محدش فاهم حاجه خالص عمرو خالد رجل دين ولا سياسه . انما الست منى الشاذلى شئ مختلف ..

محدش فاهم حاجه خالص عمرو خالد رجل دين ولا سياسه . انما الست منى الشاذلى شئ مختلف ..

بقلم : ابو خضر الهوارى

مجرد الاعلان عن ان التليفزيون المصرى سوف يستضيف الدكتور محمد البرادعى وان الاستاذ عمرو خالد هو اللى ها يحاوره حصل جوايا نوع من الارتباك وبدأت اسأل نفسى عده اسئله منها هل عمرو خالد مؤهل لمبارزه حد زى محمد البرادعى وهل عمرو خالد سياسى اصلا" وانا بفكر فى كل الاسئله دى قلت لنفسى مش ها ينفع اقعد فى الشغل واتفرج على البرنامج مع زملائى فى الشغل انا اروح البيت واقفل على نفسى واتفرج يمكن افهم حاجه بدل مااسمع تعلقيات وانشغل بيها ومركزش وبالفعل نزلت جرى وكان فاضل حاولى نص ساعه على البرنامج ويبدء واول ما وصلت تحت البيت قابلنى عم عجينه البواب وانا باركن العربيه وقالى ها يا استاذ نسيت زى عوايداك طبعا نسيت تشترى السجائر . يا نهار ابيض معلش يا عم عجينه انا اسف فعلا نسيت وكل مره اقوال لنفسى مش هانسى وانسى ليه والنهارده ممكن يكون ليه عذر علشان نزلت مستعجل علشان اللحق برنامج عمرو خالد ومحمد البرادعى المهم هاتلى السجائر وحصلنى على فوق . فنظرلى عم عجينه نظره استغراب وتركنى ومشى وبالفعل جلست امام التليفزيون فى لهفه شديده وفى المعياد المحدد بدء البرنامج وبعد دققيتن بالظبط اكتشفت ان الغلبه اليوم سوف تكون للدكتور محمد البرادعى على حساب الجمهور اللى مشتاق يعرف مين هو محمد البرادعى وايه اللى فى دماغه علشان مصر لان دى اول استضافه له على التليفزيون المصرى بعد لغط كثير هل سوف يتم استضافته ولا ايه وبعد سيجال تم استضافته . ولان الحوار بين البرادعى وعمرو خالد كان سريع لدرجه ان البرادعى كان بيجواب على الاسئله قبل ما يطرحها عمرو وكانها كانت معروفه مسبقا او بيقرأ افكاره ولآن عمرو خالد مش محاور محنك فمقدرش يخرج كل اللى جوه محمد البرادعى او حتى يستفزه على الاجابه او يحرجه باى سؤال ويخرج باجابه تشفى صدور المشاهدين اللى عايزين يتعرفوا على هذا الرجل ولكن كان خالد بيسال واللى يجود بيه الضيف خلاص هو ده وبالسلامه وقبل ما ينتهى البرنامج بدقائق قليله رن جرس الباب ففتح ابنى ليجد عم عجينه البواب وحاول ابنى ياخد منه السجائر الا ان عم عجينه طلب انه يقابلنى فدخل علي ليجدنى قابع امام التليفزيون فى حاله من البلاهنيه الشديده وطبعا الحاله اعراضها معروفه وتكاد تشبه الهوسهس الليلى وبعد لحظات من تأمل عم عجينه لي وللحاله الغريبه اللى بمر بها فسالنى مالك يا استاذ كل حاجه فيك متغيره النهارده ولاول مره انى اتاخر عليك فى السجائر ومتتصلش بي زى عوايدك وكمان اول مره اشوفك بترجع بدرى من الشغل .هو حضرتك تعبان ولا حاجه . فابتسمت بعد عبوث دام قرابه الساعه ابدا ياعم عجينه اصلى مش فاهم حاجه خالص والمره دى بجد وبعدين صحيح انت اتاخرت ليه . ضحك عم عجينه يا استاذ حضرتك جيت من اخر الدنيا علشان تشوف البرنامج يبقى انا متفرجش عليه وبعدين ده هايبقى رئيس جمهوريه ولسه الناس ماتعرفهوش فكانت عايزه تعرف مين هو وها يعمل معانا ايه بالظبط . طيب ولما اتفرجت يا عم عجينه ايه اللى شوفته . ابدا يا استاذ كل الحكايه واحد عمال يلف ويدور والتانى نايم على نفسه ع الاخر . يعنى ايه ياعم عجينه بص يا استاذ انا راجل ما بحبش اللف والدوران انا دوغرى واحنا عملنا الثوره علشان نتغير مش نفضل زى ما احنا انا اى نعم رجل مش متعلم بس بفهم الشيخ عمرو خالد متزعلش منى مالوش انه يتكلم فى السياسه دا رجل بيتكلم فى الدين ماله هو ومال محمد البرداعى انما شوفت الست منى الشاذلى استضافته خلته يقول كل حاجه انما الشيخ عمرو كان يعنى مش اد كده وبعدين يا استاذ هو التليفزيون مش كان مطلع قرار بانه مفيش حد غريب هايطلع ويقول برامج ولا الشيخ عمرو متعين وانا مش عارف . فين السجائر يا عم عجينه .اتفضل يا استاذ اهى . ولا اقولك انا بطلت سجائر كفايه كده علشان كده كده مفيش حد فاهم حاجه خالص بس خلاص .

ابو خضر الهوارى

رابط الموضوع : http://pulpit.alwatanvoice.com/articles/2011/07/01/231687.html

المقال ده بيعبر عما يدور بخلدى تماماً ، مال عمرو خالد ومال السياسة

فين بقى حكاية الـ 3 لأ اللى كان بيقول عليها

أنا بصراحة كنت بحب أسمع له فى الرقائق والإجتماعيات اللى كان متميز جداً فيها

بس لما إتوسع فى حاجات ملوش فيها مبقتش أسمعه كتير

السياسة لها ناسها ومحدش بيجيد كل شىء ، كل واحد له مجاله

إدى العيش لخبازه زى ما بيقولوا

إعرف شىء عن كل شىء وإعرف كل شىء عن شىء

أشكرك أ/ أمير لنقلك هذا المقال ، شكراً يا أستاذ

شكراً استاذ امير علي هذا المقال ولكل شخص وجهة نظر

انا اللي بأشكرك يا محمود علي تفتحك و عقليتك المحترمة ..

بنت العرب ..

الف شكر علي مشاركتك ..

موضوع: شكرا السبت يوليو 02, 2011 8:07 pm

الف شكر الف شكر يا استاذ امير على المقال
lol!

اشكرك جدااا علي متابعتك ..

» عمرو خالد فى ومضان
» الحقونا ياخونا عمرو خالد فى خطر
» الفرق بين منى الشاذلى و خالد الغندور ..
» منى الشاذلى : مفيش بانجو بقضية خالد.
» ماذا يقولون علي مني الشاذلي في موقع عمرو خالد ... ؟؟؟