مطالب الثورة

موضوع: مطالب الثورة السبت يوليو 09, 2011 4:52 pm

المطلب الرئيسي دلوقتى في ميدان التحرير هو :محاكمة رموز النظام السابق
لكن عاوزين نسأل نفسنا هل هو ده المطلب الوحيد اللي احنا عاوزينه ولا فيه مطالب تانية؟
طيب لو فيه مطالب تانية إيه هي المطالب دى؟ واللي من غيرها الشعب مش هايسيب الميدان؟
لازم نحدد مطالبنا ونحصرها ونصر عليها عشان نحس بالتغيير اللي مازلنا مش حاسسين بيه
ياريت كل واحد يقول المطلب اللي نفسه يتحقق وفي الآخر نحصر مطالبنا ونقدر نحددها

موضوع: رد: مطالب الثورة السبت يوليو 09, 2011 5:13 pm

أنا بالنسبة لى مش المهم محاكمة رموز النظام السابق يا دكتوره ، لأ أنا يهمنى إنك

تكفل لى محاكمة عادلة لى ولهم ، لكن الحادث أنك كفلت لهم الحماية لا المحاكمة

العادلة وقمت بالجور على حقى فى المحاكمة العادلة ، فمن الممكن ان يحاكم رموز

النظام السابق وبسبب عدم الجدية فى وضع أدلة الإدانة يتم الإفراج عنهم كما حدث

وفى هذا محاكمة غير عادلة ، أليس كذلك ؟؟؟

وفى مقدمة هذة المحاكمات وقبل كل شىء محاكمة الكلاب قتلة الشهـــداء ، تتم محاكمتهم

فى ظل العدالة العمياء لا العدالة العوراء ، وتكفل لى كل حقوق المحاكمة العادلة وجميعنا

يعلمها وبعدها ياتى الحكم كما يأتى ، لكن أن تكون المحاكمة غير عادلة فلن يكون الحكم

عنوان الحقيقة بحال من الأحوال ، ولذا نحن نوضح نحن لانعترض على أحكام القضاء

نحن نعترض على أحوال القضاء ، والتى بالتبعية تنشىء الأحكام الباطلة

المطلب الثانى وهو إما أن يعلن د / عصام شرف ما يعيقه عن تلبيه مطالب الشعب ومن

يقف حائلاً بيننا وبينه ، وأنا أعلم (وهذة معلومة) أنه تقدم بإستقالته 6 مرات ورفضت

أو أن يلبى طلباتنا ويغير الوزراء الفاسدين والمحبطين والمتلكئين والغير أكفاء أو أن

يتقدم بإستقالته إعلامياً وحين إذ تكون الأخيرة ويريحنا ويريح نفسه ونحن سنعلم وقتها

كيف نأتى برئيس وزراء أخر على هوانا ومزاجنا ويلبى طلباتنا أو يتنحى هو الأخر

وسنظل هكذا إلى أن تمر هذة الفترة الإنتقالية ونأتى (الشعب) بسلطة منتخبة ووقتها

نستطيع أن نحاسبها ونطلب منها كما نشاء ودون ان نخرج إلى الميادين ونطلب وكأننا

نتســـــول ممن يملكون أمر حكم البلاد وهى بـــــــــــــلادنا وهى ثورتنا وهو حقنا

أشكرك على طرح هذا الموضوع يا دكتوره ، أطيب المنى ،،،

موضوع: رد: مطالب الثورة السبت يوليو 09, 2011 5:19 pm

انا مطلبي الاول والاخير هو التحقيق في موضوع تصدير الغاز لسرائيل ده موضوع مهم جدااااا لان كده الشعب الفلسطيني واخذ عنا كمصريين فكرة سيئة!!!

موضوع: رد: مطالب الثورة السبت يوليو 09, 2011 6:43 pm

الدستور اولا ..

موضوع: رد: مطالب الثورة السبت يوليو 09, 2011 7:01 pm

تطهير القضاء

اعادة هيكلة الشرطة

محاكمة الفاسدين محاكمة عادلة

أهم حاجة تفعيل القانون وتفعيل دور الشرطة اللي مازال غامض ومش مفهوم
- المحاكمات تكون علنية وإلغاء قانون منع التصوير داخل المحاكمات
- العدالة علي الجميع دون تفرقة
- النهوض بالصحة والتعليم والاهتمام خصوصا بالمرضي الفقراء وصدور قرار من قبل وزير الصحة بتوفير جميع الاحتياجات للمرضي في المستشفيات الحكومية
- رفع مستوى المعيشة ووضح حد أدنى للأجور
- استقالة الوزراء الغير أكفاء في مناصبهم
يجب أن تكون جميع المطالب في وقت واحد لأن مصر سوف لا تحتمل كثرة المظاهرات أكثر من ذلك
وأشكر جميع من علقوا قبلي

.... المحاكمه العادله
.... القصاص
....الدستور أولا
.... تطهير المنشأت الحكوميه من الفاسدين
....أن يعيش المصرى حياه كريمه
....تطهير الاعلام والصحافه من أزيال مبارك وصحبته
....تطهير القضاء
....أعاده هيكله جهاز الشرطه
.... الاعتماد على الكوادر الشابه فى شتى المجالات بجانب أيضا وجود الخبرات
....ألايسيطر فصيل واحد على الحياه السياسه فى مصر
....أن تكون مصر دوله مدنيه

موضوع: رد: مطالب الثورة الأحد يوليو 10, 2011 9:50 am

بعد بيان دكتور شرف مازال السؤال اللي طرحته الإعلامية مني الشاذلي يطرح نفسه: ليه بنستنى مليونيات تتقال فيها المطالب ونتباطأ لحد ما سقف المطالب يعلي وبعدين نطلع بيان
يعنى الدكتور شرف بيقول أصدرت أوامر لوزير الداخلية برجوع الأمن للشارع بشكل طبيعي طيب الأوامر دى ماصدرتش من شهور ليه؟ علي أساس ان الشعب المصري متعود علي المعاناة يعنى ولا إيه؟ وهكذا في كل البيانات اللي أصدرها ليه مصدرتش من شهور ولا لازم كل مطلب نعمل له مليونية
في شئ غامض ومش مفهوم لحد دلوقتى

موضوع: رد: مطالب الثورة الأحد يوليو 10, 2011 9:09 pm

الغاء المحاكمات العسكريه للمدنيين او توحيد المحاكمات بمعنى انه مينفعش يتحاكم العادلى وغيره من رمزو النظام السابق محاكمه مدنيه والثوار محاكمه عسكريه
علنية المحاكمات وجعلها فى محاكم ثوريه
القصاص العادل للشهداء
مبارك يتسجن زى اى مجرم فى السجون وعدم استخدام حجة المرض لاننا نعرف ان فى عهده كان يسجن من هم اشد مرضا فى السجون العاديه مش فى مستشفى
الغاء الامن القومى لان اللى اتغير فيه مجرد الاسم
تطهير جهاز الشرطه وفصل الفاسديين فيه
تطهير الاعلام من المنافقين
ازالة رمزو النظام السابق الباقيين فى امكانهم
تطهير القضاء

ان نفسي ان عدوي الثوار تنتقل الي جميع المصريين ..
نفس نغير سلوكنا ومانقولشي ماليش دعوة و انا مالي
لانة دة مالنا ومال عيالنا وسمعة بلدنا و..

الأخت الدكتورة نوسة كل الأخوة المشاركين مع كامل حبي و تقديري فأنا أرى أنه لم يتحقق شيء من هذه المطالب في ظل وجود نفس النظام

المطلب الرئيسي الذي يجب تحقيقه و التي قامت من أجله الثورة تغيير النظام لا ننسى هتاف الثورة الرئيسي

( الشعب يريد تغيير النظام)

فهل تحقق للشعب تغيير النظام؟ إذا لم يتحقق تغيير النظام فلم يتحقق أي مطلب.
تحياتي

» مصر... بعد الثورة
» الثورة المصرية.. إلى أين ؟
» أول لقاء قمة بعد الثورة ...
» اضحك مع الثورة
» الثورة المطلوبة