انا من وجهة نظرى اقترح الجنزورى عشان كذا سبب
اول سبب انه كان زمان رئيس وزارة واتشال عشان كان راجل محترم ماعجبش مبارك اللى كان عايز كل اوزراء يبقوا زى عرائس مسرح العرائس ما يتحركوش إلا فى الحدود اللى هو بيسمح بيها وانهم ما يتكلموش إلا فى حدود المسموح بيه
تانى حاجة اللى تعرفه احسن من اللى ماتعرفوش
ثالثا البرادعى بعد مااستقبله المصريين استقبال الغزاة عدد كبير من الناس قلبوا عليه والوقت ده محتاج شخص يتوافق عليه الجميع
لأننا دلوقتى بنتخانق على 500 حاجة لازم نتفق على حاكم
انا مش شايف شخصية عسكرية محددة تصلح لسبب , واضح من خلال تعاملهم خلال الفترة من يوم الثورة ان ماعندهمش حد عنده حنكة سياسية
طبعا مش بقلل من حنكتهم العسكرية الفذة لكن السياسة حاجة تانى , يعنى اهم حاجة فى السياسة وجود شخصية تقدر ترضى كل الاطراف وتحل اى مشكلة فى 24 ساعة , والملحوظ ان مفيش مشكلة اتحلت
لا استطيع ان اقترح اسم لأن الموجودين معظمهم بيتصارع على السلطة واللى بيتصارع ع السلطة تخاف منه لأن ممكن يديك وعود بالبل ولو طالها ابقى قابلنى
كنت اتمنى ان يكون ناس زى مصطفى كامل ومحمد فريد واحمد عرابى يعنى الوطنية اللى بجد , يعنى دول حطوا ارواحهم على كفهم وقدموها لمصر , لكن عمرهم ماطمعوا فى لا منصب ول كرسى ودى صفات الوطنى اللى بجد
وتحيا مصر
النوع
موضوع: من ترشحة لخلافة عصام شرف فى حكومة الانقاذ؟ 
الثلاثاء نوفمبر 22, 2011 10:41 pm
