حسرة عليك ( للسادة العظماء )

حسرة عليك
حسرة عليك يا عدو الامة لعنة كل الخلق عليك
اتحديت الدنيا بحالها للبهتان والظلم بنيت
كان لك نفس تحارب اهلك اعمالك صارت حواديت
عمر ما يوم حسيت بالفقرا ولا بمالك يوم زكيت
ولا بتفكر الا ف ابنك بالاحزان عا الناس صبيت
قاعد جوا قصورك تضحك ولشعبك ترمي الفتافيت
خليهم للياس ضحايا عن بابك الخير صديت
اهل الفضل ف زمنك صاروا ما لهم اصل وما لهم بيت
ااما الخاين اللي يصونك علي كل الاكوان عليت
اشرب يا للا الوحدة ودوقها واعرف كل طريق خطيت
وكفاية تختم اعمالك مع سطان الغدر بكيت
يوم الحشر تدوق العلقم وتقول ارجع تاني يا ريت
اهجر طبع الغدر واهله بالإنسان انا يوم حسيت
عمر الظالم مهما يطول يرجع تاني لاصل الخيط
&&&&&&&&&&&&&&
غيرناك
غيرناك غيرناك ولا عمرنا يوم اخترناك
كان قلبك كداب وعنيك والخاينين بيحاوطوا عليك
والحاسدين بيصقفوا ليك بس احنا ما كناش وياك
ولا عمرك حبيتنا ف يوم مهما تقول قلبك مسموم
بس انت من الخير محروم
عمرنا يوم ما ارتاحنا معاك
وخداعك كان باين لينا من ظلمك كترت ماسينا
والدمعة اترسمت ف عنينا وبتظهر للدنيا ملاك

دي الوقتي اتعرفت الاعيبك والعالم فاهم تكذيبك
راح تاخد م الحسرة نصيبك احزانا هتشيلها وراك
قول لنا ليه بتخون العيش عندك قلب ورحمة مافيش
اكبر عالم في التشويش كل العالم بتحداك
ولا عايزين نعرف ذكراك
ولاعايزين ريحتك وهناك

&&&&&&&&&&&&&&&&&&&&&&&