بسم الله الرحمن الرحيم _ إعتراض من واحد بيحب العاشره_ مشكله مطلوب رأى كل الاعضاء فيها

بصوا يا جماعه
بعد رحله السيندريلا الى امريكا ولقائها الناجح مع بوش اتعرضت لحمله هجوم وتشكيك شرسه امتدت لكل شئ بدايه من قناه دريم الى مصداقيه منى الشاذلى نفسها
وانا مقدر مدى حب وغيره اعضاء المنتدى على الاستاذة مني الشاذلي ورغبتهم فى الدفاع عنها
ولكن يا جماعه انا لاحظت ان البعض منا رد الهجوم بهجو اكثر شراسه وبإهانات جامده جدا
انا عارف ان ده رد فعل لحبنا للسندريلا واحساسنا بالديق من اى هجوم ظالم تتعرضله
بس يا جماعه لو احنا عملنا كده وقعدنا نشتم فى منتقدى منى الشاذلى
اولا : احنا هنضر منى نفسها لان الناس هتقول دول عصابه مش معجبين
ثانيا: اى شخص هيتجول فى المنتدى ويكون جديد وقرى الردود القاسيه او الهجوم الجارح ده هيقول لا دول ناس متعصبين بطريقه عمياء
رجع واقول انا مقدر مدى غيره الاعضاء على الاستاذة مني الشاذلي واكن ده تنبيه حتى لا نقع في مذيد من الضرر
_الفرعون
يا جماعه انا مش عاييز حد يزعل خصوصا الاستاذ امير لانه انا قريتله مقال شديد اللهجه كان بيهاجم فيه صحفى مش فاكر اسمه وانا اندهش من حدت المقال بس اوعوا حد يقولوا للأستاذ امير انه المقصود بإعتراضى _

مش تعصب يا فرعون على اد ما هو الناس دى تعبت اوى ولازم حد يقدرهم

أنا مع كلام آية بس فيه ناس بتتكلم عنها بطريقة ملهمش حق فيها

بيبقى واضح أوى إنهم بيدلسوا عليها.فيه ناس كده كلامها بينرفز

فرعون .. اللي انا قلته اقل بكتير من سبهم للاعلاميه مني الشاذلي رمز الفكر الواعي الحر

الجرئ ...

امير

أنا متفق معاك تماما يا استاذ امير بس احنا مش المفروض ننزل لنفس مستواهم لاننا مع منى الشاذلى واللى يشوف منى وهى بتتكلم وبتتحاور هيعرف ان اسسلوبها عمره ما تنزل لموستوى سئ حتى مع اللى بيهاجمواها
انا مدرك اننا صعبان علينا انها تبزل مجهود رهيب وبعد كده تتهاجم الهجوم ده بس دول يعتبروا كام واحد متغاظين ونفكر نفسنا دايما ان فيه الالاف بيتابعوا الرنامج وبيحبوا
قصدى يعنى ان شويه المتعصبين او المهاجمين لمنى مش هيضروها فى حاجه

متفق معكم في الراي ...


امير

لو سنحت الفرصة للأستاذة منى لتكملة الحوار مع بوش كما كان معد له لما تجرأ أحد على نقدها وكانت ستجيب على كل ما هو متوقع وغير متوقع فى هذا اللقاء لأنها الأكثر قدرة وخبرة وجرأة على ادارة فن الحوار وفى العشر دقائق التى سمح لها بالحوار فيها استطاعت وبقدرة فائقة ان توصــــــــــــــــــــــــــل الينا خلاصة حوار قد يجــــريه آخرين فى ساعات فنشكر جهودها ومقدار العناء والجهد الذى تكبدته هى وفريق العمل
من أجل اسعاد المشاهدين .

الله علي يا استاذ سيكا ..جبت المفيد

seaka .. شكرا لك ... هو ده الكلام الصح ...


امير

يا جماعة فعلا معظم الاعضاء ما بيستحملش النقد الموجة لنى الشاذلى
خالص ودة غلط
لازم نكون اهدا من كدة بكتير
ولازم نستخدم العقل شوية فى الردود
وانا معاك يا فرعون فى اللى قولتو

--------------------------------------------- والسلام عليكم

شكرا لكل اللى تجاوبوا مع الموضوع
وانا مقدر مشاعر الاعضاء وحبهم للسندريلا منى الشاذلى
بس يا جماعه دى منى نفسها سعات بمنتهى الادب تطلع مثلا تعتذر عن شئ معين
انا فاكر كان فيه واحد عالم مش فاكر اسمه مات ومدام منى اعتذرت انها متكلمتش عنه وعملت تقرير مخصوص لتأبينه
مع انها كان ممكن تجيب التقرير وخلاص
انما عشان هى انسانه ممتازه وحساسه لا قالت احنا _قصدها على العاشره مساء_ وقعنا فى خطأ مهنى اننا متكلمناش عن الراجل ده عند وفاته
هى دى منى الشاذلى
وبعدين اللى عايز يتكلم يتكلم
اصلا واحد ذى محمد على ابراهيم رئيس التحرير بتاع الجمهوريه لما ينتقدها ده فى راى وسام يضاف ليها
لان اللى زى دول ديول للنظام
وهكذا
شوفوا مين اللى بينتقد منى الشاذلى وهتعرفوا هى اد ايه كبيره
الفرعون