سأرشح نفسي للرئاسة وشعاري..الأمل في الميتين

ولما لا ؟
ولما لا اكون مرشحة عن دائرة ترب وميتين مصر - رحمهم الله من الي احنا عايشينه - في الانتخابات السابقة ومن منكم
ذهب للإدلاء بصوته لمرشحه المفضل بكل حرية وشفافية واحترام يعلم جيدا اننا
ادخلنا آلية جديدة منفردين بها علي باقية الدول الاوروبية والعربية
والخيالية .. حيث قومنا باستخدام اسماء المتوفيين في مصر ومع شويه تزوير
وكام اصوات من عملية تفتيت الاصوات ..مشيت العملية بحمد لله وكسب سيادة
الرئيس محمد حسني مبارك أطال الله في عمره وابقاه حاكما علي أمرنا حتي اخر
نبضه في قلبه
طيب ماهو وعن طريق التجربة الفعلية العملية مشيت فل الفل ولا حول ولا قوة الا بالله...
ليه انا ماعملش كده؟
بل ليه ما أطورش في تلك الآلية الجديدة؟
يعني مثلا بدل ما يكون الموضوع مش معلن ..ممكن نخصص مزانية محترمة من
مليارات الحزب الوطني الحاكم أطال الله في عمره برده ونعمل حملة توعية لكل
شخص عنده في العائلة حد مات يسارع بأستخراج البطاقة الانتخابية له ويقدمها
بالنيابة عنه بعد ما يستفتي قلبه الي متوفي ده حابب يصوت لمين وممكن ده
يكون بدل اعلانات المصري الي علي حق يقول للغلط لأ وبما اننا كده كده
بنموت في القطارات وتحت العمارات وغرقا بالعبارات سواء قولنا الحق ولا
ماقولنهوش يبقي نوفر ثمن الاعلانات دي ونقول اي كان السبب الي موت بسببه
تعالي ورشح مرشحك المفضل وساهم في تغيير مستقبل الي فلتوا وعاشوا بعدك

ولو حاولنا نستخدم عوامل الجذب شوية في العملية الانتخابية احنا ممكن نعمل أوبشن جديد وهو
اي حد هيبدي بصوت قريبه المتوفي في الانتخابات هنرفع من عليه الضريبة
العقارية الجديدة بخصوص تربة المتوفي وبكده نكون ماظلمناش ال2 مليون بني
آدم من الي عايشين في التورب وأعطيناهم حق زي حقوق البني آدمين العاديين
ونبقي ضربنا ميتان بحجر واحد

واذا حاولنا البحث اكثر لتطوير آلية الأمل في الميتين اكيد هنلاقي كثير وكثير حاجات اصبحت تراب ورماد
من علم وفكر وطاقة بشرية ...الخ

......................

ولحد هنا انا هقف عن الحديث في خطتي الانتخابية وهستكمل معاكم الجزء التاني قريب جدا
وانا في انتظار اراءكم ومقترحاتكم في حملتي الانتخابية القادمة

آيات السيد
رمز النعش
شعار الأمل في الميتين

سأرشح نفسي للرئاسة وشعاري..الأمل في الميتين 16139_1290913467275_1063385875_911497_6444420_a

سأرشح نفسي للرئاسة وشعاري..الأمل في الميتين 16139_1290913467275_1063385875_911497_6444420_a

تحياتي:

ليس من مات فاستراح بميت
إنما الميت ميت الأحياء
وصدق من قال الضرب في الميت حرام
أعجبني العنوان والموضوع برمته
وسيري على بركة الله يا أميره
أمواتنا خلفك يؤيدونك

ايوة يا استاذ او اسامة انا محتاجة امواتكم ورايا هههههههههههههههههههه

وتواقبا مع الوضع

بدل ما النقول بالروح بالدم نفديك يا زعيم - انا طبعا -

هنقول

بالموت والعضم نفدي زعمنا الحق هههههههههههههههههههه

ههههههههههههههههههههههههههههههههه
كلام جامد اوى

هههههههههههههههه .. انا موافق يا اياااات علي ترشيحك للرئاسة بس رئاسة اي دولة غير مصر و غير البلاد العربية لان في بلادنا اللي يرشح نفسه من الشعب يبقي بالظبط زي اللي بينتحر ..

تولكى على الله يا ايات

استاذتى / ايات اولا: حمدا لله على سلامتك عافاكى الله من كل مكروه وسوء ورزقك سبحانه وتعالى وفير الصحة ثانيا : بالنسبة للترشيح فانى اخشى عليكى من الحملة التى ستنطلق ضدك فى كل الصحف الحكومية حتى بعض من صوروا نفسهم لعامة الشعب على انهم معارضون ثم بداتى حملتك بتزوير الانتخابات واصوات الموتى رحمهم الله يعنى ادلة هجومهم عليكى جاهزة عامة سيرى على بركة الله وخلفك اصوات اموات المقابر واصوات العجز الصامت فهم حقا موتى بعجزهم شكرا لكى على موضوع واكرر حمدا لله على سلامتك وبالتوفيق دائما مع خالص تحياتى.

ياريت ياجماعة اى حد معاه تليفون الاخت ايات يحاول يتصل يطمن عليها بعد ما كتبت الموضوع دا .
ومعلش يا جماعة انا مش هاتكلم معاكم: لان كلامكم دا فيه تلميح لحاجات مش ممكن اى مصر يصدقها ومقدرش اتصور ولا معقوله انه فيه مصر تزوير لا يمكن ناقص ابدا . ناقص كمان تقولوا انه فيه ازمة فى رغيف العيش ولا ازمة مواصلات ولا تلوث هواء ولا ضوضاء ولا ارتفاع اسعار ولا ضرايب جديدة ولا تلوث مياة ولا رشاوى ولا واسطة وكوسة ولا بطاله . لالالا يا جماعة الامور كلها تحت السيطرة .

استنى ياعم انت واخدنى على فين لسه بكمل تعليق على الموضوع وبعدين ما انا مع الحكومة اهو . طب اكمل لبس طيب ولا اخرج بلبس النوووووووووم

تحياتى / واحد اتقفش

شفتي يا أيات أول ما فكرتي تترشحي ، الحرب البيولوجيه اشتغلت ، التعب اللي عندك ده بفعل فاعل ، لحقي نفسك واسحبي الترشيح ، احنا مش مستغنيين عنك

هههههههههههههههههههههههه
برنامج جامد جدا يا ايات انتى بس خفى وكملى مسيرتك واحنا كلنا وراكى

اولا كل سنه وانتى طيبه

حضرتك المفروض تحددى اسم تانى يترشح للرياسه علشان تعطي له صوتك وانتى فى الترب لانك مش هتلحقى فتح باب الترشيح
انتى هتلحقى فتح باب التريه (القبر )
بس هو الموضوع ده فيه ميزه وعيب
العيب .. انك هتوحشينى بعد ما تغيبى عنا
الميزه .. انك هتساعدى المرشح اللى بعدك عن طريق الدعايه بين الاموات وانتى وسطيهم
هههههههههههههههههههههههههههههههههههههههههه
هههههههههههههههههههههههههه

» نحن صناع الأمل
» نكت حلوة مع فتح باب الترشح للرئاسة...اضحك
» هل تويد ترشيح احد من الاخوان للرئاسة
» نفسي اشوف إبني
» اختبار نفسي ممتع و لذيذ.....