عايز تعرف حقيقه اعتصام مدرسى الاسكندريه

السلام عليكم ورحمه الله وبركاته

الحكايه باختصار شديد ان هناك مدرسين تم تعينهم من قبل المحافظه وليس وزارة التربيه والتعليم ( تعيين او عقود محلس الامناء) وليسوا تبع اى مدارس خاصه بل فى المدارس الحكوميه التابعه لوزارة التربية والتعليم ولكن بالتعيين من قبل المحافظه

ادى فكرة مجلس الامناء للتوضيح

تانى نقطه : نتكلم عن الاعتصام بقا

بصفتى كنت موجود وشاهد على كل الاحداث منذ البدايه والكلام بالادله واللى عاوزاها اوكى وانا تحت امركم وعلى اتم الاستعداد للظهور بها فى البرنامج

نشوف الكلام اللى حصل من يوم الاتنين 4/7
اللى حصل ان المحافظ وعد المدرسين بتحرير عقود لهم بعد التنسيق مع وزارة التربيه والتعليم وان الكل كون موجود فى المحافظه فى 2/7

الجديد ان تم تسريح الكل والغاء كافه العقود وبالتالى الكل بقا فى الشارع طيب نروح للمحافظ نشوف الكلام ده ايه وبالفعل راح 27 مدرس ومدرسه يوم الاتنين الماضى من الساعه 10 ص لمقابلة المحافظ طيب المحافظ مش موجود فى المبنى المؤقت طيب نقابل النائب اوكى واخدنا ميعاد على اننا نكون اخر الناس وبعد كل الجمهور ما يمشى علشان نتكلم براحتنا
وفضلنا لحد الساعه 2 الظهر ودخلنا بالفعل بعد ما قال النائب ان اللى يدخل 3 افراد بس
وبالفعل دخل سيدتين ورجل منهم سيده تحمل طفل عمره تقريبا سنه واحده والطفل ده ربنا يكون فى عونه بعد ما سمع الطلقه الناريه والسيده الاخرى اصيبت باغماء والمدرس الثالث كان فاتح كاميرا الموبايل علشان يسجل القرار اللى هيصدره النائب وبالفعل تم التسجيل


نشوف الاغرب معانا تسجيل للنائب وهو يشتم المدرسين فى بدايه الكلام وشتيمه تانيه لوزير التربيه والتعليم وكله بالمستندات

تانى فيديو : كان للطلقه النارريه

مجموعه صور نادره لموظفى المحافظه وكل واحد منهم شايل المستندات والاوارق والكل خارج بيها بعكس كل ما قيل بانه تم التعدى والاعتدااء على الموظفى وسرقه الاوراق وحرقها


طيب الحل ايه ؟؟؟؟؟ فى اتنين من المدرسين راحوا القسم علشان نعمل محضر بالكلام ده
خرج الظابط وقال لا مفيش عمل محاضر ولكن تم رفع الفيديو على الانترنت علشان الكل يعرف بالمهزله
والاتنين انتهى

================================================================================
يوم الثلاثاء 7/5
فصل جديد من المهزلة

نفس الاتنين الممدرسين راحوا القسم تانى وللمرة التانيه تم رفض عمل المحضر صباحا

* تم عمل المحضر ظهرا ولكن المرة دى بعد ما النائب عمل المحضر وقال التمثيلة المفبركه وبالتالى اصبح محضرنا كيدى لمحضر المحافظ

*نشوف بقا جرايد ومحطات كتير اوى شافوا الفيديو والكل جاى يسجل

* ملاحظه غريبة اوى اوى اوى ( جميع الموظفين فى المحافظه الكل بجى الصبح ويشوف المبنى فاضى بس يشوف الناس واقفه الكل يمشى ويقول مش شغال النهارده )

طيب انتهى الثلاثاء
================================================================================

يوم الاربعاء 7/6

يوم المهزله العالمى

استدعاء من النيبابه اوكى نفس الاتنين المدرسين راحوا نيابه محرم بك وفى الدور الثامن علوى بدايه من الساعه 12 ض : 4.25 عصرا

قرار النيابة واللى عاوز يشوفه اوكى
1- اخلاء سبيل فلان وفلان من سراى النيابه
2- دمج السى دى والتى تحمل كافه الصور والمستندات والفيديوهات باكملها ( م ح )
3-عمل المباحث عمل التحريات اللازمه للتاكد من خلو المبنى من ااعتصام
4- عمل التحريات اللازمه لبيان مدى حقيقه منع موظفى المحافظه من العمل من قبل المعتصمين

والقرار موجود

يجى فى الاخر ويطلع النائب فى البرنامج ويكدب على الناس كلها ويقول عكس الكلام

نجى بقا للاسئله :
--------------------------
1- والمحافظ اللى مكانش موجود ويكدب ويقول حصل وحصل طيب ازاى وانت مش موجود؟؟؟؟؟؟؟؟؟؟؟؟


2- هناك وحده جيش مكونه من عدد 2 ضباط 10 عساكر وعدد 2 دبابه امام البوابه والتى تبعد مسافه 3 متر عن المكتب يعنى الجيش مثلا مكانش عارف يتدخل ولا كمان المدرسين منعوا الجيش ؟


3- حمل ترخيص للسلاح المستخدم من عدمه ؟؟


4- لماذا تم التسجيل مع المدرسين لاكتر من 40 دققه وتم عرض 3 دقائق فقط ؟


5- لماذا رفضت المعده فى يوم الاربعاء دخولنا ومناظره المحافظ ونائبه الاحمق على الهواء ؟؟؟؟؟؟؟؟؟؟

6- ما مصير 3557 مدرس فى الاسكندريه الان بعد ان اصبحوا فى الشارع ؟؟؟؟؟؟؟؟


برجاء المتابعه والرد لاهميه الموضوع