الحصاد الاسبوعي للعاشرة مساء

هاللوة يا جماعة انا جبت ليكم حتة خبر بمليون جنية انهاردة شوفت مين شوفت السندريلا حبييبتنا كلنا علي دريم 2 لا دة بجد واللة مش في الاحلام انهاردة الجمعة كنت بفتح التليفزيون بالصدفة لقيتهم عاملين حلقة فيها مقتطفات من كل فقرة في كل حلقة من حلقات الاسبوع الحكاية دي استغرقت حوالي تقريبا ساعة انا عايزة احيي العبقري اللي اخترع الفكرة العبقرية دي يا رب بس يهديهم ويثبتوا الموضوع دة علي طول ولا يكون مجرد انهاردة بس لاني كدة هازعل قوي المهم احنا لازم يكون لينا دور اجابي في الموضوع ازاي
شوفوا انا من وجهة نظري المتواضعة اننا كل عضو فينا يبعت علي ايميل البرنامج ويفولهم ان الفكرة دي فكرة رائعة ويا ريت تثبتوا علي كدة لية عشان لما كل واحد يبعت من ايميلة الشخصي يلاقوا ان عدد كبير حابب الفكرة دي و يثبتوها وممكن اننا نبعت ايميل باسم الموقع بس الاهم هو الايميلات الكتير اللي هيبعتها كل واحد فينا علي ايميل البرنامج
وانا اولكم اة اول ما اخلص كتابة الموضوع دو هابعت للبرنامج علي طول
اتفقنا ربنا يوفقنا ونقدر نعمل حاجة
علي فكرة يا جماعة ايميل البرنامج هو
el3ashera@dreams.tv

فعلا يا ساره انا شوفت الحلقه دي صدفه وانا بقالب بس والله كانت حلقه كويسه وعباره عن تجميعه لاهم التقارير والحوارات الي حصلت طوال الاسبوع وهتكون مفيده لان الواحد ساعات بيفوته تقرير او حوار
وعلي رايك يارب تكون الحلقه دي مستمره بس هي ان شاء الله هتكون مستمره واهي تعوضنا عن عدم اعاده البرنامج
وانا ان شاء الله هبعتلهم دلوقتي

ان شاء اللة يا ميدو انا خلاص بعت للبرنامج دلوقتي ويارب فعلا يثبتوها وزي ما انت قلت تبقي تعويض عن عدم اعادة البرنامج
ميرسي لردك

اوكي يا ساره ربنا يسهل

فعلا يا ساره كانت مفأجأه جميله قوي وفعلا يا ساره انا شوفت الحلقه دي صدفه وانا بقالب
وحظك حلو ونشرتى الخبر قبلي لان في اليوم دة ماكنتش فاضى ولي سبق ياكل النبق
والسلام عليكم