احبك

حسابات المنطق
الخميس الماضى وكعادتى كل خميس اذهب الى كورنيش النيل حيث اقضى هناك ثلاث ساعات من الخامسه وحتى الثامنه بالضبط لاتزيد دقيقه ولا تنقص فوفقا لحساباتى المنطقيه يجب علىَّ ان انام تمام العاشره لاستطيع الاستيقاظ السادسه صباحا بالضبط كى اكن نشيطا ،وفى تلك المره واثناء وقفتى المعتاده مفكرا فى تلك الفتاه، التى دائما ما اشعر برجفة تسرى فى جسدى حين رؤيتها ورغم تيقنى من اننى احبها لكننى لا اجروء قول ذلك،اشتممت رائحة عطر -اعرفه جيدا- تقترب منى وشعرت بصاحب هذا العطر يقف خلفى واذ به يمد يده تجاهى بباقة ورد ونظرت اليه فاذا بها تلك التى كم قضيت اوقاتا افكر فيها وقد ارتسمت على وجهها المحمر خجلا ابتسامه بريئه .وقبل ان انبس ببنت شفه قالت هامسةً "احبك" .
المفاجأه جعلتنى اتسمر مكانى وتضاربت داخلى المشاعر والافكار"كيف فعلت هذا؟لكننى احبها! عقلى ؟! قلبى؟!....." وفى وسط هذا الاضطراب وجدت لسانى يقول "معذرةً ولكن حسابات المنطق تقول ........." وقبل ان اتم جملتى كان وجهها قد غطى بخيبة الامل قبل ان تنظر الى الارض وتدفن وجهها فى كفيها لتخبىء شلالى الدموع اللذان تفجرا فيه ،ثم نظرت الى فى اسى ,انصرفت مسرعه بعد ان سقطة باقة الورد من يدها على الارض. فوقفت دقيقتين فى ذهول والقيت نظرة على الورد الملقى على الارض ثم انصرفت عائدا لمنزلى حيث كانت الساعه تمام الثامنه ووفقا لحسابات المنطق لايجب ان اتأخر فى الخارج عن ذلك.
خالد المسيرى

شكرا استاذه شيماء ،استاذه مروه


الحقيقه يا جماعه ده مش موقف شخصى وانما مجرد خيال دى قصه قصيره يمكن انا اللى كاتبها لكن ما حصلتليش"حد لاقى " ده يبقى يوم المنى بس هى تيجى بس على الاقل هاخد الورد بدل ماهو مرمى على الارض كده هههههههههههههههههه


لفكره اللى كنت باطرحها هى مين اللى بيتحكم فينا يا ترى العقل ولا القلب؟؟؟ وتفتكروا فى الحب نصدق مين فيهم بالظبط ؟؟؟هل نندفع ورا قلبنا من غير منطق وفى الحاله دى ممكن قدام نكتشف ان الموضوع ما كنش ينفع من الاول ونندم حيث لاينفع الندم؟؟؟؟
ولا نحكم العقل ونتحرم من انسانيتنا ونمشى كل حاجه بحسابات المنطق؟؟؟؟

اتمنى انى احصل على اجابات منكم وباب الحوار مفتوح




مستنيكم


ارجوكم ما تكسلوش تكتبوا

العقل و القلب يا خالد

الاتنين لازم نحكمهم و بعدل

لكن نمشى ورا واحد بس اكيد هنندم و نتعب فى الاخر .. أو نتعب و نظلم اللى بنحبهم

قصتك جميلة على فكرة .. وهى جميلة بفكرتها اللى طرحتها لأن ده واقع فعلا فى الزمن ده و يمكن اى زمن .. اشكرك و ان شاء الله "تلاقى" بس انت اللى تجيب الورد يا باشا

القلب لازم يحكم الأول وبعد كدة أحكم العقل لكن لو الاتنين اختلفوا؟
لأن ساعات العقل منطقه بيبقي مختلف خالص عن القلب ومشاعره يبقي ساعتها في رأيي القلب هو اللي يوجه لأن الحب في نظري يصنع المعجزات ويتغلب علي المشاكل والمعوقات خصوصا عندما يكون حب صادق وحقيقي وبشكر أ.خالد علي القصة الجميلة والمعبرة

ا.فرحه كتبت: ان شاء الله "تلاقى" بس انت اللى تجيب الورد يا باشا

لازم لازم يعنى انا اللى اجيب الورد ؟؟؟؟؟ هههههههههههههههههههه

احترم رأيك جدا لازم الاتنين لكن لو اتخانقوا زى اخينا اياه يعمل ايه؟؟؟؟ ما تقوليش يجيب حكم دولى ههههههههههههه



- ماشى يا اختى الصغيره مروه من غير استاذه هههههههههههههه
على فكره كلامك اللى قلتيه ده بسطنى جدا لان انا كمان كنت باشتم فى نفس الشخص لكن فى نفس الوقت كنت متعاطف معاه
ما شاء الله عليكى تفكيرك عالى ومنطقى جدا على 15 سنه ان شاء الله اتوقع لك مستقبل عظيم




-ولا يهمك يا ا.شيماء البيت بيتك هههههههههههههه




-" د.نانوسه" تفتكرى لو القلب مال لحاجه هيبقى من السهل ان العقل يمنعه ؟؟؟؟؟؟ وفى نفس الوقت لو العقل وافق على حاجه هيبقى من السهل ان القلبيميل على رأيه؟؟؟؟؟؟ مسأله عويصه!!!!!!





على فكره القصه دى عجبت الدكتور اللى بيدرس لنا ادب عربى جدا وقرر انا ينزلها فى كتابه السنه الجايه ده طبع بعد دقيقتين كاملين مدح نياه نياه نياه"ضحكه شريره متقطعه " هههههههههههههههه



-

وفقا لحساباتى أنا المنطقية، لو ما كنتش اعرف إنها قصة من وحى خيالك و إنه موقف حصل معاك بجد كنت هاقول الآتى: حد قبل كده قالك انت رخم أما و إنى عرفت إنها قصة و قصة جميلة تنم عن خيال خصب و تفكير واقعى يلامس مشكلات حياتية تتكرر يوميا تقريبا و تتكرر معها نفس الحيرة، فدعنى أخبرك برأيى و لن أضيف كثيرا إلى ما قيل على لسان صديقاتى فى موقع العاشرة:
لابد أن يؤخذ القرار فى الحب بناء على حسابات المنطق و مشاعر الوجدان و لكن أيهما يسبق الآخر فهذا يتوقف على شخصية المحب؛ فلو كان شخصا عاطفيا رجحت كفة القلب و هذا لا ينبىء أبدا بفشل العلاقة أو سوء الإختيار لأنه عاطفى بطبعه و يجد السعادة فى المشاعر الفياضة و دفء القرب من المحبوب، أما لو كان شخصا عقلانيا، يزن الأمور بعقله أكثر و يستخدم (حسابات المنطق) فى تحليله للمواقف و المشكلات، هنا ترجح كفة العقل، و هذا لا ينبىء أيضا بفشل العلاقة لأنه يجد الراحة فى التعامل المنطقى مع كافة أمور حياته و إن كنت أرى الإتزان فى: الحب أولا؛ يعنى لو مش بحبه استحالة اعيش معاه، ثم تحكيم العقل و المنطق، لو أشار لى عقلى بالضوء الأخضر سأستمر أما لو أعطانى إشارة حمراء تنبهنى إلى الوقوف سأستجيب لندائه، ربما لأنى من نمط الشخصيات (محلل عاطفى) يزن الأمور بعقله أكثر و يرتكز فى قراره على العقل أولا فى شتى أمور الحياة لكنى أستثنى الحب من ذلك و أصغى لصوت قلبى أولا ثم أشاور عقلى، و فى رأيى الحب عموما كى يصبح حبا مثاليا و يدوم طويلا لابد من التفهم و الإحترام و الثقة المتبادلة و كلها حسابات منطقية (عشان ترتاح يا أ/ خالد)

بجد موضوع جميل و لخبطنى شويه ف الأول لكن ف نفس الوقت كان بالنسبالى فرصة عشان افهم نفسى أكتر و لو جانى حد بورد هاعمل أيه مش حد بيبيع ورد لأ حد جايبهولى هدية

شكرا كتير يا خالد ع الموضوع الجميل ده و يا رب دايما فى تقدم، بس معلش سؤال قبل ما امشى هو ليه كل اللى علقوا ع الموضوع بنات باين كده إحنا بس إللى بنعرف نحب و عشان الموضوع يكمل بقى صوت و صورة خلونا نسمع أنغام (بحبِك وحشتينى)

http://www.mawaly.com/music/Angham/track/884

على فكره يا دنيا انا على ارض الواقع برضه رخم ههههههههههههههههههههههههه يعنى خيالى هيجيب منين يعنى ما هو منى .

اما رايك فما حدش يقدر يتكلم مع الجماعه بتوع علم النفس دول ههههههههههههه بجد لخص كتير من الكلام ووضح الرؤيه بطريقه "منطقيه" مرتبه.



"بما لأنى من نمط الشخصيات (محلل عاطفى) يزن الأمور بعقله أكثر و يرتكز فى قراره على العقل أولا فى شتى أمور الحياة"
اهلا وسهلا يعنى معانا على الخط انا والراجل الغريب اللى فوق ده ههههههههههههههههه.

ف نفس الوقت كان بالنسبالى فرصة عشان افهم نفسى أكتر و لو جانى حد بورد هاعمل أيه مش حد بيبيع ورد لأ حد جايبهولى هدية"


ما تفكرنيش بالجماعه اللى بيببعوا الورد كل ما افتكر الست اللى غلطت فى "خالى اشرف" باتضايق اوى هههههههههههههه
صحيح هتعملى ايه ؟؟؟؟ لا الجمهور بيطلب اجابه واحنا ما نقدرش نتاخر عنهم لازم تجاوبى



اما بالنسبه لسؤالك الاخير فوالله انا لاحظت الموضوع ده برضه واستغربت جدا حتى لما زمايلى فى الكليه شافوا الموضوع الولاد كانوا بيبصولى باستغراب ويقولولى ايه الهبل ده اما البنات فكا بيعجبهم ده طبعا بعيدا عن كمية الشتيمه فى وفى الاخ اللى فى القصه

"

قصة جميلة ورومانسية ..علي اي حال
خالد مشروع فنان موهوب للان في القصة القصيرة والشعر الغنائي .. وليك مستقبل كبير انشاء اللة
فاكر ايام الجامعة كنت ماشي مع اتنين حلوين زملاء رايحين لدكتور في مادة القانون التجاري في اول المشوار كنا سوا وبعدين كنت بمشي 3 خطوات مني مقابل 6 منهن وبتأخر في المشي عنهم ( قال اية كنت مكسوف)!

ربنا يكرمك يا استاذ عماد دى بجد شهادة اعتز بيها



طالما كانوا حلوين يا استاذ عماد بتتاخر عنهم ليه ههههههههههههههههههههه