أركاديا !

صديقي دائم التردد على المول التجاري المسمى ( أركاديا) ، لا يمر يوم والا ويقول لي مشاهداته للمشاهير وصفوة المجتمع ، ويلهث بكلماته قائلا : شاهدت اليوم في أركاديا ( نادية الجندي ) ،وفي يوم آخر يقول شاهدت اليوم في أركاديا ( حسين فهمي) ، وشاهدت وشاهدت ...وهكذا كل يوم يصدع جمجمتي بكلماته ومشاهداته ، ويدعوني أن أذهب معه الى المول المفضل له (أركاديا) ،كنت أتهرب منه بظروف وانشغالات واهية، وأكتفيت فقط بمشاهداته التي يحكيها وكأنني أرى المشهد أمامي مصورا بفمه الواسع ،
ومرت الأيام وهو يشاهد وأنا أسمع وكثرت المشاهدات والمسموعات .، حتى مللت حكاياته المتكررة .

وفي يوم أتى لي ، متغيرا ولزم الصمت ولم يحك أي شئ عن مشاهداته الأخيرة في أركاديا مول، فقلت في نفسي ربما أنه لم يشاهد أحدا في الأيام الماضية يمكن أن يحكي عنه ، وبادرت بسؤاله متهكما : _ ايه أخبار المشاهير معاك ؟
فرد : ـ مفيش جديد
_ يعني مشفتش حد خالص
_ يعني .. مفيش الا الست اللي بتقدم البرنامج اللي على قناة دريم

نزلت كلماته الغير مبالية على أذني كدلو ماء بارد وأحسست ببرودة شديدة في جسدي وجميع حواسي قد اثيرت الى أعلى مستوى لها وقلت وفمي يركب الكلمات بروية وصعوبة :
_ قصدك مين في قناة دريم ؟ حدد؟؟ الست مين فيه كتير ستات أي مذيعة ؟ شفت مين ...؟

_ اللي بتقدم برنامج اللي بيجي بالليل اللي هو اسمه (...مساء) مش عارف
فقطعته وقلت بتلهف _ العاشرة مساء تقصد

فرد _ بالظبط هي اسمها ايه الست دي ؟

_ منى الشاذلي يا بني حيوان متعرفهاش
_ أيوه أيوه منى الشاذلي .حتى كان معاها طفلين ولادها باين، وانت عامل ايه النهاردة؟

أصابني بروده الذي يتصاعد من وجهه بغيظ شديد :فقلت له :ـ انت بتقول انك شفت منى الشاذلي بجد .؟؟؟

_ ايوه فيها أيه يعني ؟ ما كنت جيت معايا

_ فيها أيه يا بني حيوان

قفلت أذناي على هذا الكلام ولم أكمل استماعي اليه ، والندم يحيطني أنني لم أذهب معه وتهربت منه دائما بأعذار كثيرة ولم أدر أنني ارتكبت خطئا كبيرا ، فلو كنت معه في هذا اليوم لرأيت منى الشاذلي بحق وحقيقي . يا الله.

في اليوم الثاني ، أرتديت ملابسي الأنيقة وذهبت الى صاحبي على غير عادتي ،فهو دائما الذي يأتيني ليحكي ما عنده .

تعجب من مجيئي وسألني : _ ايه يا عم الزيارة المفاجئة دي ، ولابس ومتشيك رايح فرح ولا أيه ؟

فرديت عليه بابتسامة متفائلة : _ هنروح مول ( أركاديا ) يلا بينا !!

_ حالا هكون جاهز !

ومازلت أذهب ولا أمل من الذهاب الى أركاديا وأجوب طوابقه ومحلاته منتظرا أن تكرر منى الشاذلي الزيارة .

،،،،،مع التحية أديب

...

ربنا يسهل و تشوف مدام مني بجد ان شاء الله

هةةةةةةةةةةةةةةةةةةةةةةةةةةةةةةةةةة بجد ضحكتيني شكرا ليك
بس بجد ربنا يسهل وتشوفها بس انت حظك وحش اوي بس هتعمل اية دلوقت انا رايي توصي ناس في اركاديا مول تقولك اول ما يشوفوا مني يقولولك ام تنزل من البيت بس لوو ساكن بعيد ممكن تروح تلاقي مني مشيت انا راييي تقعد هناك وخلاص
بس صاحبك دة مستفز اووووووووووووووي سوري طبعا ازاي ما يعرفش القمر اللي بتنور دريم كل يوم دة اية مش عايش في الدنيا تصور لو في حد قاللي كدة انا بتخانق معاة وابهدلة لما يقولي ماعرفش مني الشاذلي

بس انت لية ماسالتهوش شافها في انهي محل من امتي كان معاها عيال اية كانت بتشتري اية كدة يعني التفاصيل الصغيرة التي تهم الفضول الصحفي

janh كتب:

هههههههههههههههههههه بجد حكايه تحفه

شكرا يا أديب ضحكتني بجد

وربنا يوفقك وتشوفها

يلا ياعم حلال علية وعقبالك بس لما تقابلها ابقي افتكرتا بكلمتين
والسلام عليكم

أحيانا نريد أن نخلق الصدفة ، ولكن دوما القدر هو الذي يخلقها في وقت لا ننتظره ومكان لا نتوقعه ،

الشكر للجميع على التعليق وفعلا يا سارة صاحبي اللي في القصة غاظني حظه في رجليه دايما

يا لهووووووووووووووووووووووووى انت تعرف انا لو منك كنت خدته ورحت صالة كمال اجسام قولتلهم الراجل ده بيشتم عليكوا يا رجاله وهما يتعاملوه معاه ................. انا بقي لو منه وقابلتها قدامك اختيارين يا أما شجاعه رهيبه ربنا يحدفها في قلبي و اتكلم معاها كتير يا أما يغمي عليا مع العلم انى متعود على مقابله المشاهير عادى يعني لانى قابلت ليلي علوى وتامر حسني و منير سلمت عليه بس متكلمتش كتير و هبه السيسي اخوها صاحبي و بروح عندهم البيت و ناس كتير يعني متعود لكن مع السندريلا الوضع مختلف

تحياتى
..::شادى::..