اصل العيب فينا احنا !

طبعا كلنا حاسين بحالة حزن وضيق وانا هقول " قرف " من الي بيحصل في مصر الان..الشعب بيضرب فبعضه مش مهم ظابط في مواطن ولا مواطن في ظابط ولا عسكري جيش في متظاهر ولا متظاهر في عسكري جيش..في النهاية احنا كلنا بنقتل فبعض ..الشعب ده مش فلاحين وبسطاء وبس
الشعب ده دكتور وموظف ومعلم وظابط وعسكري جيش وضابط جيش وقاضي ومهندس وطالب وفني وكهرباء وعامل نضافة
مش قادرة اتخيل دور عبادة لسه اساسا مختلفين علي هو ايه المسمي بتاعه ويهدموه ؟..هو انت بتهدم الاول ولا بتحدد ده ايه الاول ؟؟..معقول يعني مش عارفين ان في ناس بتصلي في المكان ده ؟..طيب هما غلط ...قنن لهم الموضوع ...معقول مش عارفين ان هدم دور عبادة لازم بيكون له دقة بالغة واحترام اكبر لقيمته عند الناس ؟
ولو الحكومة غلطت طلعنا في مسيرة ..لازمتوا ايه التوب ..؟؟..ولازم الرصاص ليه يا جيش ؟؟..ومستفيد ايه يا بلطجي ؟؟؟ ..انا بكتب ومخنوقة من ريحة الرصاص الي عند البيت وكان يوم منيل يوم ماسكنا عند المنطقة الشمالية

الي حصل خلاني متلغبطة ومش عارفة مين صح ولا مين غلط
بس مستغربة ؟!!

مين الي عاملها ازمة بين مسلمين ومسحيين ؟؟؟..اصلا فين المسلمين من الموضوع ؟؟..ليه لهجة التعريض واسمحولي اسميها " خبث " يعني عشان المحافظ مسلم ؟؟..انا اساسا ماعرفش ملته ايه طيب ولا اعرف ملة الي نفذوا قرار الهدم ايه ؟...بس ايه علاقة المسلمين بالموضوع وليه اتحول لازمة دينية بين طائفتين ؟؟
حد يقدر يجاوب علي السؤال ده ؟؟
ولو في مسلمين عملوا كده ..دي تبقي مصيبة ؟!!...يعني احنا البعض منا لا عارف حلال وحرام صح ولا عارف حتي سنة واتباع الرسول ؟؟
هو مش الرسول تعهد مع مسحيين نجران ضد استبداد يوسف نواس لهم وعمل معاهم معاهدة نصت علي عدم هدم كنائسهم ولا تنتقص مع حايز كنائسهم ولا يمنعوا من شرائعهم ووووو الخ

طيب ازاي احنا دلوقتي بنهدم كنيسة عيني عينك ؟؟؟...ده طبعا علي اعتبار ان المسلمين ليهم علاقة بالموضوع ؟؟

وليه مافيش محاسبة ولا قانون وليه الي بيغلط مش بيتحاسب ؟؟...ليه مافيش عقاب لمشعلي اي فتنة ؟؟..الحج ابو انس ده الي طلع قال مانبقاش رجالة الا لو هدينا كنايس مصر...سؤال الراجل ده اتحبس ؟؟..اتحقق معاه ؟؟..لما ده يتساب تفتكروا في يوم زي ده واحداث زي دي هيكون دوره ايه الراجل ده وسطنا ؟؟؟
وغيره وغيره من المسحيين والمسلمين الاتنين فيهم مئات من ابو انس واسوا منه كمان

الجيش بيعمل ايه ؟؟..الحكومة الفاشلة دي بتعمل ايه ؟؟..المشير سايب وزير الداخلية ده ليه ؟؟..ده وزير داخلية عايز اعادة تاهيل كضابط شرطة علي الاكثر يعني !!..لانه مايجبش اكتر من كده
ليه ناس تموت من كل الاطراف ...كنيسة اتهدت بس ممكن تتبني ..بس الي بيموت مش بيرجع

وليه سياسة الانتقام والناس الي عمالة تقارن بين ازمات حصلت لمسلمين وازمات لمسحيين ؟؟..عشان ايه يعني عشان خاطر وعيون مين ؟؟؟...السؤال ده للاخ الي اتصل في احدي برامج التوك شو وقال : عشان انتم مش مهتمين بالاقباط واحتجاجاتهم ؟؟..ياسلام ؟؟..خدت الاهتمام يا استاذنا خلاص ؟؟...خده ارتوي بيه..اشبع بدماء الي ماتوا متظاهرين علي جيش...اشبع بالاهتمام اشبع بيه

فعلا العيب فينا يامصر والله العيب ماهو فيكي

العيب فينا كلنا والله

احنا السبب

كلنا ..اناوانت وانتي وهم وكله

كلنا السبب ماحدش مايحملش نفسه المسؤولية...كلنا كده السبب ...جيش علي حكومة علي شعب مسلمين ومسيحيين بقي ماعدتش تفرق

انا بجد

قرفااااااااااااااااااااااااااااااااااااااااااااااانة

اااااه ااااااااه اااااااااه اااااااااه مستنياها تمطر ..............!!

انا مبأتش اصلاً فاهمة حاجة مين بيضرب في مين ومين قتل مين ومين مات انا حسة اننا في العراق
لالاا الحال وحش اوي والمهم بأه ان الوضاع بتنقلب في ثواني
انا مش رايحة المدرسة !!طيب لييية {ممكن في ثانية تلاقي المظهرات قلبت عندكم والاوضاع تسوء
امممممم يعني خلافات طائفية وميتين ومصبين وكمان مفيش مدارس
وههههههه ضرب نار عندنا ولا كأننا في حرب {عااااااااااااااااااااااادي اتعوت مش خايفة
تؤ والمهم ان احنا عااادي والله كمسلمين ومسيحين اصلاً مفيش في قموسنا الكلمة دية انا عندي احسااااس
كبير اوي ان نص الي بقولوا عليهم اقباط وهم مش اقباط وانا متأكدة 100% بلطجية انحشروووووووو والي بيضررب او بيصاب في الاخر المسيحين بجد !!!

لأ بأه يبأه اكيييد اكيييد في حاجة غلط.......{يا فرحتك يا_________ خخخخخخخخخ مش قدرة اقولها

اهم حاجة خلي بالك من نفسك يا ايات والكل يا جماااعة بلاش ثورااان علي فاضي ^_^

أنا بقي حزينة كل الحزن والأسي والألم ع اللي بيحصل ولازم نجيب الشكلة من جذورها هو إيه اللي خلي المسيحيين يطلعوا مش هو هدم كنيسة ومش أول كنيسة لأ اتهدت قبل كدة صول واتحرقت كنيسة امبابة بالكامل ومفيش حد لحد الآن أخد عقاب والشيخ أنس اللي بتقولي عليه يا آيات حر طليق مع إن تحريضه كان واضح وصريح يعني لو كان القانون اتفعل مكانش حد هايطلع ولا يثور ولا كان هايحصل اللي حصل
عارفين صدقوني لما حصل اللي حصل ده وكنت مخنوقة وعمالة اعيط وعاوزة اتكلم مع حد قريب مني قمت كلمت واحدة صاحبتي مسلمة وقعدت أفضفض واتكلم معاها يعني احنا أصلا مفيش بيننا مشكلة لكن المشكلة في المسئولين اللي بيتهاونوا لحد ما البلد ممكن تضيع لأن المتعصبين من الطرفين قلة أما الباقي ناس متعقلة محترمة
جت اللحظة اللي لازم نحط إيدينا في إيدين بعض ونرفض العنف والإرهاب ونرفض برضه الكذب والتدليس زي ما جاب التليفزيون المصري ان مفيش شهداء أقباط و مجابش صورة المدرعات وهي تدهس المتظاهرين الأقباط لازم نقف كلنا علي قلب رجل واحد وننقذ مصر قبل ما تضيع مننا

لما شاهدت التلفاز وبرامج التوك شو حبيت أخرج أشم شوية هواء نظيف
رحت لاصحابي لقيتهم كلهم الهم راكبهم
محدش راضي على اللي بيحصل والكل قرفان
سهرت حتى مطلع الفجر ورجعت لأتابع الأخبار مره ثانية
ولسان حالي يقول
مش هيه دي بلدي
مش هما دول ناسي
مش دي أخلاقنا
سامحونا
أيها الشهداء لقد ضاعت دماؤهم على الأسفلت
شكرا للأميرة آيات

تم حذف هذا التعليق

ممنوع نشر اي مقالات او مواضيع بيها احاديث لا تمتلك الدلائل في هذا الوقت الحرج

___________________

أكثر ما أصابنى بالغمة ليس فقط احداث ماسبيروا ... بل طريقة عصام شرف و هو يلقى خطابه امام الشعب .. ايه البرود ده ايه المياعه دى ... حقيقتا ادائه فى قرائة الخطاب تدل على ضعف الشخصيه و اهتزازها و عدم استقرارها .... ياريت تستقيل يا سيد عصام و اللى معاك لان حكومتك ضعيفه لا تستطيع العمل بالقانون حكومتك تعمل بواسطة الضغط الشعبى وده شى مخزى و مقرف جدا أسوء شى فى الدنيا الرجل الضعيف الذى لا يقوى على ابسط الامور و انت منهم يا عصام بيه ....

مطلوب رئيس قوى يستطيع تحمل المسؤوليه كامله يستطيع تطبيق القانون على الجميع بكافة مستوياتهم ..
لا مكان للضعفاء المنكسرين ...

لو اتيحت لى الفرصه سأعدم كل من تسبب فى هذه الفتنه مهما كان موقعه مسلم مسيحى رجل دين رجل بار المهم البلد تنظف و تستقر و انهى كافة المظاهر الدينيه بكل اشكالها ...

اخيرا اقول للشعب المصرى بكافة اطيافه افيقوا من الغفله ...
حفظ الله مصر من كل شر ورد كيد المعتدين فى نحورهم

قرفان

وغضبان

ومتضايق

ومخنوق

ويائس

وفقدت الأمل

و .......

نعم جميعنا يضيق صدره ، ولكن لابد من التفكير بعمق ولو قليلاً ، هل يستطيع أحدكم القراءة ؟؟؟

أقصد قراءة ما بين السطور ، راجعوا هذا السيناريو بعناية من أولى أحداثه وحتى اليوم :

أوضحت وثائق ويكيليكس فى إحدى منشوراتها على موقعها أن الجيش يرفض التوريث وكان هذا

قبل قيام الثورة بأقل من عام

منذ حوالى الشهر نشرت وثيقة أخرى تقول بأن صفقة ما بين قيادات الجيش ومبارك كانت نتيجتها

أن قبل الجيش (قيادات الجيش أى المجلس العسكرى) بتوريث السلطة لجمال

كتب أحد الصحفيين الكبار ــ لا أتذكر من هو ــ جملة عن وثائق ويكيليكس أعجبتنى ، يقول :

وثائق ويكيليكس كالإسرائيليات لا نستطيع أن نصدقها أو نكذبها !!!

قامت الثورة ولم يضرب الجيش المتظاهرين ، لكنه لم يكن محايداً على الإطلاق كانت بياناته فى

واد وأفعاله فى واد أخر ، ولمن يريد أن يعترض على وجهه نظرى هذة أقول له راجع سيناريو

موقعه الجمل مرة أخرى يا صديقى من خلال المواد المنشورة على اليوتيوب أما إن كنت قد عشت

هذة المعركة فلا تحتاج إلى مطالعتها

فى لحظة معينة كاد الوضع أن ينفجر وأحاط المتظاهرين بالقصر الجمهورى وتصاعد الوضع فى البلد

فى ظروف غامضة ــ إلى الآن برغم الروايات المتعددة والمتناقضة ــ أُعلن بيان التنحى وتفويض إدارة

شئون البلاد للقوات المسلحة ، وهنا نقف لحظة ، ليس من صلاحيات الرئيس شخصياً أو نائبه تفويض

سلطاته إلا إلى شخصين إثنين ، هما رئيس مجلس الشعب أو رئيس المحكمة الدستورية العليا

نظراً لما للجيش من رصيد تاريخى فى قلوب المصريين إبتهج المصريين ــ وكنت منهم ــ بتولى الجيش

قيادة البلد فى هذة المرحلة الإنتقالية لأنه العمود الأخير فى البيت كما يقولون ولأنه أثبت حسن نواياه

بحل مجلس الشعب والشورى وأعلن من خلال كلام قياداته المعسول بأنه لا يريد السلطة وسيتركها

بعد 6 أشهر

بعد هذا الوقت كانت له شطحات لم تكن تتوافق ومسار الثورة ولكننا كنا نظنها عدم خبرة وحينما كان

يخرج البعض مندداً بها كان يلقى الويلات ــ وأنا كنت ممن يصبون جام غضبهم على هؤلاء ــ

تسارعت وتزايدت شطحات المجلس شيئاً فشيئاً وبدأ فى زرع الفتنة بين فئات الشعب لنعيش معركة

الدستور اولاً شهوراً قبل أن نستفيق على أن مسار الثورة قد إنحرف

يظل الإخوان والإسلاميين تابعين ومؤيدين للمجلس العسكرى

يظل الإنفلات الأمنى كما هو برغم أننا جميعاً ندرك أن الجيش قادر على تأمين البلد فى أقل من 3 ساعات

ملحوظة صغيرة : نشرت الصحف الإسرائيلية تحقيقات عدة عقب إنتشار قوات الجيش فى شتى ربوع القاهرة

مساء جمعة 28 عن سرعة إنتشار وتنظيم الجيش فى الإنتشار فى البلد برغم أنها مؤسسة ليست بذات إختصاص

وأذكر جيداً تلك الضجة التى أعقبت هذا عن أن الجيش المصرى مش نايم وحافظ البلد شبر شبر ، الشاهد من هذا

أنه لديه القدرة على تأمين البلد شبر شبر ، وبالنسبة لتعجب الإسرائليين من سرعة وتنظيم إنتشاره فهم لا يعرفون

جيداً أن الجيش له خبرة كبيرة فى هذا نتيجة مشاركته فى الحياة السياسية عبر اللجوء إليه للتدخل كما حدث مرات

من قبل فى السبعينيات وعقب إغتيال السادات ومن قبل فى ثورة 52 ، الشاهد كما ذكرت أن لديه القدرة ولكن ليست

لديه الإرادة والرغبة كى يفعل !!!

تتزايد المحاكمات العسكرية والإنفلات الأمنى والفتن الطائفية والإعتصامات والمليونيات التى تطالب بتحقيق مطالب الثورة

إلى أن وصل الحال بنا إلى الآن بعد شهادة المشير لصالح مبارك برغم تصريحاته من قبل على الهواء أنهم رفضوا ضرب

الشعب !!! ، فإما أنه صادق ولم يتلقوا أمر بضرب الشعب وهنا يكون الجيش قد سرق الثورة ، فجميله علينا أنه حينما

جاءت إليه الأوامر بضربنا لم يفعل هكذا قال المشير وقتها وكذلك كل قياداته التى خرجت فى الإعلام وراجعوا أحاديثهم

جيداً ، وهنا يكون الجيش أو بالأحرى المجلس العسكرى قد كذب على الشعب وصنع من نفسه بطلاً ليستولى على السلطة

وإما أن يكون المشير قد شهد بالباطل ويكون هنا متواطىء هو ومجلسه مع مبارك ونظامه بدليل تباطئهم فى كل ما ننادى به

وبدليل أنه ترك لفلول الوطنى الحبل على الغارب محتضناً إياهم ــ ولست أستبعد تنسيقه معهم أيضاً ــ وراعياً رئيسهم

وقيادات الحزب بهزلية محاكماتهم وبعدما شهد المشير مع الرئيس إطمأن قيادات الوطنى وخرجوا ليعلنوا فى مؤتمر

علنى أنهم يرفضون حظرهم سياسياً ، إذن لماذا خرجوا الآن ؟؟؟

لأنهم قد إطمأنوا أن من بيده الأمر والسلطة معهم ولن تتم محاكمتهم وهم فى مأمن فخرجوا إلينا من جديد بكل وقاحه بعدما

كانوا مختبئين لشهور

وما هى مصلحة المجلس العسكرى فى هذا ؟؟؟

كل الدلائل تشير إلى أنه لم يكن صادقاً فى وعوده وغلطتنا إننا سبنا ميدان التحرير كما كتب بلال فضل من حوالى الثلاثه

أشهر وكان يجب ألا تتوقف مليونيات الجمعة كما طالب د/ العوا عقب نجاح الثورة مباشرة ــ وكنت أرفض هذا وقتها ــ

كل الدلائل تشير إلى تورط المجلس مع مبارك وهم أحد أذرع الحزب الوطنى

كل الدلائل تشير إلى أنهم يريدون السلطة ولا سيما رئيس الأركان وقد صرح بها ضمناً فى تلميح بعيد فى إجتماع الأحزاب

الذى كان من إسبوعين

المشير الذى لم يكن يعبر أحد منذ قيام الثورة خرج علينا الآن فى ملابسه المدنيه ــ بعد شهادته لمبارك ــ ليلتقى الشعب

ويفتتح المصانع ليبهر الناس ويغازلهم بنفسه ، وأصبح فى كل صغيرة وكبيرة نسمع إسم سيادته وسيادة السامى عنان

لدرجة أنه من قرر وقف إحالة المدنيين بالأمس فى حين ان قراراً كهذا نطالب به منذ أِشهر ولم يستجب لنا أحد ، لماذا

يخرج هو الآن ، أليكون البطل الذى يلبى مطالب الشعب ، إنه بطل غير صادق ، كيف يقول بأنه أوقف إحالة

المدنيين لمحاكم عسكرية وقانون الطوارىء الذى قرره بمخالفه الدستور يسمح بهذا ، على من يضحكون ؟؟؟؟؟؟

ثم ألا يكون عبيطاً من لا يربط بين ما حدث بالأمس وبين ما قرره سيادته فى صباح أمس من وقف الإحاله ؟؟؟؟

وكأن الذى حدث بالأمس يقول بلسان الحال : شفتوا لما قررت إيقاف الإحالة ايه اللى حصل ، فى نفس اليوم

البلد ولعت ، عرفتوا إنه أنا مكنتش عاوز غير مصلحتكم ومحاكمة المدنين عسكرياً كان كويس !!!

يؤيد ما ذهبت إليه أن الوضع قد إنفجر عند ماسبيرو فجأة ولا أحد يعرف من الذى بدأ ، لكننى أعرف من فعلها

من فعلها هو الذى بينت تحقيقات النيابه العامه أنه من دفع للبلطجيه كى يقتحموا السفارة ــ أعضاء من الوطنى ــ

من فعلها هو من اوقع بين الشرطة واهالى الشهداء عند مسرح البارون ، من فعلها هو من أشعل الفتنه فى منشية

ناصر وإمبابه ، من فعلها هو ذاته من دبر لموقعه الجمل ورأتهم كل الدنيا وخلاص هايخدوا برءاه أهوه

مش محتاجه عبقرى علشان يفهمها يعنى ، هما بتوع الحزب والجيش أو المجلس سيبهم لإنه منهم أساساً والتيار الذى

كان يدعم الثورة فى المجلس قد تم إجهاضه وتفوق تيار مبارك ، ثم ألا يكون من الغباء بمكان ألا نربط بين شهادة

المشير وعنان وتصريحات لمبارك فى وقت سابق أثناء التحقيق مع سوزان ، حينما قال لو أنه قد تم حبسها

فسيتم فضيحة قيادات تتولى أمر البلد الآن ونشرت الصحف هذا الكلام ولم يعقب عليه أى من قيادات المجلس العسكرى

وبالفعل فى سابقه غير معهوده تفرج عنها النيابه مقابل 140 مليون جنيه ، فى حين ان مخالفاتها فى مكتبة الأسكندرية

وحدها تفوق هذا الرقم بكثير !!!

فى السابق كنا نقول أن قرارت المجلس تدل على انه إما متباطىء أو متواطىء ، لكننى الآن على قناعه ويقين أنه شريك

مع الحزب الوطنى وليس هذا فحسب بل كذب علينا ــ ونحن صدقناه ــ فى أنه لا يريد السلطة ، ولو تفكرنا قليلاً سنجد

أن هذا صحيحاً للأسف ، فكيف للجيش أن يقبل بأن يأتى رئيس مدنى (مدنى دى شتيمة فى الجيش ) ويكون له سلطة

عليه وهو من يعين المشير وكافه قيادات المجلس الأعلى ، كيف وهو يحكم البلد (أى العسكر) منذ حوالى الـ 60 عام

كان الحاكم فيها (منهم فيهم ، عسكرى زيهم يعنى ) ، ولهذا هو لا يرغب فى تسليم السلطة ويطمع فيها ، لكنه لن ينالها

وأصعف الإيمان سيطالب أو سيسعى أقصد بأن لا يكون للرئيس القادم ــ دا إن جه يعنى ــ سلطة على الجيش ، وأن

تكون المؤسسة العسكرية مستقلة وميزانيتها سرية وكل البلاوى السودا دى ، علشان نرجع 50 سنه ورا من تانى

وكل شويه الجيش بما إنه ملك نفسه يعمل إنقلاب ، تماماً كما كان يحدث فى تركيا وأخيراً وافق الشعب هناك على

أن يقوم أردوغان بعمل تعديلات دستوريه تضمن عدم تدخل الجيش فى الحياة السياسية ولا يكون حامى للدولة العلمانية

هناك وكل شويه يعمل إنقلاب بذريعه حمايه الدولة العلمانيه وأخرها كان إنقلاب 2005 الذى تم كشفه وتتم محاكمه

جنرالاته الآن ، ولذلك يجب أن ننتبه من فكرة أن يكون الجيش حامياً للدولة المدنية جيداً ، الشعب هو من يجب أن

يكون حامياً للدولة المدنية

ما سبق هو على أضعف الإيمان فى حالة لم يستطع العسكر البقاء فى السلطة ــ وبإذن الله لن يستطيعوا ــ

هما سايبين البلد تولع ، فتنه وإعتصامات وإضرابات وإنفلات أمنى ، علشان لما فى لحظة يرجعوا دا كله

الشعب يقول أيوه خليكوا فى السلطة

الخلاص من هذا كله كما كتبت هنا من حوالى الإسبوعين هو فى توحد القوى الوطنية ووقوفها صفاً

واحداً لأجل مصلحة البلد ضد أطماع وقرارات المجلس العسكرى ، وحسنا فعل مرشحوا الرئاسة الستة

ولكن تباً ثم تباً للأحزاب الواطيه الذين جلسوا مع السامى عنان وتقاسموا الطورته وعلى رأسهم الإخوان

والسلف ، تباً لهم بل إلى الجحيم أتمنى أن يذهبوا ، هم أكبر قوة منظمة وقويه وتستطيع الحشد وأكبر دليل

على هذا جمعة 9/9 ، هم أقوى من المجلس العسكرى ويستطيعوا فرض إرادتهم عليه بقوتهم الشعبية

ولنهم رضوا بالفتات وأخدهم المجلس تحت باطه ، كما قال د/ العوا عنهم ، هما بيدوروا على ملصحتهم

وبس ، جروا ورا الكام كرسى بتوع البرلمان وبيتطلعوا للحكومة ، رائحة صفقة قذرة تفوح من موافقتهم

على الخريطة الزمنية ، إنتخابات تقعد 4 شهور ليه ؟؟؟

إنتخابات الرئاسة فى 2013 ليه ؟؟؟

طوارىء ممتدة ليه ، دا إنتوا أول من إكتوى بنارها ؟؟؟

محاكمات هزلية وتجرأ الوطنى وفلوله وإنفلات أمنى ؟؟؟

فين مصلحة البلد يا إخوان ويا وفد ويا أحزاب يا واطيه ؟؟؟

اللى إحنا فيه دلقوتى بالضبط هوا اللى كنا فيه قبل الثورة ، نفس السياسة ونفس الوضع

يعنى معملناش حاجه ، ودنك منين يا جحا !!!

المثل بيقول يبقى ابنى فى ايدى وأروح أدور عليه

إحنا اللى عملنا الثورة وإحنا اللى ادينا للمجلس السلطة

ودلوقتى بقى كل همنا إزاى نستردها منهم ، بقى كله بتوع الدستور أولاً والإنتخابات أولاً بيقولوا

طب بس ما يحكمناش العسكر وتيجى سلطة مدنية منتخبة ، إن شاء الله يكون حتى يهود بس عسكر

لأ وبعد كدا بالدستور والقانون نغيرهم ، كله بقى همه دلوقتى بعد البلد ما بتروح مننا إننا نستردها

من ايد العسكر ، دا بقى أملنا ومطلبنا دلوقتى ، سلطة مدنية منتخبة فى أسرع وقت وتمر بقى

المرحلة الإنتقالية الخانقة دى ، نعدى بقى من عنق الزجاجه ده

فهل توحدنا فتنه الأمس ونقف ــ كقوى سياسية ــ صفاً واحداً ضد سياسات المجلس المباركى ؟؟؟؟

نسيت أقول مذنبهمش حاجه العساكر الغلابة اللى ماتت ، دا لو عليه مكنش نازل ، دا نازل بالأمر

ومذنبوش حاجه العسكرى اللى إتصاب ، ومعذور العسكرى اللى بيضرب بذمه فى المتظاهرين

أصله لما يلاقى صاحبه مات جنبه دى مش شويه دى أصعب حاجه على العسكرى فى الجيش

العسكرى فى الجيش ملوش غير صاحبه وبس ، هوا اللى بيشيله فى وقت الشده ولما بيحتاج له

بيلاقيه ، وهما أصلاً ميعرفوش بعض غير فى الجيش ، شفت الجملة دى مكتوبة على الحيطان

فى أماكن مختلفة ومتفرقة فى الجيش ، فى مركز التدريب ومعسكر الترحيل والكتيبة الأساسية

جمعونا أغراب وفرقونا أحباب

فتخيلوا عسكرى لقى صاحبه جنبه مات أو إتصاب يعمل ايه ؟؟؟

فوق دا كله ، للأسف قبل ما بيخرج عسكرى الجيش (الجيش مش الأمن المركزى ) لأى مهمة خارج

الكتيبة او الوحدة التابع ليها بيكون فيه محاضرات معنويه لهم ، وهما فى الجيش معندهمش أخبار عن

أى حاجه فبيكون القائد هوا مصدر الخبر ، فبيقول لهم إن المتظاهرين دول مأجورين وعاوزين يخربوا

البلد وكدا ، فهوا جاى أصلاً وحاسس إنه بيأدى مهمة وطنية ، مذنبهمش حاجه والله العساكر ، دم العساكر

دى فى رقبتك يا مشير ويا مجلس مبارك ، منكم لله ، منكم لله ، منكم لله ، منكم لله ، ربنا ينتقم ، ربنا ينتقم

ملخصاً السبب المباشر فى اللى حصل هوا المجلس العسكرى المباركى وسياساته القذرة ، لماذا لم يصدر

قانون دور العبادة الموحد إلى الآن ؟ ، ما السبب ، هما قاصدين إنهم يعطلوه علشان تولع البلد أكتر

والسبب المباشر أيضاً فى فقدان الثورة لمسارها الصحيح هو عصام شرف ، لماذا لم يتقدم بإستقالته

إلى الآن ، هل حقق مطالب الثورة حتى يظل فى منصبه ؟ ، لماذا حنث بالعهد الذى قطعه على نفسه ؟

يقولون أنه تقدم بها 6 مرات للمجلس ورفضها المجلس ، لو كان صادقاً فى هذا لكفاه أن يتقدم بها مرة واحدة

فقط فى الإعلام ، ليضع بهذا المجلس فى موضع المحاسبة ، لكننا الأن إذا فتحنا فاهنا بأنه لم يحقق مطالب

الثورة يقول لنا مش الراجل اللى إختارتوه رئيس الوزاء وهو اللى بينفذ مطالب الثورة ، عاوزين ايه تانى ؟

أحملك يا عصام شرف مسئولية ضياع أهداف الثورة ، وسيذكرك التاريخ بما قدمت وستحاسب أمام محمكة

التاريخ وهى لا ترحم ....

ممكن سؤال الاخ محمد عبد الحليم حضرتك بتنتمى الى اى تيار فى البلد ؟؟؟؟

أحب اذكر لأن الذكرى تنفع المؤمنيين ::: الشعب السودانى قام ب 4 ثورات و غير 4 أنظمه دكتاتوريه و فى النهايه حكم العسكر البلاد . و حتى الساعه .... ماذا تفهم من ذلك يا سيد محمد ؟؟

انا شايف انك تتقدم للنائب العام بشكوى رسميه للتحقيق فى أقوالك التى ذكرتها .لان كلامك فى غاية الخطوره عن المجلس العسكرى .. و حديثك بيدل على مؤامرة ضد الثوره و الشعب .

اما مرورك بالحديث عن الاحزاب فأحب ان أقول لك دى أحزاب دايبه فلا يمكن ان تعلق امالك عليها لان اللى نام 30 سنه صعب يصحى فى 8 أشهر ..

اما حديثك عن ان
(هم أكبر قوة منظمة وقويه وتستطيع الحشد وأكبر دليل

على هذا جمعة 9/9 ، هم أقوى من المجلس العسكرى ويستطيعوا فرض إرادتهم عليه بقوتهم الشعبية )
فهذا ما قلته لك مسبقا و حضرتك اعترضت عليه .....

أما قولك الذى يدل على يأسك من الموقف فى البلد بأن يحكمنا حتى لو يهود .... وبعدين نغيرهم ده كلام غير منطقى و غير وطنى شوية مشاكل زى دى تخليك تفكر بأن يحكمنا يهود .. حضرتك كنت متوقع ايه بعد انهيار النظام ورد و عيشه هنيه ؟؟؟؟ ده لسه ياما هتشوف بس امهم نعرف ازاى نكون يد قويه ضاربه من حديد فى يد كل عابث بأمن مصر انشاء الله تعدى الفتره العصيبه دى و نكون احسن حال ن قبل
اابن بلدى ضربته احن من ضربة الغريب يا معلم محمد

عاشت مصر لابنائها فقط

أهلاً بحضرتك أ/ أحمد

الحقيقه انا إتخنقت من الكلام اللى حضرتك كتبته أ/ أحمد ، ربما هو ميستهلش إنى أتضايق بسببه وأنا اللى عصبى شويه بسبب الأحداث الحاليه

أولاً يا أ/ أحمد أنا إسمى محمود عبد الكريم

ليست لى أى إنتماءات سياسية أو توجه فكرى ، أؤمن بثقافه الأراء المركبة ، هذا عن شخصى

أما رداً على ما كتبته حضرتك ، وهذة وجهه نظرك ولك مطلق الحرية لتعتقد ما تشاء ، فواحده واحده نراجع مع بعض :

ذكرت بأن مصير السودان هو حكم العسكر بعد 4 ثورات ، وأذكر أن لك رأياً فى السابق بأنك تتمنى بقاء العسكر فى

الحكم لأنهم الأقدر والأجدر له ، وهذة وجهه نظرك ، أما عن نفسى فأدعو ربى بألا يحكم فينا العسكر مرة أخرى

أما عن ما ذكرته فى مشاركتى السابقة وترى فيه أنت كلام خطير للغايه ، فهو تحليل ورأى شخصى مبنى على دلائل منطقيه

وإلا فلتقم حضرتك متطوعاً بالرد والدفاع عن المجلس (وهو نفسه لا يستطيع أن يرد لأنه ليس لديه ما يقوله ) وقم بالتعليل

لما يتخذه من قرارات ، قلى لى ما هو عذر المجلس فى إصدار مرسوم قانون بناء دور العبادة الموحد الذى نطالب به من شهور

قلى لى لماذا لم يفعل نص قانون الغدر الموجود لدينا منذ الخمسينيات ، بل قال نريد إصدار قانون جديد ولم يفعل لا القديم

ولم يصدر الجديد ؟؟؟

قلى لى من أصدق المشير يوم تخريج الدفعه الإستثنائية من كلية الشرطة حينما قال على الهواء أننا رفضان ضرب الشعب

وكذلك فعل وبنص صريح أكثر كافة قيادات المجلس العسكرى الذين خرجوا فى الفضائيات وبالتحديد مع منى الشاذلى ويسرى فودة

أو أصدق شهادة المشير وعنان بأنه لم تصدر إليهم أوامر بضرب المتظاهرين فى المحكمة ؟؟؟

فى كلا الحالتين هم مدانون وكذبوا على الشعب وهذا فى عقيدتى إحتيال ونصب

قل لى لماذا لم تتم إحالة كافة قيادات الداخلية للمعاش وهم قد تجاوزوا الستين ومد لهم الوزير السابق فوق الستين

قل لى لماذا لم يتم القبض على رجل الأعمال ونائب الوطنى الذى أصدر المجلس بياناً يتهمه بأنه وراء فلول الوطنى

وبعدها تم الإفراج عنه

احتاج منك إلى أن تقل لى أشياء كثيرة يا أ/ أحمد ولكن هل تملك أنت الجواب المقنع والمجلس ذاته لا يملكه ، أشك

أما نقطة الأحزاب فأنا لم أعول عليها أنا فقط كنت أتمنى أن تجتمع القوى السياسية على قلب رجل واحد وهم من القوى السياسية

وبالأخص ذكرت الإخوان لأنهم أكبر قوة تنظيمية وهذا ما لم أنفه فى السابق كما تقول وإلا ذكرنى بالموضع الذى قلت فيه هذا

أما قدرتهم على الحشد فنمبع هذة الكلمة أن السلفيين ــ وهم كثر ــ تابعون لهم فى الغالب وبالتالى إذا ذهب الإخوان يساراً

أو يميناً كانوا تابعين لهم وهذا هو الجديد فى المعادلة وما لم يكن فى السابق

أما عن قولى أن يحكمنا اليهود ، فحضرتك فهمتنى غلط ، هذا تعبير مجازى وليس تعبير حقيقى ، حضرتك أخذته مأخذ الجد

وحملته ما لم يحمله ، ولقد قرأت ما كتبته أنا مرة ثانيه فلم أجد فيه ما يجعله يفهم على أنه كلام صريح بل وجدته مجازياً 100%

هذا نص ما كتبته :

إن شاء الله يكون حتى يهود بس عسكر لأ وبعد كدا بالدستور والقانون نغيرهم

بيتهيألى الكلام واضح جداً إن أنا رافض حكم العسكر رفض مطلق وإستخدمت تعبير مجازى بقبول حكم اليهود

ولا حكم العسكر لكننى بكل تأكيد لست أعنى ما أقول صراحه وإما أعنى منه التعبير المجازى وفقط

إقبل تحياتى وأطيب المنى ،،،

مع احترامى الى كل الاراء
انا مصرى
ماذا كان شعور الشعب المصرى عندما استشهد فى الاحداث الاخيره افراد من ابناء الجيش المصرى على الحدود المصرية مع اسرائيل وما كان رد الفعل ........
دم الجيش المصرى غالى وطاهر والشعب المصرى كله
فكيف يطلق النار على الجيش من اهله فهل هذا جزاء من يقوم بواجبه نحو وطنه مصر ؟
هل دم العسكرى المصرى الذى وهبه الله لمصر للشهاده يسير على اخيه المصرى ؟
ليس هذا العسكرى مصرى ( مسلم - قبطى - ابن - اخ - اب .....)
انا لا اتحدث على سلطه او تسليم شئون البلاد فنحن مصريين بما فينا عسكريين وعلى من يجد فى نفسة قدرات وامكانيات وقوه تمكنة من رفع الراية والمسئولية فى هذه الظروف فاليتقدم ويقول انا مصرى
والذى يأتى يعلم كل العلم بانه لم يستطيع عمل شئ بدون مسندت الشعب المصرى كله فمصر امانه فى ايد كل المصريين وهم الذين يملكون خاتم سيدنا سليمان ومصباح علاء الدين .
ايها المصريين اهدأوا وتريسوا حتى تستطيعوا ان تنهضوا بمصر الى الامام ليس لنا ولكن لابنائنا .
بشّروا أبناءكم، أن ما مضى هو آخر ونهاية الآلام، وأن ما هو قادم هو البداية الجديدة، للحياة الجديدة، حياة الحب والخير والحرية والسلام.

ويا أيتها الأم الثكلى،

ويا أيتها الزوجة المترملة،

ويا أيها الابن الذي فقد الأخ والأب،

يا كل ضحايا الفساد،

- املئوا الأرض والفضاء بتراتيل السلام.

- املئوا الصدور والقلوب بآمال السلام.

- اجعلوا الأنشودة حقيقة تعيش وتثمر.

- اجعلوا الأمل دستور عمل ونضال.

وإرادة الشعوب هى من إرادة الله.

ياسلام عليك يا كابتن خالد
كلمات السادات مازالت تتردد في أذني منذ معاهدة السلام
كلمات قويه والقاء كان أقوى هز كيانات وبث روح المحبة والسلام
حتى اليهود الذين لا يؤمنون أصلا بكلمة سلام خرجوا الى الشوارع هاتفين بالسادات وبمبادرته
أنا مع الأمن والسلام على كل جزء من أجزاء الكرة الأرضية
فالسلام اسم من أسماء الرحمن
شكرا مستر خالد

العذاء لكل راحوا ضحية هذه الاحداث سواء من ضحايا الجيش او من ضحايا الاخوة الاقباط
ويارب مصر تمر من الازهة دى بخير ونظل شعب واحد في وطن واحد

اذا غاب العدل ضاع كل شئ
والعدل يتحقق من خلال فعل المحاكمه
فأين هى المحاكمه ؟؟؟
كم من افعال تمثل جريمه وإما أن يتم المحاكمه فيها بتباطؤ شديد وإما لايتم محاكمه من أصله
كنيسة القديسين
كنيسة اطفيح
كنيسة امبابه
احداث دار السلام
احداث منشية ناصر
( واخيرا ان شاء الله )كنيسة الماريناب
هل نصدق ان كل هذه الاحداث لم يتم الابتداء فى تحقيقات بشأنها أو التطويل فى اجراءاتها باستثناء محاكمة الكمونى مع غض الطرف عمن شاركوه ومازالوا قابعين آمنين اماكنهم يعدوا أنفسهم للترشيح فى مجلس الشعب القادم ( اليس الغول هذا حامت حوله كثير من الشبهات وذهب احمد عز بجلالة قدره لزيارته فى الصعيد )

هل يرى من يحكمونا ان المحاكمات وتحقيق العداله واعلانها على الجميع لنشر الامن والامان وتحقيق الردع هل هذا كثير على شعبنا ولا نستحقه ؟

هل يرى حكامنا تلبية طلبات فئات الشعب والممكن تلبية البعض منها بمنتهى البساطه شئ لانستحقه ؟

هل يرى حكامنا اننا شعب معاق ذهنيا نظل نصرخ فى الصحراء ولا مجيب ؟

هل القابعين فى السلطه أو حتى بعضهم لايرون ولايدركون مانراه وندركه نحن بعقولنا.... وان كان ذلك فعليهم ان يراجعوا احاديث كل المتخصصين فى وسائل الاعلام ليدركوا انهم على الظريق الخطأ وان كان هناك الكثير لايحتاج الى متخصصين فالناس البسيطه تتحدث فى كثير من الاحيان بما يثبت خطأ حكامنا

فكيف نبرر بعقولنا ما يحدث ؟؟؟؟!!!!!!

بعد موقعة الجمل وبعد الهدوء والتركيز دائما كنت اكرر عبارة اننا مثل شخص ادرك خطأ فى تصرف لأمه ولكن لايستطيع الحديث عنه حتى مع نفسه ... فهو لايستطيع ان يفكر بان امه بقدسيتها وقيمتها يمكن ان تخطئ هذا الخطأ ... فهاهى القوات المسلحه وبعد نزولها الشارع يوم جمعة الغضب مساءا وحتى الاربعاء يوم موقعة الجمل تقوم بحماية اولادنا فى الميدان وتغلق الشوارع المؤديه للميدان ولم يحدث اى حوادث طوال هذه الايام ..... وفجأه ارى المداخل للميدان تفتح والحواجز يتم تنحيتها جانبا ولم الفهم السبب وقتها وبعدها بوقت قصير ارى الحيوانات تندفع لتقتل خيرة شباب مصر تحت اقدامها وتحت سمع وبصر افراد القوات المسلحه الذين كانوا يقومون بحماية الشباب من يوم الجمعه طوال خمس ايام
علامة استفهام ظلت تراودنا ولكن الاجابه اصبحت نقطه تجمعت حولها نقاط الاحداث الكثيره التاليه لتنتج لنا صوره سوداء كنت اتمنى افقد بصرى قبل ان اراها ... صوره لامى الغاليه ولكنها قميئه

ما تتخنقش يا محمود عبد الكريم و ما تزعلش و تتحمئ أوى نحن هنا نتحاور و نتبادل الاراء و حقيقتا يبدوا من ردك المحترم بأنك رجل عسكرى فعلا كما أسلفت فى احدى كتاباتك اللى مش مفهوم منها الا حاجه و احده فقط هى انك مش طايق تشوف الناس تنعم بالهدوء و الراحه و عاوزها تولع .... وجود العسكر انا لا أؤيده كما فهمت و لكن كما قال الكاتب فضل بلال فى مقاله المعاد نشره من السيد أحمد بكرى : أقرئه جيدا هتفهم تطابق وجهات النظر فى مسئلة الحكم العسكرى .......

ولك كل الشكر و ماتزعلش و تتخنق عشان مصر ماتنقصش ثائر زيك و اوعدك و عد رجل حر بأنى لن أقرا لك اى كتابه ثانيه و لن أرد عليك نهائا مادمت صاحب خلق ضيق و لا تستطيع تقبل أراء و نقد الاخرين بصدر رحب فأنى أرى انه لافرق بينك و بين الدكتاوريين اللى حكموا البلد 30 عام

يا عسكرى
عاشت مصر حره أمنه مستقره
سلام

كليمات نشيد مصر للمش حفظة

بلادى بلادى بلادى ***** لكى حبى و فؤادى
مصر يا أم البلاد **** أنت غايتى و المراد
و على كل العباد **** كم لنيلك من أيادى
مصر يا أم النعيم **** فزت بالمجد القديم
مقصدى دفع الغري **** و على الله اعتمادى
مصر أنت أغلى درة **** فوق جبين الدهر غرة
يا بلادى عيشى حرة **** و اسلمى رغم الأعادى
مصر أولادك الكرام **** أوفياء يرعوا الزمام
سوف نحظى بالمرام **** باتحادهم و اتحادى

كما اشكر اخى ابو اسامه

حقيقى مواطن صالح ..... اسمح لى ان أشد على يدك .... و أكون معاك .
حفظ الله مصر و شعب مصر

سلامتك يا مصر

ahmedmesr كتب:: ما تتخنقش يا محمود عبد الكريم و ما تزعلش و تتحمئ أوى نحن هنا نتحاور و نتبادل الاراء و حقيقتا يبدوا من ردك المحترم بأنك رجل عسكرى فعلا كما أسلفت فى احدى كتاباتك اللى مش مفهوم منها الا حاجه و احده فقط هى انك مش طايق تشوف الناس تنعم بالهدوء و الراحه و عاوزها تولع .... وجود العسكر انا لا أؤيده كما فهمت و لكن كما قال الكاتب فضل بلال فى مقاله المعاد نشره من السيد أحمد بكرى : أقرئه جيدا هتفهم تطابق وجهات النظر فى مسئلة الحكم العسكرى .......

ولك كل الشكر و ماتزعلش و تتخنق عشان مصر ماتنقصش ثائر زيك و اوعدك و عد رجل حر بأنى لن أقرا لك اى كتابه ثانيه و لن أرد عليك نهائا مادمت صاحب خلق ضيق و لا تستطيع تقبل أراء و نقد الاخرين بصدر رحب فأنى أرى انه لافرق بينك و بين الدكتاوريين اللى حكموا البلد 30 عام

يا عسكرى
عاشت مصر حره أمنه مستقره
سلام

أولاً أ/ أحمد أنا أوضحت وجهه نظرى فى المسألة الأولى (الحكم العسكرى) فى الموضوع الأخر فى الرابط التالى :

https://monaelshazly.ahlamontada.net/t11973p15-topic#117191

ثانياً

من حقى أتحمىء يا أ/ أحمد إذا كان حضرتك فهمت من اللى كتبته أننى أفضل حكم اليهود وكلامى لم يكن يحمل هذا المعنى

مطلقاً وابقى اعرضه على أحد أصدقائك كدا وشوف هايقول لك هوا فهم منه إنى باطلب وبافضل حكم اليهود ولا لأ ؟؟؟

ثالثاً وصفك إياى ببعض الأوصاف وإتهاماتك لى بالأعلى نظراً لبعض أرائى التى كتبتها أنا أرحب بها تماماً لأنها غير صحيحة

بالمرة ليس لأننى لم أوضح كلامى ، لا كلامى ووجهه نظرى كالشمس ساطعه لكنك أنت من فهمها بطريق الخطأ بدليل ما كتبته

أنت بخط يدك ونصه الآتى :

كما أسلفت فى احدى كتاباتك اللى مش مفهوم منها الا حاجه

إذن ليست المشكلة تخصنى حينما تفهمنى أنت بشكل غير صحيح

ثالثاً من حق حضرتك متقراش أى مشاركة ليا بعد كدا فأنت لست مجبرا على هذا ، عادى ايه المشكلة !!!

اخيراً أنا ما كتبت ردى الأخير هذا من أجلك أنت وفقط أنا كتبت رداً على كلامك بالأعلى نظراً لأنك لست

وحدك من يقرأ ويرد على تعليقاتى وإحتراماً لزملائى بالمنتدى كتبت هذا الرد ، أما إن كان الرد لحضرتك

وفقط أنا لم أكن لأكتب شيئاً ببساطة لأنك قطعت وعداً على نفسك كرجل حر أنك لن تقرأ ما سأكتب

أخيراً وكعادتى وصادقاً أطيب المنى ،،،

لمن يريد أن يطلع ليعرف بعض من الحقيقه ، تابعوا إعادة حلقة أ/ بلال فضل

فى قناة التحرير غداً أو قوموا بتحميلها من على الإنترنت

ليس لأجل أنها تدعم وجهه نظرى أنصح بمشاهدتها بل لأجل أنها تحمل بعض من الحقيقه

وأعرف معلومات أخرى للأسف ليس من الصحيح نشرها للمصلحة العسكرية

وأ/ بلال فضل وعديدين يعرفونها أيضاً ولكن لا يستطيعوا نشرها لأنها تخص الجيش

الجيش كمؤسسسة ، الإفصاح عنها سيجعل الصورة أكثر إشراقاً ووضوحاً

ورحم الله العساكر الغلابة اللى ماتوا ، والله ما ذنبهم حاجه ، دمهم فى رقبته

ربنا ع الظالم واللى عاوز يخرب البلد واللى مش عاوز يصدق ميصدقش !!!

بصراحة مش فاهمة حاجة
مين اللي بيهدم الكنايس
اسكندرية وعرفنا ان العادلي اللي عمل كدا
طيب وصول والماريناب وكنيسة امبابة مش عرفة

طيب ليه هل بسبب ان في واحدة اسلمت بردة مش عرفة ليه وكمان مش من ايمان دي علاشان تخلص من جوزها
طيب مين بقي اللي عمل كل دا يوم الحد
مظاهرة عادي طيب مين اللي ضرب الجيش ومين اللي ضرب المتظاهرين
الجيش قال مش هنضرب وقال انه مكنش معاه زخائر حية والمتظاهرين قالو مضربناش
طيب هل ممكن يكون في حد مدسوس طيب المدسوس دا هل هيقدر يعمل كل دا مش عرفة بجد بقت حاجة تحير ربنا يستر عليكي يابلدي

الاستاذ محمود عبد الكريم معلش الاستاذ احمد كان فاكرك انا !!! انا محمد عبد الحليم
استاذ احمد
كتاباتي لا ترتقي الى مستوى اهتمام حضرتك ، بس برضه تاني وتالت ورابع المجلس العسكري من البادية مش ناوي يسلم السلطة عشان بيحمي رؤوسه فقط ومش مهم عنده البلد تولع ولو ناوي بجد على اسقاط نظام مبارك مكنش سمح لزكريا عزمي يقعد في القصر الجمهوري 3 شهور يعبث بالمستندات ، ومكنش ساب مبارك 3 شهور بحريته لغاية ما يضبط ورقه وبعدين يحاكم ، وكان سهل جدا اعادة الامن للشارع المصري بس طبعا المجلس عايزها هيصه عشان نقول له ارجوك خليك في السلطة احسن البلد تضيع ، ياريت حضرتك تأخذ الكلام ده وتقدم بيه بلاغ للنائب العام والتهمة بسيطة جدا هو اني بحمل المجلس العسكري تردي احوال مصر بعد الثورة

» العيب مش فينا
» «خسارة فينا الحرية»
» قصة وعبرة ومن فينا لا يحتاجها
» و يموت فينا الإنسان ............ لفاروق جويدة
» هى الحياه كده ولا احنا الى كده ؟؟؟