مبارك مش هايتعدم !!!

مبارك لن يعدم رغم أخطائه فى حق الوطن والمواطن لأن فى ذلك شبه اهانة لرمز من رموز العسكرية المصرية.(رأى شخصى)

نعمل ايه قداء وقدر

يا جماعه السجن المؤبد بالنسبه لمبارك اعدام

هو ده الكلام اللى بقوله من زمان و محدش كان مقتنع -- مبارك اصلا و ضع فى المستشفى و كل شويه يطلع تقرير ان الراجل تعبان و حالته زفت و مش ممكن يترحل الى السجن و الجيش اصلا مش ممكن هيسمح بكده لانه رمز من رموزهم و بتمسهم فى كرامتهم كعسكريين و حتى لمن يتحاكم و يصدر ضده حكم هيفضل فى المستشفى لحد ما يموت و هيتعمل له جنازه عسكريه فى احدى الثكنات العسكريه تكريما لسجله العسكرى -- يا جماعه ريحوا نفسكم مش هيتعدم و لا هيتحبس خلونا و اقعيين --- رحم الله الشهداء و الله أسأل ان يعوض مصر خيرا فى من فقدوا و ان يعوض الشهداء اهلا خيرا من اهلهم و يسكنهم فسيح جناته -- حقيقتا لمن اشوف الشباب اللى راح مش عارف اوصف شعورى بأيه بس حقيقتا مؤلم جدا رحمهم الله - عيونى دمعت سلام

الاخ الشاب محمود
أنا و احد من الناس اللى فعلا عانيت من النظام مش ضرورى أكون اتحبست و لا اتعذبت لكن عانيت من البيروقراطيه و الاجراءات التعسفيه و الرشوه و الفساد لو كان قتلت كان ممكن يكون اهون -- لمن كنت بعمل ترخيص لمحل خاص بى و كان قبل الثوره بأربعه شهور شفت فيهم الويل و كله كوم و الموافقات الامنيه كوم تانى انا كنت بيستدعونى فىامن الدوله فى اليوم 3 مرات و أروح و اتلطع عندهم و بعدين اروح و شوف بس ساعات الانتظار دى كانت مرهقه لحد ايه - و فى الشرطه كمان استدعائات بالهبل و ياريت خلال اليوم احيانا نص الليل عشان كده كنت بقول لاصحابى اذا كان انا معملتش حاجه و بتعامل كده امال اللى عنده مشكله بيعملوا فيه ايه ؟؟؟؟

يا اخ محمود انا و الله حاسى بكل المعاناه و حاسى بكل الاخوان اللى دخلوا امن الدوله و الشرطه و أنا مش بقول ان مبارك مش هيتعدم عشان شى بس ده الواضح و اعتقد انك انظف من انك تلوث اياديك بواحد زباله زى مبارك و شلته

انا كنت موجود فى مصر كل ايام الثوره من أولها الى اخرها و غادرت مصر بعد التنحى و شاركت فى فى و قفات ميدات المنشيه فى بورسعيد و شاركت فى الفرحه يوم ما اعلن التنحى

اللى بقوله هو ان المجرم بضغوط عربيه تحديدا مش هيتعدم و لا هيتحبس -- كل اللى بيحصل ده سيناريو لحد ما يموت يا سيد محمود لازم تعرف ان مصر تسير مع المجتمع الدولى و المحيط العربيى بمعنى عندما يطلب من القياده المصريه الحاليه بأن تماطلوا موضوع مبارك لحين و فاته مش ممكن مصر ترفض لان مصر فى الوقت الحالى على الاقل محتاجه لمساعدات كبيره و عشان يمنحهوها المساعدات دى لازم فى طلبات فى المقابل

أرجو ان تكون و ضحت الصوره -- المسأله مش بالسهوله اللى كل مواطن بتخيلها --- و ياريت يفضل عايش عشان يذوق الذل هو وأولاده و شلته -- و يموت موت بطيئ -- كده احسن من اعدامه و يرتاح - خليه يشوف كره الناس و يسمع دعاوى الناس و اهالى الشهداء كفايه انه مذلول و كفايه انه مكتئب و كفايه ان اصبح انسان هزيل ذليل خليه كل ما يسمع دعوه عليه دماغه تورم و نفسيته تتعذب


فى برنامج صبايه شفت و سمعت انسان لقيوه نايم فى الزباله تخيل و كبير فى السن و مبيعرفش يتكلم و لمن سألوه عن أمنياته قال بالعافيه بالعافيه نطق كلمه (أنا عاوز أموت ) تخيل و الله انى دعيت على مبارك لحظتها و على شلته ياويله دا الانسان من ربنا

رحم الله شباب مصر و شهداء مصر و عاشت مصر حره ابيه

مبارك مش هيوصل المحاكمة من الاصل ، مبارك اما ان يموت طبيعيا قبل المحاكمة او يقتل في المستشفى بطريقة طبيه لا تترك اثر للجريمة ، لانه لو وصل للمحاكمة فيه ناس كتيرة في مناصب عليا جدا الان هتتفضح هيه كمان ، وعليه العوض في الفلوس اللي سرقها لانه اصلا مبارك نفسه لاستطيع الوصول لهذه الاموال التي غسلت عدة مرات وتاهت خلاص

فعلا مبارك مش هايتعدم
ولكن ليس بسبب هذا النص القانونى المزعوم تطبيقه فى مصر وقد تفضل الاستاذ المحترم احمد سعد بإيضاح ذلك
ولكنه فعلا مش هايتعدم
هناك مماطله ملحوظه قبل الشروع فى اتخاذ اى خطوه وكان آخر ذلك تحديد اول جلسه للمحاكمه وكان ذلك اواخر شهر مايو وتم تحديد اول جلسه اوائل اغسطس وهى مده ليست قليله وهذه البدايه
ولنتذكر متى وقعت جريمة قتل سوزان تميم وكم مضى عليها والاجراءات تلو الاجراءات ومازلنا ..........
والسيناريوهات ستكون كالتالى
1- ان يحدث أمر الله ويموت وغالبا الاطباء الان يستطيعون تحديد مده تقريبيه لحدوث الوفاه فى حالات مرضيه معينه وخاصة انه الان مصاب باكثر من حاله تؤدى الى الوفاه فى وقت ليس ببعيد
فهو مصاب بالشيخوخه والاكتئاب وغالبا هاجمه السرطان مره اخرى لانهيار جهازه المناعى بعد نجاح الثوره وما حدث له
والى ان تحل اولى جلسات المحاكمه اذا كان مازال حيا لن يستمر حتى انتهائها والعلم عند الله طبعا
2- ان يتم التخلص منه بطريقه هادئه حتى لايتم فتح ابواب جهنم
أما بالنسبه لنا وحق الشهداء والمصابين والمضارين على مدى 30 عاما فنحن اما سؤال
هل نريد تطبيق عقوبة الاعدام لأخذ الحق أم للتشفى؟
أما التشفى فحاشى لله فلنبرأ بأنفسنا عن احساس التشفى والشماته حيث انه من الثابت ان الاحاسيس السلبيه تضر باصحابها قبل المتشفى فيهم والشامتين فيهم
أما اخذ الحق ألا يكفى ان الجبار هو الذى سيجبر بخاطرنا وياخذ خقنا أخذ عزيز مقتدر ويلقى به فى الدرك الاسفل من النار بما إقترفت يداه ؟
اليس هو الحكم العدل القادر الجبار
ولنقل من كل قلوبنا
حسبنا الله ونعم الوكيل وهذا ليس دعاء المستضعفين ولكنه دعاء المؤمنين