أصعب كلام ممكن تسمعه عن مصر من مواطن مصرى أبكي مني الشاذلي في العاشرة مساءا الاسبوع الماضي .. هذه الفقرة اكثر من راااائعة ..

أصعب كلام ممكن تسمعه عن مصر من مواطن مصرى أبكي مني الشاذلي في العاشرة مساءا الاسبوع الماضي .. هذه الفقرة اكثر من راااائعة ..

جحا - العاشرة مساء - هشام الجخ

قصيده جحا

هشام الجخ

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو اللى كان من تحت ميت واللى كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى
عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت عايش بدون لازمة ولما مرة شكيت إدونى بالجزمة
مش لاقى تطفح اديك
هاتولنا وجبولنا وادونا ودولنا
هنجيب منين نديك
طافح يابلدى غدايا
ولوعتى غدايا
وادىالاحبه التقى عدايا

أنا اللى زارعك دهب بتأكلينى سباخ
إن كان دة تقل ودلع بزيادة دلعك باخ
لا شفت فيكى هنا ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى حبس اعتباطى
يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك بابنى شطوطى
ا نا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه أنا اتغذبت بيه
بتكرهينى عيونك السودة وأيامى اللى فاتت
مانتيش حبيبيتى من النهاردة
حبيبتى ماتت
علا صوت أدانك جرس فى الشدة صاحينلك
من امتى كانوا الحرس هما اللى باقينلك
بعتينى علشانهم وعنيكى معصوبة
ياهلترى خاينة ولا زيى مغصوبة
كل الكلام اتقال والشعر بقى ماسخ
والصبر علو جبال والظلم شىء راسخ
وطن وغرقان فى النطاعة
كل شىء ريحته نطاعة
علمونا بالعصاية ورضعونا الخوف رضاعة
علمونا فى المدارس يعنى ايه كلمة قيام
علمونا نخاف من الناظر فيتمنع الكلام
علمونا ازاى نخاف وازاى نكش بس نسيوا يعلمونا الاحترام
فمتزعلوش لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق؟
غير المشاكل والخناق
كل اللى بيقولك بحبك دول نفاق
أنا لما قلت لك بحبك كان نفاق
الحب يعنى اتين بيدوا
مش ايد بتبنى وستميت تيت تيت يهدو
الحب حالة الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين هما ليه بقوا مسجونين
يعنى أعيش علشان هدف علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة
الحب حالة الحب مش شعر وقوالة
الحب حاجة ما تتوجدش فى وسط ناس بتجيب غداها من صناديق الزبالة
بارت مراعينا
والبئر قد جفَ
والجوع يكوينا
والصبر ما كّفى
والقلب لا يهدا
والجرح لا يشفى
ولأننا طوع زنا لهم خفا
جاءوا بموكبهم
واشتغلت الزفة
الدفة مظبوطة وأصلا مافيش دفة
والكفة مش مايلة علشان مافيش كفة
و جحا اللى جاى بالليل
لساه بيتخفى
شايف ديدان الغيط
سارحة ومارحماشى
من جبنه شاف الدود سابه وراح ماشى
ولا اتكسف للناس ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك
احنا اهلك احنا رجالتك أمانك
إحنا وقت الشدة سندك إحنا زادك
يا جحا احمى ولادك
لو كنت عايز تحمى طينك
سوف أرحل ربما يلقانى من ارجو لقاه
هامشى ويا الشحاتين وابكى على حلمى اللى تاه
بس مش هاشحت رغيف
هاشحت وطن لله

ما شاء الله حضرتك مميز وموضوعاتك كلها روووعه بجد بيعجبنى كلامك ونشاطك جدا

ندخل فى القصيده الروعه دى وانا عجبنى المقطع ده جدا

و جحا اللى جاى بالليل
لساه بيتخفى
شايف ديدان الغيط
سارحة ومارحماشى

فلا رأى تانى بيقول ان جحى ميعرفشى بوجود الديدان دى لكن أنا أتفق مع رأى الشاعر

من جبنه شاف الدود سابه وراح ماشى
ولا اتكسف للناس ولا حس على طوله

وهو ده السبب الحقيقى وليس ان جحى اعمى او مخدوع

الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك
احنا اهلك احنا رجالتك أمانك
إحنا وقت الشدة سندك إحنا زادك
يا جحا احمى ولادك
لو كنت عايز تحمى طينك

كلام سليم بس مين يتعظ

سوف أرحل ربما يلقانى من ارجو لقاه
هامشى ويا الشحاتين وابكى على حلمى اللى تاه
بس مش هاشحت رغيف
هاشحت وطن لله

احلى حاجه اننا نشحت الوطن بس نشحت وطنا مش وطن تانى واعتقد ان الشاعر كان بيقصد كده

لكن لو كان يقصد اننا نشحت وطن تانى اختلف معاه فى النقطه دى

شكرا على الطرح المميز واختيارك الراقى ..وأنتظر مزيدا من نزيف قلمك المبدع

العضو طبيب بيحلم ..

اشكرك علي كلامك الجميل و علي طرحك و تعقيبك المميز .. الف شكر ..

رااااااااااااائع جدا وكلام يصل الي قلب الي مواطن
الاعلامية مني الشاذلي دائما مع المواطن فهي منا ونحن منها
هذا مشهد قمة في الروعة والاحساس بين ابناء البلد
بنت مصرية " مني الشاذلي " ومصري " الشاعر نفسه "

تحياتي وشكري للاستاذ امير علي هذا المشهد الرااااااااااااااائع

فعلا الفقرة دي اكثر من رائعة و عشرات المواقع علي الانترنت علقت و اهتمت بيها بشكل كبير ..

الف شكر يا ايااااااااااات ..

فقره رائعه جدا ومنى الشاذلى رائعه باحساسها العالى والتلقائى
هشام الجخ شاعر جميل جدا وكلامه بيوصل للجميع باحساسه واداؤه الرائع
شكرا يا استاذ امير على المشهد والموضوع الرائع

شاعر رائع واحساس قوي واسلوب متميز
ورقة احساس من الاستاذة منى الشاذلي
شكرا الى الاستاذ أمير

الحلقة كانت اكثر من رائعة
و القصيدة دى فعلا اتقالت بمنتهى الروعة
ربنا يخليك لينا يا استاذ امير

علي فكرة يا ايات انا موقعي علي الفيس alkabeer shalata ما تعرفيش عملت ايه والداعيه الا عملنها عن هشام الجح وان شاء الله هنحضر حفلاته وعرفا ان مصر ولااده وعرفت انا كمان اد اي بحب مني نانا بتعتي انا

رائع جدا على جهود البرنامج وانا معجب
جدا بابرنامج

الف الف شكر لكم جميعا علي متابعتكم المحترمة ..

الحلقه كلها كانت حلوه اوي
و القصيده دي كمان جامده جدا في كل حاجه
بس المشكله ان نفس الكلام ده احنا بنسمعه من سنة ستين و مفيهوش جديد
المهاره انو بيتقال من ناس مختلفه بطرق مختلفه

حذف من قبل الادارة

الف شكر يا يمني علي مشاركتك ..

انا شفت الفقرة دي واول مسمعت الشاعر الشاب ده قلت ده زي -الابنودي-وفعلا هم قالوله كده

بس يااستاذ امير مدام منى مبكتش ولاحاجة هي سكتت تاثرا وبس!

وعموما تسلم ايدك

شكرااااااا يا أستاذ أمير
و " الهويس" كان مبهرا في هذه الفقرة

ربنا يخليكي .. اشكرك جدا ..

» حافظ الميرازي ينطلق ببرنامج جديد اسمه "بتوقيت القاهرة" يوميا الساعة العاشرة مساءا علي دريم 2 بدلا من مني الشاذلي و برنامجها العاشرة مساءا ..
» اليوم السبت 15 اغسطس 2009 الحلقة الهامة المميزة التي نوهت عنها مني الشاذلي طوال الاسبوع الماضي . مشكلة ماء النيل في حوض البحر الابيض المتوسط ..
» بـ " نيولوك" جديد : 1.6 مليون دولار أي ما يعادل حوالى 10 ملايين جنيه مصرى أجر منى الشاذلي فى "إم بى سى" المصرية سنوياً و يخلفها من الاسبوع القادم الابراشي
» فقرة الانترنت في العاشرة مساء...الساعة الان 11 مساءا وبعد دقائق من بدأ الفقرة..تتفاوت التعليقات
» احلي شعر عن العاشرة مساءا و مني الشاذلي .. همس المشاعر .. شعر جميل جدا جدا تستحقه بجدارة الاعلامية الكبيرة مني الشاذلي ..