قومي يا حبيبتي وانفضي عنك الغبار
وحمد الله بسلامتك طلع ضي النهار
قومي وافرحي بعد طول الانتظار
وافتحي شبابيك المحبة ع الجدار
وانشري ف الدنيا زهوة الانتظار
يا حبيبتي قومي وانفضي عنك الغبار
وانفضي وياه حاجات كتير
غيري شكل الحياه عالصغير والكبير
واعدلي الكفة اللي مالت من زمان وغيرت كل النفوس
وسادت في ربوعك الكآبة في الوشوش
ع اللي واخد كل حاجة
وغيره مش لاقي القروش
قومي يا حبيبتي وانفضي عنك الغبار
قومي يا حبيبتي طلع ضي النهار
قومي يا حبيبتي ما تزعليش
واملي الربوع افراح
ضمي الولاد وضمدي لجراح
وارفعي راسك يا حبيبتي لفوق
ارفعي راسك بالتاريخ الجي
كتبوه ولادك بدم الشهيد والحي
وحلفو بترابك يا غاليه ما يبقي زيك زي
واوعك تبصي ع اللي ولي وراح
اجني ثمار الثورة وانشري الافراح
LikeUnlike · · Share ·
النوع
موضوع: ثورة25 يناير 
الأربعاء أبريل 27, 2011 3:54 pm
