رؤيا زوجتى فى المنام

زوجتى.أما انا شوفتلك رؤية حلوة قوى يا يحي
يحي.متجيبى من الأخر أنا مش هقدر أزود المصروف
زوجتى.طب والله العظيم أنا مبضحك عليك
يحي.خير ان شاء الله.
زوجتى.شوفت اللهم اجعله خير انك رجعت من الحج وأصدقائك بتوع المسجد جايين علشان يباركولك
يحي.ربنا يبارك فيكى يازوجتى على هذه الرؤيا الجميلة.تفسيرها أن الله عز وجل كتب لى ثواب الحج وأنا لم أحج لعدم الأستطاعة ودا أكيد نتيجة دعاء أحد الصالحين لى وربنا سبحانه
وتعالى استجاب لهذا الدعاء(وما كان عطاء ربك محظورا)اللهم اكتب ثواب الحج هذا العام لكل مسلم ومسلمة لم يمنعه من الحج الا عدم الاستطاعة.كل عام أنتم بخير

الأخ العزيز يحى المطراوى

انت من المؤكد راجل طيب ونيتك صافية
لأن اللى حصل ده كرامة , والكرامات ربنا مش بيديها لأى حد , يعنى بيختار ناس تستاهل الكرامة
وجح مبرور وذنب مغفور

انا بس عايزك تسأل المدام تحكيلك الحلم تانى بتفصيل اكتر يعنى الحجة كانت قرعة ولا سياحى و وشوف وفرت اد ايه فلوس وتزود لها المصروف حبتين
وبعدين ياسيدى زيادة المصروف ماهى بتعود عليك برضه , يعنى حاتلاقى صوانى ومحمر ومشمر ,

ومع اطيب تحياتى وكل عام وانت والأسرة الكريمة بخير

آيات السيد كتب:

والله يا استاذ يحيي ..انا مرة حد قالي..في ناس ربنا يكتبلها حج او عمرة وزيارة مسجد الرسول

وفي ناس الرسول يجيلهم في المنام اكتر من مرة من غير سفر

ربنا بيحبنا...احنا بس نحبه ونسمع كلامه

اشكرك جدا علي المشاركة الطيبة

عارفة يا أيات .أكثر الناس الصالحين لم يذهبوا الى الحج لعدم الأستطاعة(من أقوال الشيخ الشعراوى رحمه الله)

shaymaa kafaga كتب:

(وما كان عطاء ربك محظورا)

شكرا على المرور يا شيماء.تحياتى.

عادل صموئيل كتب:

الأخ العزيز يحى المطراوى

انت من المؤكد راجل طيب ونيتك صافية
لأن اللى حصل ده كرامة , والكرامات ربنا مش بيديها لأى حد , يعنى بيختار ناس تستاهل الكرامة
وجح مبرور وذنب مغفور

انا بس عايزك تسأل المدام تحكيلك الحلم تانى بتفصيل اكتر يعنى الحجة كانت قرعة ولا سياحى و وشوف وفرت اد ايه فلوس وتزود لها المصروف حبتين
وبعدين ياسيدى زيادة المصروف ماهى بتعود عليك برضه , يعنى حاتلاقى صوانى ومحمر ومشمر ,

ومع اطيب تحياتى وكل عام وانت والأسرة الكريمة بخير

كويس يا عادل يا خويا ان المدام مشفتش رسالتك.دى كانت مسكت فى وقالتلى طلع المحفظة يا حبيبى شوف صاحبك بيقولك ايه.ههههههههه.