مَـوكِـــب نـــــــــــــــــــــور ... ( للطبيب الشاعر / د. محمد رزق ) ..

مَـوكِــــب نـــــــــــــــور ...
***
من كلمات
**
الطبيب الشاعر / د. محمد رزق
*
*
*

عَـلـَى عَـتـَبـِة جـِدار الـشـَّمس ،
طـَـلِّ الأمس ، قابـِلـنى ..!
وحَـجـِّز عـَنـِّى شُــوف بُـكـرَة ،
وقاللـِّى اسـتـَنـَّى فِ الأوِّل : هَـنِـتحاسِـب ،
نـشوف مين اللى لِـيه الحَـق ،
يـِرجَـعـلـُه ، ونِـتعـاتِـب ...
عَلى كـُلَّ اللى كان حاصِل ،
ونِـتواصِل ؛
ونِـفهـَم أصل حَـدُّوتِـة وِلاد آدم ،
وإيه عايـزيـن ...؟!
ومين فـيهُـم بـِيـِفـتـَح قـَلـبُـه لِـلمَكـتوب ؟،
ومين غالِـب ؟ ؛ ومين مَغـلـوب ؟،
ومين نِـقـدَر نِـطـَبطـَبلـُه ؟،
ومين نِـدِّيلـُه بـِالـمَركوب ؟!،
ومين راكِـب حُصان أبيَـض ؟،
ومين راكِـب حُـمار مَقـلـوب ..؟!
ومين قاصِـد يعـيـب فـيهُـم ؟،
ومين بـِيصَـلـَّح الـمَعـيـوب ..؟؛
ومين داخِـل ؟، ومين خارِج ؟،
ومين بـِيخـَطـَّط الـمَلعـوب ؟،
ومين قافِـل ؟، ومين قاتِـل ؟،
ومين حاسِـب ؟، وإيه مَحسوب ؟!
ومين عايـِش ومِطـَّـمِّـن ؟،
ومين خايـِف ؟؛ ومين مَرعـوب ..؟!
سِـمِعـت كلامُه بَـصِّيـتـلـُه ؛
وقـُلـت ازَّاى تحاسِـبـنى ،
عَـلى أفعال وِلاد آدم ؟!
أنا واحِـد وهُـمَّ كـتير ،
وِوِسـطـيهُـم ...
ألـوف بـِتـنادِى بـِالـتـَّحـرير ؛
وناس بـِتـنادِى بـِالـتـَّعـمـير ؛
وناس تانـيـين بـِتـِتلـَوِّن ،
وناس بـِتنادِى بـِالـتـَّغـيـير ،
وناس ماشيين مَعَ الـموجَة ،
وناس مَشـغـولـَة بـِالـتـَّفـسـير ،
وناس بـِتعُـك فى الهوجَة ،
وناس بـِيخونهُـم الـتـَّعـبـير ،
وناس تِخلِـص لِـبَـعـضِيها ،
وناس يـِلـزَمهُـم الـتـَّطهـير ،
وشئ واجـِع وشئ مَوجوع ،
وناس تاكـُل وناس بـِتجوع ،
وناس مَحرومَة فى الأوِّل وفِ الآخِـر ،
وناس تِـلـبـِس حَرير فاخِـر ،
وناس مِ الـشـَّـرِّ بـِتـقـَرَّب ،
ووَقـت الخير بـِتـِتـَّاخِـر ..!
وانا مِحتار فِ وِسـطِـيهُـم ،
أصَدَّق بَـسِّ مين فِـيهُـم ؟!
واصاحِب مين ؟!
واعِـدِّ الـيوم وَرا الـتـَّانى ، كإنـُّه سـنـين ..؛
واحارِب تـُوهَـة فى الـسِّـكـَّة ،
واقـَلـِّب صَـفحِـة الـتـَّايهـين ،
واطـَهـَّر جَرح قـَلب الـنـُّور ،
وابـيع الحُبِّ لِـلعاشـقـين ،
وِبـِيجولِى ، يـِباركولِى ،
ونِهـمِس كـُلـِّنا يـِمكِـن ؛ عَـشان خايـفـين ...!
وِدان الكـُره تِـسـمَعـنا ، تِـرَجَّـعـنا ؛
نِـفارِق بَـعض مِن تانِى ،
نِعـيـش فى الـبُـعـد مِش حاسِّـين ؛
بـِقِـيـمِة لـَمِّةِ الـعِـيلـَة ، وضـُلـِّيلـَة ،
تِـداوِى الـقـَلـب مِن خـوفـُه ،
ومِن ضـَلـمِة سـنـين جايـين ،
لـَقـيت الأمس بـِيطـَبطـَب عَلى كِـتـفِى ؛
ويـِكشِـفـلـِى ،
شـُعاع مِن بُكـرَة بـِيـحاوِل يـِبان فِ الليل ،
وقاللـِّى اسمَعـنِى لـَو عايـِز تعـيـش يومَك ،
وتِـنسَى الويل ،
وحَطـِّ ف إيـدِى كام وَردَة ، وقاللـِّى ازرَعها فى الأيَّـام ،
وحاوِل بَـسِّ تِـرويـها بـِنور صَبـرَك سـنـين قـُدَّام ،
وحاسِـب تِـنجـِرِح إيـدَك وبَـطـَّل نـوم ؛
وضاعِـف وَقـت أحلامَك ، حَ تِكسَـب يوم ،
وصَحـصَح لـ اللى كان حاصِل وصَلـَّح فـيه ؛
وفـَكـَّر فى اللى كان ناقِـص ، عَـشان تِـبـنيه ،
وماتخـَوِّنـش يـوم صاحبَـك وماتـبـيعـهـوش ،
وحَـرَّر طابـيـِتـَك مِـنـُّه ، وجَهـِّزها ؛ وماتكِـشـُّوش ،
وبـِالـرَّاحَة عليه خالِـص ، وخـَلـِّى اللعب عَ المَكشوف ،
وحاسِـب أىِّ فيـل يـِهجـِم بـِدون ماتشوف ..!
وحاول تِـتـِّقِـى شـَرُّه ، وتِـتعادِل مَعاه فى الـدُّور ،
وساعِـتها تكون مَنصور ،
وقادِر تِـكشِـف الـمَسـتـور ،
وتِـفـتـَح سِـكـِّة العُـودَة لِـضـَىِّ الـشـَّمس مِن تانى
وتـدخـُلها بـِمَوكـِب نـــــــــــــــــــور ..
***
الأربعاء 27 يوليو 2011
*
مع تحيات
الطبيب الشاعر / د. محمد رزق
http://elshaereltabib.blogspot.com/
*

دكتور محمد

انا بشكرك جدا علي مشاركتتنا كلماتك الجميلة

وارجو ان تتابع معنا اطلاق مجلة الموقع حتي تمتعنا باشعارك علي صفحات المجلة

شكرا

جميله جدا
الطبيب الشاعر / د. محمد رزق

رائعه يا دكتور محمد شكرا جدا وأنا مفتخره أن فى منتدنا شاعر كبير زى حضرتك

آيات السيد كتب:: دكتور محمد

انا بشكرك جدا علي مشاركتتنا كلماتك الجميلة

وارجو ان تتابع معنا اطلاق مجلة الموقع حتي تمتعنا باشعارك علي صفحات المجلة

شكرا

إبنتى الغالية ومديرتنا الرقيقة / آيات
أشكر لكِ اهتمامك بكلماتى المتواضعة ومشاركتك الراقية
وقد حاولت الدخول إلى المجلة بإسمى الموجود فى الموقع
( الطبيب الشاعر/ د.محمد رزق )
وكلمة المرور الخاصة بى فى الموقع ، ولم يسمح لى بالمرور
فحاولت التسجيل فى المجلة من جديد
وحين كتبت إسمى المدون فى الموقع والسابق ذكره بعاليه
وضِعَت عليه علامة خطأ ولم يتم قبوله ،
فلم أكمل التسجيل خوفاً من اختلاف إسمى فى الموقع عن إسمى فى المجلة
علماً بأن هذا إسمى المنتشر على النت فى مدونتى الخاصة
وفى جميع المنتديات التى أشارك بها ..
فماذا أفعل ؟
أرجو الرد مع الشرح لكيفية الدخول أو تيسير الدخول إلى المجلة بمعرفتك .
ولكِ جزيل الشكر وخالص المودة والتقدير
وكل عام أنتِ وأسرتك الكريمة وذيعتنا الرقيقة / منى الشاذلى
وأسرة هذا الموقع الشامخ وكل أبناء مصرنا الحبيبة وأمتنا العربية والإسلامية بخير وسعادة ..
الطبيب الشاعر / د. محمد رزق
http://elshaereltabib.blogspot.com/
*

جميلة جدا شكرا لحضرتك
حضرتك دايما بتهرنا بالشعر الجامد دا
بجد شكرا لحضرتك

» حَـــــالِـة سَــــــــــــــــلام ...! ( للطبيب الشاعر / د. محمد رزق ) .
» يـانـَفــس تـــــــــــــــــــــــــوبى ... ( للطبيب الشاعر / د. محمد رزق ) .
» أنــا رَمَـضـــــــان .. للطبيب الشاعر / د. محمد رزق ..
» يــــــــــــوم الكـَـرامَــة ..... ( للطبيب الشاعر / د. محمد رزق ).
» نِحـاسِــــــب مـين ...؟! ( للطبيب الشاعر / د. محمد رزق ) ..