يا لا يا جدعان قبل ما يعقل يا جدعان

1- بتكتب ايه قبل اسمك؟



2- ايه الحيوان او الحشرة اللي تحس انه مظلوم؟



3- صندوق اسرارك مع مين تخبيه؟



4- أحد علماء النفس قال مرة قال أن الانسان يقدر يعيش من غير اصحاب .. انت ايه رايك؟



5- لحد فين بتاخدك قمة غضبك؟



6- ايه اجمل شيء في الاسلام؟



7- ليه ما اصبحتش مشهورا؟



9- امتى بيقسى قلبك؟



11- ايه هو انطباعك عن السياسه؟



12-امتى تخجل من نفسك؟



13- في زمن البحث عن المادة انت بتبحث عن ايه؟



14- ايه هو هدفك في الحياة؟



15- صنف لي نفسك انت سلبي ام ايجابي؟



16- رتب لي هذه الكلمات حسب افضليتها ليك :
الحصول على اعلى المناصب - الخروج للترفيه - الأم - الصحه - المال - راحة البال.



17- انت من مدينة بتحبها وبتعشقها بكل ما فيها اي هي مدينتك مدينتك وعبر عنها بكلمتين وبس ؟




18- لو طلب منك تتولي منصب الوزير تختار وزارة ايه وايه هي قراراتك فيها؟


ملحوظة مهمة.صاحب أصدق الأجابات مع النفس هيكسب كارت شحن فى رسالة خاصة بس متنساش تقول فى أخر الأجابات خط المحمول تبع شركة موبينيل مثلا.تحياتى للجميع.

Mahmoud.Abdalkarim كتب:

أ/ يحيى أولاً كل سنة وحضرتك وكل الأصدقاء أعضاء الموقع طيبين

هيا صحيح متأخرة وزى ما بيقولوا بعد الهنا بسنة ، لكن معلش بقى أصل

أنا معيّد فى الجيش ولسه نازل أجازة إمبارح بس


ثانياً أحييك على فكرة الموضوع ومحتواه لاسيما كرت الشحن ، ههههههه


ثالثاً هاكون أول المتسابقين ........

ـــــــــــــــــــــــــــ


1- بتكتب ايه قبل اسمك؟

ولا حاجه ، بحبه كدا سادة ، مش تواضع لا سمح الله لكن أنا بحب أن أتحرر من قيود الألقاب والتكليف

فإذا ما أراد أحد أصدقائى أن يتكلف معى ينادينى بـ ياد يا محمود ، وكذلك أفعل أنا (أتكلف معهم على الدوام )

ههههههههههههههههههههههههههههههه



2- ايه الحيوان او الحشرة اللي تحس انه مظلوم؟

الحمار ، بجد والله ، خاصة لما ألاقى حد بيضربه بوحشيه علشان يمشى بسرعة !!!



3- صندوق اسرارك مع مين تخبيه؟

أنا شخص صريح جداً وتقريباً معنديش أسرار ، اللهم إلا الأسرار الشخصية جداً

يعنى باس وورد ، أشياء من هذا القبيل ، وهى أشياء لا يعرفها أحد سواى لكن لى

من الأصدقاء والحمد لله من أستأمنهم على معرفة كلمات السر هذة لو إقتضت الحاجه



4- أحد علماء النفس قال مرة قال أن الانسان يقدر يعيش من غير اصحاب .. انت ايه رايك؟

لن يستطيع ، ببساطه لن يكون سعيد ، وما الحاجه إلى أن تحيا شقياً كئيبا وقتها

سيكن الموت أفضل ، الإنسان لا يستطيع أن يحيا وحيداً أبداً ، والإنسان بدون أصدقاء

هو إنسان وحيد وإن كان يعيش وسط ملايين البشر ، أحياناً تكون علاقة الإنسان

بصديقه أقوى من علاقتة بأخوه ، هناك حكمة تقول : الصديق أنت تختاره أم الأخ

فيُفرض عليك !!!



5- لحد فين بتاخدك قمة غضبك؟

أنا سريع الغضب لكنى لا أتخذ قرار وأنا غضبان ، أنفعل بسرعة ويعلو صوتى

لكنى أسيطر على قراراتى وأتحكم فى كلماتى الشىء الوحيد الذى لا أستطيع التحكم

به هو سرعة الإنفعال وعلو الصوت



6- ايه اجمل شيء في الاسلام؟

إسمه (الإسلام) ، ومعانى إسمه فيها كل الخير لمن يتدبرها



7- ليه ما اصبحتش مشهورا؟

مش مهم تكون مشهور ، المهم تكون محبوب ، من ربنا أولاً ومن الناس ثانياً

وتستطيع أن تحصل على الإثنين إذا حظيت برضا الله عنك



8- امتى بيقسى قلبك؟

لا أشعر بأى شفقه أو رحمة تجاه الظالم حينما ينتقم الله منه



9- ايه هو انطباعك عن السياسه؟

هى فى عقيدتى لغة المصالح ، فمن يجيد أن يتحدث بها بطلاقة حظى بأكبر

المكاسب ، فعلى قدر طلاقتك فيها تأخذ نصيبك منها ، وقليلون جداً من تكون مصالحهم

التى يتحصلون عليها هى نفس مصلحة البلد !!!




10-امتى تخجل من نفسك؟

حينما أتجاوز فى حق الأخر ــ أيأً كان ــ أو بحق نفسى وأكتشف أننى كنت مخطىء




11- في زمن البحث عن المادة انت بتبحث عن ايه؟

عن المثالية فى كل شىء



12- ايه هو هدفك في الحياة؟

أن أكون إضافة ذات فائدة فى أى شىء ولكل أحد وفى أى مكان

أما عن طبيعة الهدف وعن الوسيلة فهذة تتغير بتغير المعطيات وتختلف من مرحلة لأخرى



13- صنف لي نفسك انت سلبي ام ايجابي؟

إذا كانت الإيجابية هى رفض كل ما هو خطأ ومحاولة تصحيحة فأعتقد أننى شخص إيجابى



14- رتب لي هذه الكلمات حسب افضليتها ليك :
الحصول على اعلى المناصب - الخروج للترفيه - الأم - الصحه - المال - راحة البال.

لا يمكن ترتيبها بالنسبة لى شخصياً لأن لكل منها أفضلية وميزة نسبية ولا يمكن وضعها فى

مرتبة متقدمة عن غيرها


15- انت من مدينة بتحبها وبتعشقها بكل ما فيها اي هي مدينتك مدينتك وعبر عنها بكلمتين وبس ؟

أنا أعيش فى قرية ريفية ، وإذا أردت وصف من كلمتين يلخصنى ويلخص قريتى

فهو الآتى : ابن القرية



16- لو طلب منك تتولي منصب الوزير تختار وزارة ايه وايه هي قراراتك فيها؟

وزارة المالية أو الإقتصاد أو التخطيط (ألغيت) ، أما عن القرارات فسأعطيك السياسة العامة

وهى ترشيد النفقات بمعنى أن يكون هناك إستغلال أمثل للنفقات والإمكانيات المتاحة وهذة أم المشاكل

لدينا حالياً ، مثال هناك مستشارون يتقاضون الالاف تصل لـ 20 و 50 ألف ، يمكننى الإستغناء عن

هؤلاء وإستبدالهم بأخرين بكفاءة أعلى وبمرتبات أقل بكثير ، فقط يحتاجون لمن يعطيهم الفرصة

مثال أخر أى مقاول بياخد مقاولةمن الحكومة ، معروف كدا لو مكنش هياخد منها ربح قد التكاليف

اللى صرفها مرة أو مرة ونصف مش هايقبل المقاولة ، ودا ليه لإن هناك فساد فى الإدارة المالية

فى كل مؤسسة حكومية لإنها بتعمل مناقصة وبتقبل إن حيتان المقاولين يتحكموا فى الأسعار فى حين

إن الدولة عندها من الإمكانيات إن تقوم بالعمل ده من خلال شركات القطاع العام (اللى إتباعت) بسعر

التكلفة فقط ، وحل تانى هو تجزئة العمل وتحويلة إلى مقاولات صغيرة وبالتالى تشجع صغار المقاولين

وتضع هى السياسة التسعيرية لكل شىء بنفس الطريقة ، ما يحدث فى مصر الآن هو إسراف رهييييييييب

فى النفقات من دون عائد كبير متحقق


أطيب المنى ،،،

اجابات ما لهاش حل يا ولد يا عسكور والنتيجة اخر المسابقة.تحياتى.

shaymaa kafaga كتب:

[1- بتكتب ايه قبل اسمك؟
أسمى كفايه
2- ايه الحيوان او الحشرة اللي تحس انه مظلوم؟
الفراشه بنحبها بس بنضايقا
3- صندوق اسرارك مع مين تخبيه؟
دينا صحبتى
4- أحد علماء النفس قال مرة قال أن الانسان يقدر يعيش من غير اصحاب .. انت ايه رايك؟
لايمكن
5- لحد فين بتاخدك قمة غضبك؟
بغضب بس بغضب على حاجه فعلا تغضب وبتخذ قرارات فى وقت الغضب وبتبقى غلط وبرجع أندم
6- ايه اجمل شيء في الاسلام؟
التسامح عشان كده لازم نكون متسامحين
7- ليه ما اصبحتش مشهورا؟
الشهره مش كل حاجه حب الله والناس وثقه بنفسك أهم من ميت شهره
8- امتى بيقسى قلبك؟
عمره ما قسى على حد أى كان
9- ايه هو انطباعك عن السياسه؟
لعبه حقيره بس لازم تبقى موجوده للاسف
10-امتى تخجل من نفسك؟
لما أزعل ماما
11- في زمن البحث عن المادة انت بتبحث عن ايه؟
أبحث عن الستر والصحه
12- ايه هو هدفك في الحياة؟
أنى معش من غير ما يبقى ليه لازمه معرفش أعد معملش حاجه
أعتقد أيجابيه لونه سؤال صعب الأيجابه عليه
14- رتب لي هذه الكلمات حسب افضليتها ليك :
الحصول على اعلى المناصب - الخروج للترفيه - الأم - الصحه - المال - راحة البال.
الأم-الصحه-راحه البال-الحصول على أعلى المناصب-المال-الخروج للترفيه

15- انت من مدينة بتحبها وبتعشقها بكل ما فيها اي هي مدينتك مدينتك وعبر عنها بكلمتين وبس ؟
أنا من شربين بلد جنب المنصوره وبحب بلدى أوى أوى أوى ودايما شايفه أن الى ملوش خير فى ناسه ملوش خير فى حد
16- لو طلب منك تتولي منصب الوزير تختار وزارة ايه وايه هي قراراتك فيها؟
وزاره الأعلام
عشان أخلى توفيق عكاشه يعد فى بيتهم وأنضف التلفزيزن الرسمى والصحافه الرسميه من العقول المتخلفه
[b]

اجابة موفقة شكرا يا شيماء تحياتى