لماذا يكتم البعض همومه وأحزانه...؟؟؟

لماذا يكتم البعض همومه وأحزانه...؟؟؟

للنفس حركة نحن لا نراها ..... ولكن نحسها عبر تعابير الأشخاص وأحاديثهم التي تعبر عن مواقف نفسية بالغة الغنى والثراء ......
كلنا تجمعنا تلك المشاعر ..... ونذوب فيها ..... ولكننا نختلف في طريقة التعبير عنها ...
.
فمنا من يفصح عن ما يجول بداخله ..... ومنا من ترتسم تلك المشاعر في تعابيره وتبوح لنا بما لم يتحدث عنه.....

ومنا من لا يفصح وتبدو تعابير وجهه صماء لا علاقة لها بما يدور في خلده ....

ولكن ..... لماذا نختلف .... ؟؟؟ولماذا يغلق البعض على همومه وأحزانه صندوقاً يدفنه في أغوار قلبه ؟؟؟

أتكون أنت من هذه الفئة ...... إذاً ما الذي يدفعك لذلك؟؟؟
فلنناقش هذا الموضوع .... لنرى ما يمكن حصاده ...

انا من هذه الفئة اعتقد يا ربنا فى أسباب كتير اولها مثلا انه يكون شخص متحمل مسئولية كبيرة والى حواليه شايفنه حد قوى وهما الى معتدمين عليه فا مثلا مش عايز يهز الصورة دى انه يبين ان فى حاجة او موضوع يمكن يهزه فا هما كمان يقعوا معاه
دا سبب والسبب التانى انه بيعرف يحل مشكله مع نفسه ودا لو تفكيره منطقى ومنظم ويأخد المووضع من جميع زواياه
والسبب التالت انه يكون عارف انه عندى فا مفيش كلام مثلا هيأثر على قرارته
السبب الرابع انه ما يكنش بيتق فى الى حواليه ودا تقريبا اصعب سبب
السبب الخامس انه يكون قليل الكلام لدرجة انه مش عارف يحكيى حاجة ودا برضوا صعب اوى
مرسيه يا رنا موضوع رائع كعادتك

ما بحكيش لحد خالص و بفضل أحل مشكلتى بنفسى
و من النادر أن أحكي لحد إلا اذا كنت بحبه جدا أو كان قريب منك أوي
شكرا يا رنا .

للأسف أخذت هذا الطابع من والدتي
عدم الشكاية للأخرين مهما كان قربهم مني
ورغم تحملي مسؤولية نفسي من سن صغيره ، وذلك برغبة شخصية مني لا بحكم الظروف ، فقد كان هذا سلاحا ذو حدين ، إذ وضعني ذلك من عيون الناس بمكانة مرموقه ، لا أستطيع معها ارتكاب أي هفوة ، او حتى الاعتراض على واقع ، ولا اجد إللا نفسي أبوح لها ، فتشاركني همومي ، وتسهر معي في معظم الليالي والتي لا يزورني النوم فيها ولو كعابر سبيل ، فألتجئ إلى نفسي لتأنس وحدتي ، وتزيل همي ووحشتي ، ولكنها أولا وأخيرا عادة سيئة ن تتلف الأعصاب ، وقد تؤدي بصاحبها إلى الاكتئاب

للاسف فأنا من هذا الطبع

لا أعبر ابدا عن ما بداخلي ..اضحك والعب بل اتشارك مع الاخريين اي شئ يفعلونه او يطلبونه مني

وقد اكون في قمة الغضب والثورة الداخلية

وهذا ما جعلني اصاب بالعصبية حيت اني انفجر في لحظة

لا انا لما اي شئ يضايقني اتكلم مع زوجتي او صديق او زميل عمل .. و عمري ما اكتم حاجة لاني برتاح كده ..

قد يكون السبب من وجهة نظرى المواضعة انه من الجائز مهما تحدثت مع الاخرين فلن تجد منهم تجاوب ولن تجد سوى صدى صوتك فى النهاية او خوفا من ان تثقل بهمومك على الاخرين لان كل منا لديه من الهموم ما يكفية

فعلا دي مشكلة ان الي قدامك ودن من طين وودن من عجين

مكنتش متخيله ان كتير منا يكون من النوع اللى بيكتم همومه
انا عن نفسى بكتم جوايا بس مش كتير يعنى شويه واشوف اى حد اكلمه بذات صحابى لانى مبحبش احسس ماما مثلا انى متضايقه عشان متتضايقش بس برضه بيبان عليا
بس سؤال انتو مش شايفين ان العاده دى غلط زى ما قال اسلام يعنى مهما كان بغض النظر عن مكانة ومركز الشخص لازم يفضفض والا هيجراله حاجه ويتعب
بالنسبه للتجاوب اكيد هتلاقى اشخاص تسمعك وتحاول تساعدك مش كله بيسمع وخلاص بالعكس ممكن نستريح لما تقول اللى جواك

اه فعلا الموضوع دا بيتعب جدااااااااا وبيرفع الضغط ويببوظ السنان زى حالتى كده ضروسى اتكسرت ههههههههههههههههههههههههه واول ما روحت للدكتور وشافهم اول سؤال سالهونى انى بتكتمى جواكى كتير

هههههههههههههههههههههههههههههههههههههههه
ليه كده يا ايه انتى بتطلعى غيظك على سنانك ولا ايه ههههههههههههههههههههههه الكلام اسهل والله جربى كده وقوليلى

الحمد لله يمكن انا من النوع اللى مش بيشيل اى هموم فى داخله لانى باتكلم وباقول كل اللى فى قلبى للشخص الللى مضايقنى ومس باشيل منه لكن المشكله انى اوقات باتضايق بس مش عارف ليه ومن ايه وفى الحاله دى باسكت خالص ومش باكلم حد

لازم تحافظ على العاده دى يا خالد
كلنا ساعات بنحس اننا متضايقين من غير سبب وبنحاول ننسى او نطنش
شكرا يا خالد وحمدلله على السلامه

مش كل حاجه بتتقال..
ممكن اقول شويه حاجات شغلاني او قلقاني للقريبين مني بس بردو لازم يفضل شويه حاجات جوايا محدش يعرفها خااالص مش عشان الاشخاص اللي ممكن احكيلهم مش موجودين بس عشان مش بعرف اقولهم اصلا فبفضل ساكته و افكر و افكر و افكر لوحدي لغايه ما راسي توجعني!!!!

RANA كتب:: هههههههههههههههههههههههههههههههههههههههه
ليه كده يا ايه انتى بتطلعى غيظك على سنانك ولا ايه ههههههههههههههههههههههه الكلام اسهل والله جربى كده وقوليلى

والله ياريت يا رنا بس انا قليلة الكلام جدااااااااااااااا لو محدش فتح معايا موضوع ممكن افضل ساكتة طول اليوم وردى على اى موضوع على اد الاجابة بس بسمع كويس جدا من الى قدامى طبيعية للاسف

يمنى كتير اوى بعمل زيك لما مبعرفش اوصل اللى حسه بيه فبسكت
متضايقيش نفسك يا ايه الكلام مش كل حاجه يعنى فى ناس بتكلموا كتير بتمنى ان حد يسكتهم ههههههههههههههه بس برضه لما تحسى انك عايزه تتكلمى متكتميش جواكى عشان متتعبيش

على فكرة: يمكن معظمنا يشترك فى هذه الصفة لكن أسباب تواجدها حتما و لابد أن تختلف من شخص لآخر؛ لأن لكل منا مفهوم ذاتى مختلف ألا و هو: القيم و المبادىء و المعتقدات التى تربى عليها، يعنى ممكن حد فينا يقول أنا مش بحكى لحد علشان مش بحب أظهر ضعيف قدام أى حد أيا كان، نفهم من هذا السلوك أنه يدرك مفهوم القوة بمعنى مختلف عن غيره

و أيضا توجد أنماط الشخصيات ( القيادى_ المعبر _ المحلل_ الودود) التى تلعب دورا رئيسيا فى السلوك

أما عن نفسى: لا أحب أن أثقل الآخرين بهمومى، فهذا لا يدخل ضمن اختصاصى مطلقا، كما أنى نشأت فى ظروف تحتم على اتخاذ قراراتى بنفسى و اشغل مخى باستمرار و حاجة كمان أنا أول ما حد يسألنى مالك ؟؟ أقوله ما فيش، رغم انه بيبان عليا لكن مش بحب أحكى أبدا، ممكن أنا أحكى من نفسى _ و مش كل حاجة دايما فى حاجات خاصة بيا أنا و نفسى و بس _ لكن السؤال دة بيضايقنى بزيادة و مش بعرف أجاوب عليه

أشكرك يا رينو ع الموضوع الجميل

انا زي ايمان
مش بحكي لحد خالص وبيبان على وجهي ومش بس كده الكتم عندي مع انه سببلي امراض بس بفضله لاني اتلسعت جدا لما كنت ساعات بحكي لحد اوافضض معاه
بفضل اكتب اللي بحسه كتابة خواطر معنديش اي نوع من التنفيس غير كده لا مش كده وبس
اولا واخيرا كل اللي في واللي عندي بناجي فيه ربنا
لان الشكوى لغير مذلة

الف شكر يارنا ياجامدة

بس سؤال انتو مش شايفين ان العاده دى غلط زى ما قال اسلام يعنى مهما كان بغض النظر عن مكانة ومركز الشخص لازم يفضفض والا هيجراله حاجه ويتعب
بالنسبه للتجاوب اكيد هتلاقى اشخاص تسمعك وتحاول تساعدك مش كله بيسمع وخلاص بالعكس ممكن نستريح لما تقول اللى جواك

والله يارنا معتقدش حد بيكتم وكاتم كوارث-مش بس هموم-زيي معرفش انا جربت اشوف في زيي كل حاجة بكتمها لاني بصراحة معنديش الصحبة المخلصة ولااللي يسمع فبقيت كده بكتم كل حاجة واتمليت امراض -اخرها بتتنفخ ايدي ورجلي وبتبقى حمرة وحارة جدا-شافه الطبيب عملي تحليل واداني دوا بس معرفش السبب بس انا عرفته نتيجة مشكلة معينة كل متكرر يحصلي كده
مبقتش عارفة اعمل اي
بيقولوا الشكوى لغير الله مذلة وكمان في شيخ كان ديما بينتقص من حكاية -الفضفة-بيقول مفيش حاجة كده لازم تصبر
بس ده-وبتجربة-بيادي الى تعب كبيييييييييييييييير ونفسية ممكن تبقى محطمة

ألف سلامة عليكى يا نونة،،أنا عندى رأى مختلف شوية فى موضوع الفضفضة ،،مفيش حد فى الدنيا يقدر يكتم مشاعره ومشاكله ويطلع سليم،،وبرضه مفيش حد بيتحكم فى الحكاية دى،،دة حسب الشخصية والتكوين،،فيه شخصية متحفظة وكتومة من غير أسباب،ودى تلاقى مشاكلها النفسية والعصبية كتير،وفيه شخصية مرحة فضفاضة كل مشاكلها مطروحة ، وهذه الشخصية طيبة القلب بسيطة ولكن لها مشاكلها أيضا إذا زادت عن حدها فهى كثيرة الشكوى وعاطفية جدا،ولازم الوسطية بين الحالتين ،شكرا على الموضوع

ألف سلامة عليكى يا نونة

الله يسلمك ويحفظك

انا من هؤلاء ... أحاول دائما ان أكتم ما

بداخلى وألا أشعر به أحدا ... مع إن ده غلط

جدا وضغط على الآعصاب ...

ميرسى يا رنا على الموضوع الجميل ... تقبلى مرورى

دنيا فعلا الموضع راجع بشكل كبير للتربيه بلاحظ الموضوع ده جدا فى الرجاله يعنى تفضل الام تقول لابنها متشكيش ومتعيطش انت راجل لغاية ما يكبر وكون كتاب مقفول صعب اى حد يعرف اللى جواه
شكرا يا دنيا على فكره سؤال مالك ده لوحده مشكله ممكن الواحد يبقى طبيعى ومن كتركلمة مالك يتغير و يبان عليه
نونه الف سلامه عليكى ربنا يخفف عنك يارب بس الموضوع مش شكوى هو فى الاول والاخر تعبير عن اللى بنحسه ومضايقنا وطبعا الصبر موجوده فى جميع الاحوال سواء اتكلمنا او لأ
موضوع الكتابه ده جميل جدا وهو برضه نوع من الفضفضه وان كانت لنفسنا مش للاخرين
فعلا خير الامور الوسط يا استاذ طلعت حضرتك حللت المضوع بابسط الطرق
ولاء طب بدل ضغط على الاعصاب ليه منحاولش نتكلم ونحكى
مش عارفه ليه بتضايق لما اشوف حد زعلان ومتضايق وكاتم فنفسه بضايق عشانه طبعا مش منه
عاجزه عن شكركوا جميعا دنيا ونونه واستاذ طلعت و ولاء على تعلقاتكوا الثريه والمفيده...واسفه على الاطاله

النوع : العمر : 40 تاريخ التسجيل : 05/11/2009

السلام عليكم........
انا مرة كدة ومرة كدة........يعني اكثرالاوقات احاول اشكي همي لامي او اختي واحيانا الى زوجي...بس هناك اشياء لم اتكلم بها فقط مع نفسي ...احيانا احس بالحاجة الى المساعدة واعطائي امل في حل مشكلة....واحيانا اشعر بالخجل او احاول تلافي المشكلة مهما كان حجمها واكتم همي في نفسي.....ولكن لااستطيع نسيانه مهما مر عليه الزمن...فبطبيعتي حساسة جدا جدا...
شكرا عالموضوع

أنا معاكى 100% يا رنا فى المثال الذى ذكرتيه

» حديث السيسى الذى أصاب البعض بالوجوم
» مراحل الثورة الحتمية ورغبة البعض في قلب الأمور!!!
» ما رأيكم أن تضحك بعضنا البعض بلم كل النكت و الطرائف العربية هنا؟
» هااااام جداااااا . ما هو مفهوم الدولة المدنية التي يرفضها البعض للأسف ؟؟؟؟
» لماذا ؟؟؟؟؟؟؟!!!!!!!!!!!!!!!!!!!!!!!!!!