يا برنامج البيت بيتك .... حرام عليك

افتح التلفزيون الساعة العاشرة علي الفضائية المصرية ولا اصدق عيني عندما اري برنامج متدني مثل برنامج البيت بيتك واقول لنفسي متسائلا هل من المعقول ونحن في عصر الاعلام الحر ان يتواجد في المنافسة برنامج مثل البيت بيتك هذا ابرنامج الذي نسي مذيعوه وخاصة تامر امين ميثاق الشرف الاعلامي الا يخجلوا من انفسهم ؟ الايعرفون ان المشاهد المصري اصبح عنده الوعي لكي يميز بين الحقيقي والمزيف ؟ بين الجاني والمجني عليه ؟
احدثكم اليوم عن برنامج اهمل قضايا التي سوف تصعد بهذا الوطن الي الهوية لكي تقع به في وحل الفساد الحكومي والمصالح الشخصية احدثكم عن برنامج قد اختار لنفسه اسما ليس علي مسمي احدثكم عن برنامج اخفي القضايا الكبيرة خلف قضايا الصغيرة التي يواجهه المواطن المصري التي من كثرتها قد اخفت بلاوي الحكومة
هذا البرنامج الذي هو حكومي بكل صفاته الا صفة واحدة اختبئ وارئها واخذها ستارة لنفسه وهي الانتاج الخاص .... ياله من قناع اخفي ورائه حقيقته
( لازم الشعب المصري يغير ثقافته العامة ) جملة تسمعها كتيرا في هذا البرنامج تغير ثقافة العامة لهذا الشعب ياسلام .. طيب ماذا عن ثقافة الحكومة اليس علي الحكومة تتغير ثقافتها هي ايضا ؟ ولكن واقول الحق ليست ثقافة الحكومة فقط ولكن الحكومة كلها بما فيها يجب تغيرهم هذه هي الحقيقة ليس اكثر
لا اخفي ان هناك من منهم وهو الاعلامي محمود سعد قد ظلمه هذا البرنامج ربما هو اختار هذا او ربما لا ولكن علي اي حال كان يجب وضع محمود سعد ضمن فريق البيت بيتك وهذا فقط للحبكة الاعلامية ولكن باقي ايام الاسبوع بطيخ في بطيخ

اذا لم يكن كلامي صحيحا فلماذا لم يذكر البيت بيتك فاضئح الحكومة المصرية كما يذكرها باقي برامج عصره واهتم فقط بجمال وحسن اخلاق الحكومة
واقربها كان اليوم فضيحة بجلاجل وهي فضيحة القمح الفاسد الذي قد تم استيراده من روسيا من خلال احد المستثمريين تلك الثفقة التي دخلت الي مصر والتي فضحها النائب مصطفي بكري

سؤال اخير اطرحه علي مذيعي البيت بيتك وخصوصا تامر امين
الاتخجلون من انفسكم ؟

أحب أريحك يا مصطفى وأقول لك بكل بساطة البلد عفنت زى الدقيق الفاسد المستورد ,,إنت عارف,,عندنا الفرانين ما بيرضوش يستلمواحصص الدقيق من شدة فساده وإقسموابالله إنه لا يصلح لأكل الحيوانات,يقوموا بتوع أمن الدولة ياخدوهم من بيوتهم ويمضوهم يالإستلام ويسيبوهم بعد وصلة الإهانة المعروفة,تقوم تقوللى التليفيزيون شى الاه يا تلفاز0

انا مقرره من الاول اصلا ان برنامج البيت بيتك من البرامج الترفيهيه فقط لا غير لأن ببساطه
مثلا يبقى فيه موضوع مجنن الناس و الرأي العام كله بيتكلم فيه و طبعا الفضائيات كلها بتابع و تناقش و ده تلاقيه جايب فنانه او فنان و عمال يسألهم في اسئله تانيه خالص كأن مفيش اي حاجه بتحصل في البلد و دي بتبقى واضحه اوي تعمدهم تجاهل الموضوع لأسباب عليا
بصراحه برنامج "مستفز" و المفروض محمود سعد يروح مكان تاني افضل له..
شكراا يا مصطفى

بصراحة يا فينوس انت غلطان

ايه الي يخليك تفتح التلفزيون المصري من اصله

ده مش حال البيت بيتك وبس

ده حال جميع البرنامج نتيجة لسياسة الحكومة وسياسة الحكومة هي سياسة قطاع التلفزيون باكمله لانه الي وضع القانون له هي الحكومة

ونفسي تامر امين ده يفهم حاجة وحدة بس

البيت مش بيت ابووووه

مش اوى كده يا جماعه برضه البيت بيتك برنامج محترم له مشاهدينه وله احترامه واذا كان تامر امين على وجه التحديد مزودها شويه فده ما يمنعش ان فيه فريق عمل تانى شغال بجد دول حتى بيتعبوا اكتر على ما يختاروا ما هو بعيد عن مشاكل الحكومه وده امر طبيعى لانه فى التلفزيون المصرى الرسمى

هو أحلى ما فى البرنامج الأعلامى محمود سعد
بس البرنامج برضه فيه سلبيات وإيجابيات
أنا عن نفسى مش بتفرج على التلفزيون الأرضى .

والله احسن انك ما بتتفرجيش عليه ده حاجه تعل المشكله انه مصروف عليه من فلوس الدوله اللى هيه فلوسنا

ربنا يستر

لا انا مش مع فكره ان البرنامج ده له ايجابيات ممكن نذكرها

لان البرنامج الاخباري الحواري لما يفقد سمة المصدقية والحيادية ويبقي شغال تلوين في وش الحكومة

يبقي فقد اساس بناء الاعلام الصحيح

ازاي نقول عليه انه ايجابي
؟؟؟؟؟؟؟؟؟؟؟؟؟؟؟؟؟

دعينى اختلف فأن البيت بيتك او حتى جرايد الحكومه كلاهما غير مخطىء فهذا امر طبيعى لان الحكومه هى اللى بتصرف عليهم لكن الغلط اصلا ان الحكومه مش فا همه انهم شغالين عند الشعب مش شرينه بس فده امر طبيعى لن يتغير الا بتغير ثقافة العامه"زى ما بيقولوا" لان احنا اللى المفروض بنتحكم فيهم مش العكس

عندك حق يا أستاذ خالد لأن فعلا الفلوس اللى بتتصرف
على البرنامج ده هى أساسا فلوس الشعب
أنا قصدى يا أيات ان الإجابيات اللى فى
البرنامج هى فقره محمود سعد بتاعت مشاكل
الناس بس بصراحه الأعلامى :محمود سعد
خساره فى البرنامج ده .

يا سلام لو يقدم العاشره مساءا مع ا.منى ويبقى البرنامج 4 ساعات يا سلالالالالالالالالالالالالالالام

أتفق معك يا فينوس، فأنا أرى فى تامر أمين سمة الغرور و النفاق، حيث يظن فى نفسه دائما أنه (العريف)

عمرى ما فكرت ف اقتراحك دة يا خالد، صعب جدا جدا جدا، الاتنين نجوم، و الأستاذة منى شخصية قيادية بمعنى لديها القدرة على أن تقود و لا تقبل بأن يقودها أحد، و اعتادت التفوق بذاتها فلا تعرض نفسها فى أى وقت للقيل و القال من أى نوع، و لكن على أى حال اذا حدث ذلك المستحيل، سنشاهد ماسا كهربائيا مساء كل ليلة.

متفقه معاكي في رأيك يا دنيا..صعب جداااا منى الشاذلي تقدم البرنامج مع حد حيبقى وحش اساسا

صح يا يمنى هيبقى وحش و هتقل نسبة مشاهدى البرنامج.

» مش جديد عليك
» عينى عليك يا زمن
» الف سلامه عليك يا اسلام
» حلال عليه...حرام عليهم ؟؟!!!!!
» جحا المصري والضرب فى الميت حرام !!!