدادين
باعوا الطريق الصحراوى
وباعوا احلام الجامعه
وهتكوا عرض الشرقاوى
وعملوا بيصلوا الجمعه
باعوا وباعوا وهايبيعوا
شيخ الوطن ولا رضيعه
وباعوا صوت عبد الباسط
وشهر يوليه واسابيعه
باموت يا مصر المتباعة
باموت يا مصر المنهوبة
شمسك تسير عكس الساعة
والعين عالعمى مغصوبة
هاتى المدد يا منى الشاذلى
لا تخافى يوم ولا تتنازلى
وصورى مصنع غزلى
ف الاعتصام العمالى
انا كنت رب العوم ..مالى ؟؟
مقتول غريق ويا آمالى
آدى الغريق....
والقاتل فين ؟؟
مدد ياعبدالغنى يا حسين
صورلى مصر المحتارة
صورلى غرقى العبارة
مالهومش حد ينجيهم
غرقوا بحاضرهم وماضيهم
البحر مفيهوش قشاية
والملح نار جوه عيونهم
وعيون بلدهم نساية
ومنارة الشط تخونهم
باموت يا مصر الغرقانة
باموت يا مصر المنكوبة
طعم الحياة كلها اهانة
وانتى عالنيل مصلوبه
مدد يا بنت الايه يا آلاء
يا حصه الوطن المشتاق
الاولى فى علم التغيير
بشرى..بألوان الطباشير
راسمه العلم فى الصفحه أسير
وبتعلنى بقلب الموجوع
ان الوطن ميادين ونجوع
تعبان من الحرمان والجوع
عين المراقب ..غفلانة
عن العيون الانسانة
بنت الخمستاشر احساس
بنت الخمستاشر تفكير
بنت الخمساتشر غنوة
على وتر علم التعبير
عين الملاحظ بتلاحظ
ان العقول جوه قوالب
مفيهمش خنساء ولا جاحظ
عين المصحح مبهوتة
من الخطوط المفلوتة
المصحح:يا نهار مقندل مش فايت
مش دى الاجابه المظبوتة
اضبط يا ناظر واتصرف
الناظر: يا نهار مزفت ومدوحس
مش دى الاجابه العلميه
شيلونى هيلا يا افندية
نوصل لحد المديرية
المدير: أنا مش مدير فى القصه دى
وعينيا مش شايفه قصادى
سؤالنا مفيهوش أمريكا
والبنت هى المحقوقة
وضرورى ...قطعا مزقوقة
يا اما حزب الله فى لبنان
يا اما سوريا او طهران
او المقاومه العراقية
قوموا بينا نعملها قضية
(ومن الادارة التعليمى الى الادارة الامنية )
آدى سين سؤال
انطقى يا آلاء
منين عرفتى أساس الداء ؟
مين بلغك ان المأمور
بيبوس فى رجلين الاعداء ؟
مين جندك للشيوعية
ولبسك اخوانجيه ؟
انا ؟!
أنا بنت مصر الحرية
يا ديول ديول الحرامية
سرقتوا فرحتى بشبابى
سرقتوا بهجتى بكتابى
سرقتوا من لغتى الاولى
سطور فى كشكول التعبير
خدوا منى صفر على غباكوا
وألف صفر لكل جبان
ما ذاكرش درسه عن الاوطان
بتتبنى بفكر وايمان
بتتبنى بدفتر مواليد
فيه الشهيد قبل الفنان

الله.....الله
بقى خايفين على بلد فيها كل الابداع ده لالالالالا دي القصيدة دي لوحدها تثبت ان مصر واهلها ميسكتوش على الحايل المايل
وان مصر دي طول عمرها في خير باذن الله

انا سمعت اسم الشاعر قبل كده بس معرفوش مشفتوش قبل كده

الف شكر ياا.امير

ادااااااااا الله حلوه اوييييييييييييي
شكرااا يا استاذ امير

شكراااااااااا استاذ امير
قصيده جميله ......ربنا يحميه جمال بخيت

لسان عااااااااااااااااجز عن التعبير.........رائعة .لالا

جميلة لالا

فظيعة لالا

خطيرة لالا


مش عارفة اوصف بايه...............شكرا كبير من قلب صغير ..للاستاذ الكبير جمال بخيت

وايييييييييييييييييييييييييييييييييييييييييييييييه

ههههههههههههه


.............شكرا استاذ امير...........

الف شكر يا نادين ...


اما انتي يا ايات ..

احييكي علي قدرتك علي تذوق كل ما هو جميل ... الف شكر ..

يا ادة الجمال يا شاعر ويا فنان القصيدة حلوة بجد وشكرا وشكررررررررررررررا

ايه الجمال دا رائعة رائعة وايه تجمع الناس الفاضلة دى بجد فظيعة رائعة تحفة كل كلمات الاعجاب ما توصفهاش
اول مرة اشوفها شكراااااااااااااااااااااااااااااااااااااااااااااااااااااااااااااااااااااااااااا يا استاذ امير
فى قصيده تانية كان قالها فى البرنامج عن مصر ايات نزلتها كانت رهيبة شاعر جميل جداااااااااااااااااااااااااا

ميرسي اووووووووووووووووووووووووووووووووووي يا استاذ امير
جمية اوووووووووووووووووووي

بسم الله الرحمن الرحيم
الأستاذ الفاضل المحترم /أمير
ألف شكر لسيادتكم على عرض هذه القصيدة الخطيرة التى شخص فيها الشاعر الكبير جمال بخيت الداء الذى تعانى منه مصر وهذه القصيدة تؤكد ماذكرته منى الشاذلى فى احدى حلقاتهابعد قصيدة الشاعر الكبير فاروق جويدة (هذه بلاد لم تعد كبلادى) أن الشعراء ضمير الأمة

نعم الضمير الحي للامة

شكرا يا ايات على القصيدة وجمال بخيت اكيد مبدع