خطأ كبير للبرنامج..والله العظيم انا بكيت اليوم 26-2-2011

لم أحزن فى حياتى وانا اشاهد البرنامج كما حزنت اليوم.. ليه كده يا منى؟ ولا حتى تقرير 5 دقايق؟ يا منى ده لما كانت كفاية أو 6 ابريل بيطلعوا مظاهرة 500 فرد كنا بنلاقى تقرير ربع ساعة فى البرنامج.. يقوم يطلع مئات الالف امبارح ولا حتى تقرير 5 دقايق.. الولاد معتصمين الفين مصرى فى التحرير مكانوش يستاهلوا منك تنويه يا منى؟ الاعلام الغربى مشغول بليبيا واليمن والبحرين والعراق وحتى موريتانيا.. وما تبقاش لمصر الا الشرفاء.. الناس اللى عندها شجاعة تاخد موقف..ما حدش طلب منك تاخدى موقف لكن ما تشاركيش فى التعتيم.. انتى شايفة اللى بيحصل وفاهماه كويس.. شايفة ان احنا رجعنا فى الاعلام 7 سنين لورا.. قبل الثورة كان العادلى ومبارك هم المحظورات لكن كنتى تقدرى تكلمى على الوزارة.. دلوقتى مبقناش قادرين نقول كلمة على رئيس الوزرا.. حتى زمايلك فى القناة دينا عبد الرحمن وعمرو الليثى وبرامجهم ما ستاهلش الموضوع منك كلمة؟ سايبة رئيس الوزرا يشخصن الموضوع فى التليفون فى حق اعلامى زميل وبسفه صورته وانتى عارفة الحقيقة وعارفة انها تلعبت قبل كدة وبعد ما سبتيه يقول كلام لا يصح ان اعلامى محترم يسمح بيه فى برنامجه فى حق اعلامى آخر محترم قولتى احنا مش عايزين ندخل فى حاجات مالية.. طب مكانش عندك الشجاعة انك تقاطعيه يا منى؟ ولما جابوا فى الحلقة سيرة هشام البسطويسى ركبك 100 عفريت يا منى؟ ايوه يا منى انا يا مواطنة عادية ولاحظت..عيب يا منى..يا منى الناس بتسقط فى نظر الناس فى لحظة.. والتاريخ ماعدش جملة عيال يذاكروها فى خمسة ابتدائى ذهبت وزارة النقراشى وجاءت وزارة على ماهر.. التاريخ بقى مسجل صوت وصورة .حيكتب التاريخ وفى العام 2011 قام المصريون بثورة مطالبين بحقهم انهم يكونوا بنى ادمين ضحوا فيها بدمائهم عشان ولادهم يلاقوا وطن يعيشوا فيه وبعد ان حققوا بعض المكاسب وعاش الاعلام حرا لفترة وجيزة وتصور المصريون لفترة انهم ممكن يكونوا فى يوم من الايام كائنات لها كرامة.. سقط كل شيئ بمؤامرة وقمع المتظاهرون وسرقت الثورة وعادت الأمور إلى حالها الأول. حاول بعض الاعلاميين الشرفاء مثل دينا عبد الرحمن ومحمود سعد ان يشاركوا ولو بكلمة فىايصال الحقيقة الناس فكان جزاؤهم قطع ارزاقهم وتشويه سمعتهم..بينما سقط بعض الاعلاميين امثال منى الشاذلى اللى شاركوا فى التعتيم وشافوا ان دماء مئات المصريين ارخص بكتير من بعض الضغوط من امن الدولة اوالخوف على فقدان مصدر رزقهم.والله يامنى انا ما عايزةاجرحك او اضايقك.. انا والله بحبك بس انا بكتب الكلمتين دول وانا بابكى.. انا اسفة يا منى.. اسفة مش قادرة اسامحك انك ساهمتى فى حرمان ولادى انهم يبقوا بنى ادمين

يا ناسسسسسسسسسسسسس فوقوا عارفين المثل اللى بيقول الفاضى يعمل قاضى ....
دا لولا منى وعمرو والاسمه ايه ده (بنساه دايما ) اه المسلملان ما كنتش بقت ثوره كانت هتبقى مظاهره
حتى الشباب اعترفوا وقالوا ما كنش هدفنا ثوره بس مشيت سوقنا فيها والحمد لله ربنا كرم صحيح نزع الامان من مصر من كثر الحماقه والفساد وسؤ الاخلاق وعدم الفهم وسيادة الجهل اللى ممكن يتجمع به الناس وعليه
عيشوا حياتكم ... دلوقتى منى بقت غلط والله العظيم

كلام مظبوط يا ايات انا واحدة من الناس اقسمت ان مصر لم يكن بها اعلام صادق ومحترم ويحترم عقليات الناس الا العاشرة مساء ومنى الشاذلى وانا عايزة اسئل سؤال فى احداث الثورة من كان موجودا فى الاعلام المصرى التلفزيون المصرى الى كان جايب مسلط الكاميرا على النيل ولا المحور المتحفظة ولا محمود سعد الى كان ممنوع من الظهور على التلفزيون مين الى نزلت ميدان التحرير مين الى يوم موقعة الجمل طلعت على الهوا وزعقت وكادت ان تبكى وقالت المشهد دة فين فى ماليزيا والله العظيم اول حلقة لمنى الشاذلى بعد تنحى مبارك انا عيط بشكل هستيرى اول ما شوفت منى الشاذلى طلعت على الشاشة استلذة منى والله العظيم شكرا ولكى مني كل التقدير والاحترام

العاشرة مساء بيت لكل المصرين