اولا اشكر دكتورة نانسى على شعورها الجميل وده مش غريب عليها يعنى هى كل الذوق والمحبة وكل الصفات الجميلة واللى بيكملها العلم
وثانيا انتى طبعا قلتى اللى بنحسه كلنا , يعنى مدام منى والعاشرة مساء بتمثل لناحتة غالية من مصر بنتلهف عليها كل يوم الساعة عشرة وبنحس انها ناقصانا يوم الخميس والجمعة ونترقيها كل يوم سبت ,
والشعب المصرى شعب عشرى بطبعه يعنى لما بيتعامل مع اى شخص كذا مرة بيحس انه بقى من عائلته القريبة اوى
يعنى انا كواحد من الشعب المصرى بنتظر كل يوم برنامج العاشرة مساء , وقبل البرنامج بساعة او اتنين طبعا بكون بتنقل بين الفضائيات احاول اصطاد اى خبر او يكون فيه اى حدث حاصل بحاول اعرف ايه التطورات لكن بنلاحظ ان المديع بيتكلم عن الحدث وهو فى الاستوديو , بنتظر بلهفة برنامج العاشرة مساء عشان بيجيب التقرير المصور والفيديو بيحكى اكتر كتير من الكلام , والتميز بتاع برنامج منى الشاذلى تحسى ان عندهم الف طقم تصوير فى كل مكان , يعنى نشوف حاجة حصلت فى اسيوط من 3 ساعات بعدها حاجة حصلت فى سيناء , المسافات مش بتعيقهم عن تقديم الصورة والصورة طبعا اهم شىء فى التليفزيون , بالإضافة انك تحسى انها مش محلية بس ولكن شخصية عالمية , يعنى مش بيمر شهر إلا ونلاقيها عاملة حلقة متميزة من خارج مصر بتورينا حاجة جميلة واعجاز احنا ما شفناهوش , او بنشوفه اول مرة ونتعلمه منها ,
طبعا انا من كل قلبى بتمنى لها اجازة سعيدة بعد التعب الكبير اللى بتتعبه عشان تسعدنا , يعنى انا والله كتير بتصعب عليا تعبها ده , يعنى تخيلوا انها بعد ماتقفل الحلقة وتقول لكم تصبحوا على خير انتم بتدخلوا تناموا , لكن هى اكيد بتبتدى بعدها مباشرة تجهز لحلقة بكرا والتجهيز والشرائ وترقب الاحداث , والله بتصعب عليا يعنى بتوح امتى وتنام تستريح امتى وبتلحق تقعد تاكل ولا بتاكل وهى بتشتغل , يعنى المتفرج لازم يقدر الساعة اللى بيتفرج عليها وهو قاعد فى التكييف وبيشرب حاجة ساقعة , الساعة دى بتكلف كام ساعة جهد مضنى
طبع انا آسف للإطالة بس بجد الاستاذة الكبيرة منى الاذلى مايكفيش نتكلم عنها فى كلام يملا كتب كتير
مع اطيب تحياتى لها واقول لها كل سنة وانتى طيبة وصوم مقبول ان شاء الله وعيد قادم سعيد
واشكر دكتورة نانسى وجميع الاعضاء
النوع
موضوع: عاوزين نقول لمدام منى بجد بجد... وحشتينا 
السبت أغسطس 20, 2011 6:10 pm
