جمعه الحسم

موضوع: جمعه الحسم الجمعة يوليو 22, 2011 4:16 pm

فيديو حازم صلاح أبو أسماعيل المرشح لرئاسه الجمهوريه متحدثا عن جمعه الحسم 7/29

ودى ميدان التحرير بعد صلاه الجمعه

ياريت نقارن بين كلام أبو أسماعيل وهتفات التحرير ونركز فيها كويس وأحنا هنفهم

موضوع: رد: جمعه الحسم السبت يوليو 23, 2011 3:04 am

ممنوع الاساءة لصاحب الموضوع بعيدا عن انتقاد المضمون نفسه
..

موضوع: رد: جمعه الحسم السبت يوليو 23, 2011 9:19 pm

في الحقيقة صرت على يقين أنه لو أتى نبي مرسل ومع براهين ومعجزات إلى التحرير فلن يرضوا به ولن يقتنعوا به ذلك لأنهم بالفعل لا يؤمنون بالديمقراطية وهذا من وجهة نظري

وكي لا يفهمني البعض على وجه الخطأ فأقول إن أكثر من كنا نشكو منه في الماضي القريب وفي النظام البائد لا أعاده الله هو كبت الحرية السياسية للمواطن وعدم السماح بها وبالتالي تزوير الانتخابات والتي كانت تأتي بمن لا نريد

وكل ما نسعى إليه الآن هو المرور الآمن من الفترة الانتقالية إلى نظام آمن ديمقراطي بحق يعبر عن إرادة الشعب أو قل أغلبية الشعب مهما كانت كلمتها

ولست أدري ماذا يريد هؤلاء فهم لا يريدون الاستقرار أبدا فكل مرحلة نبدأ نشعر فيها أننا تسعى للاستقرار يخرجون علينا بالجديد الذي يكدر علينا ويقود البلاد إلى دركات أسوأ فبدلا من السعي لبناء البلاد نهدم كل شئ وليتهم يقدمون لنا البناء البديل بل يهدمون فقط وفقط يهدمون

نعم هناك تأخير في المحاكمة .. نعم هناك ذيول للنظام السابق .. ولكن هل هذا فقط هو المشهد السياسي؟

اتقوا الله في بلادكم فلم يعد لدينا ظهر نحتمي به سوى الجيش بعد الله سبحانه وتعالى وليس الشعب كله ملائكة فهناك داخل التحرير وخارجه بل والبعض القليل داخل المساجد والكنائس شياطين لا تريد الخير لهذا البلد ولا تسعى إلا للفساد ولا يمكن أن يترك الأمر لهؤلاء لإفساد الحياة علينا

اللهم ارحمنا برحمتك وأنت حسبنا ونعم الوكيل

معتش حد فاهم حاجه خالص !!

احيائى

احنا كلنا بنفتقد شىء خطير وهو اننا بننظر للموضوع من خلال واحد سنتيمتر , يعنى كل واحد بيفكر فى حاجته هو بس او فى طلبه هو بس , فيه كمية انانية وجهل بخطورة الامور , انا اتمنى ننظر للموضوع بنظرة شمولية , ننظر من بعيد على كل حاجة , وللتوضيح اكتر لو قدامك صورة , غلط جدا تختار مربع صغير فيها وتركز فيه ولكن لازم ترجع لورا وتشوف بدقة الصورة كلها فيها ايه , مثلا بقى لنا 6 شهور بنتكلم فى السياسة فقط , والمصيبة الكل بقى خبير سياسى , والكل بيتكلم وبيقترح والكل بالتأكيد بيعك فى الكلام لأن السياسة دى شىء خطير وعلم له اصول , يعنى زى ما فيه حاجة اسمها كلية الطب وممنوع حد يكشف عليك او يعمل لك عملية جراحية او على الاقل يحدد لك علاج فيه حاجة اسمها كلية اقتصاد وعلوم سياسة , ولاحظوا كلمة علوم واكررها علو مش حتى علم واحد ولكن علوم يعنى مجموعة من المناهج الكبيرة جدا الخطيرة جدا وخلاصة تجارب وحركات وثورات وانتصارات واهزائم وبلاد عمرت وبلاد خربت , وبلاد عظمى بنت نفسها من الصفر , وبلاد عظمى تعاون شعوبها على تخريبها وخربها وقعدوا على تلها , ونرجع للأسم كلية الاقتصاد والعلوم السياسية , ولاحظوا كلمة الاقتصاد الاول وبلا اقتصاد حا تبقى العلوم السياسية عربية من غير بنزين , تخيل ان واحد اداك اغلى عربية فى السوق ( هامر مثلا تمنها 6 مليون جنيه ) وتخيل ان الهامر دى مثلا بتشتغل ببنزين سوبر 99 مش موجود فى مصر , وحط العربية قدامك واتحسر عليها لأنها مش حاتمشى يعنى تحطها فى الجراج بركة او فسوخة , كلنا بنتكلم فى السياسة وماحدش اتكلم فى الاقتصاد اللى بينحدر بدرجة , زى عربية مافيهاش فرامل ونازلة من فوق منحدر يعنى كل ثانية سرعتها بتزيد وكل ثانية حيكون صعب توقف انحدارها ولا حد هنا , الكل عمال يحاول يهبش من التورتة , الاول كان تيارات كل تيار عايز يهبش حتة من التورتة , والفوضى وعدم الانتباه للخطورة خلى التيارات مش مقتنعة بحتة من التورتة ولكن عايزين التورتة كلها , لأنها بقت حاجة سايبة مالهاش اصحاب , كانها بلد فاضية مش بتاعة حد , وبالفعل البلد بقت فاضية , كان سكانها خرجوا كلهم يتخانقوا مش عارف على ايه وسابوها نهبا لكل من تسول نفسه يعمل فيها اللى نفسه يعمله , واسلحة الميكروفونات اصبحت بتطلع كلام , ناس بتقول كلام غلط مفيش اى عقل يوافق عليه , بيستغلوا الناس اللى مش بتفكر , ماحدش بيقول يالا نتكاتف عشان نلحق ننقذ البلد اللى لو خربت حاتيجى فوق دماغنا كلنا ودماغ اولادنا واحفادنا , انتبهوا يامصريين اولادكم ممكن يعيشوا اذلاء طول عمرهم بدل ما قامت الثورة عشان يعيشوا كرماء , وتسمع تخوين واتهامات ومالهاش اساس من الصحة وحتى لو ليها اساس ماتستاهلش نضيع الوطن عشان تفاهات
ولكى الله يامصر

أستاذ حسن _أستاذه زينب_أستاذ عادل _المواطن الصالح أشكركم جميعا

» جمعه الانذار 8 ابرايل