عيني عليك يا زمن فيك العجب
ناس بتفطر رمضان وناس بتصوم رجب
وناس ماشية علي رجليها
وناس مشية علي عجل
وناس حالها حال
وناس حالها مال
وناس دبحها حلال
وناس بدور علي سكن
وناس بالعة الوطن
وناس عيشتها غم وحزن ونكد
*****
سبعين مليون مظلوم
سبعين مليون معتقل
طول عمرك يا بلادي
رسمك قدامي
شايل في كفوفي أحزانك وأحزاني
يا أرض الهرم والنيل
يا أرض الناس الطيبين
أرفعي راسك من الطين
وأغسلي هدومك المتوسخين
وأتوضي وصلي ركعتين
*****
اة يا بلد لو حالك يتعدل
لو تمشي عدل
لو الجلاد ينجلد
كان الجنين غنا فى بطن امة من قبل ما يتولد
فاضل إية بعد إيهانة القاضي والقضاة
رافعين إيدينا لربنا
مش طالبين أكتر من النجاة
من الظلم والإستبداد والطغاة
بيقولك عملولهم مجلس تأديب
علشان شهدوا ان الإنتخابات مزورة
كل ما بنتقدموا خطوة بنرجعوا ألف لورا
وكإن لا كان فية تزوير ولا رشاوي ولا قتل ولا سحل ولا محسوبية
وكإن لا كان فية لا ضرب ولا طحن ولا موت ولا عصابات ولا مسجلين خطر ولا بلطجية
ونرجعوا نقولوا إحنا في ازهي عصور الديمقراطية
حرام عليكم قتلتونا من كتر الحرية
ما كل العالم شاف إية أخبار الحرية
ألفين سلام وتحية
علي الإنتخابات اللي عدت والإنتخابات اللي جاية
وعلي سيادة الدولة وسيادة الديموقراطية
النوع
موضوع: عينى عليك يا زمن 
السبت مارس 21, 2009 8:16 pm
