قانون فرض ضريبة على الإنتحار

فاشل حاول يرمي نفسه من كوبري عباس أسوة بصديقه بتاع قصر النيل ولكنه فشل ومنجحش انه ينتحر مما جعل أهرام انهارده ينشر تحذير في الصفحة الأولى للمواطنين أن من يحاول الإنتحار ويفشل عليه أن يعلم في حالة فشله عقوبة الحبس التي تصل لثلاث سنوات في انتظاره .

فيه سؤال هو الحبس دا هيكون عشان حاول وفشل ومعرفش ولا إيه ؟ بعدين بدل السجن مليان بلاوي مبيعملوش حاجة فيه الأحسن الوزير الغالي بطرس غالي يقرر فرض ضريبة على كل منتحر حيث ان له حق الاختيار ما بين كوبري قصر النيل وعباس واكتوبر او انشالله في شقته دي فيها رفاهية الإختيار لدى الشعب وهما مش عاملين الكباري دي كلها ببلاش ويكون على كل واحد عايز ينتحر يروح يدفع الضريبة سواء عرف ينتحر او طلع فاشل كمان في الانتحار ولو واحد فكر انه يزوغ وينتحر من غير ما يدفع الضريبة تكون ليلة أهله سودا وهما اللي يدفعه الضريبة بالضعف

كتبه / عمرو علي