لو عايز تبكي بكاءا بحرقة و دم . شاهد و استمع الي هذا الفيديو و الأغنية . منتظر تعليقاتكم و الليّ مش حيعلق حأزعل منه بجد !!!!!

لو عايز تبكي بكاءا بحرقة و دم . شاهد و استمع الي هذا الفيديو و الأغنية . منتظر تعليقاتكم و الليّ مش حيعلق حأزعل منه بجد !!!!!

انا الفيديو ابكاني فعلا وفي مشاهدة خلتني كررتها كذا مرة

اولا المشهد الي العسكري ماسك فيها عصا وحطتها علي بطنها وثابت

والادهي مشهد ال20 عسكري الي يجوا يضربوا ويمشوا !!..

لو دول بلطجية وضربتهم عشان تمسكوا...سبته ليه !!! لو خارج ع القانون ما تقبض عليه !!

عاملين زي حد مسك حرامي فبيته وكتفه وبعدين قال يا ولاد مين عايز يضرب شويه ؟؟!!!

لان الضرب مرفوض خاصة بهذا الشكل لان الي علي الارض ده بلطجي مش بلطجي ده مستسلم مش معقول 20 واحد بضربوا فيه وبيسبوه بعد ما يخلصوا كمان

خلاصة ما حدث انا شايفة ان الغلط من الاتنين ..انا مش مع الاعتصام وخاصة قدام رئاسة الوزراء لان الاعتصام قدام مكان زي ده في ظروف البلد دي قد يسبب خطر كبير علي مصر كلها

يعني لو حد دخل وسط المعتصمين وحرضهم ودخل ناس منهم بينهم عشان يهجموا علي الوزارة كان ممكن البلد تتعرض لشبه سيطره من ايد مش معروفة ومجازا هسميه احتلال ونخش في قصص انتم ممكن تتصورهوا

للاسف الاعتصام مختلفة معاهم وطريقة التعامل انيل

صحيح كان لازم يتفض الاعتصام لخطورة المكان اولا ولانه متسرع

لكن للاسف اوي احنا مانعرفش ازاي نفض اعتصام

بنخش نفضه كانها عركة والعسكري او الشرطي بيتصرف كانه مدني مش عسكري وواخد تدريبات عليا

الموضوع كله غلط فغلط

وملحوظة : اولا انا ماقدرش احكم البنت دي من المعتصمين ولا بتيجي تتظاهر صباحا ومش بتبات زي ايام الثورة

يعني ايام الثورة عادة بيكون بليل شباب وكانت الناس بتتجمع مع كل صباح رجالة وستات

لكن لو كانت بتعتصم معاهم وبتابت انا ضدد ده لكن ماينفعش كمان نقول طالما نزلت تستاهل كده

ماينفعش نقول لو ماكنتش نزلت ماكنش حصل فيها كده

ده يبقي خلل في تفكرنا

________________________________

مش عارفة يا استاذ امير اشكرك ولا نواسي بعض كلنا علي الي احنا فيه ؟؟؟

اشكرك يا اياااااات جدااااا علي تعليقك العاطفي و المتزن .. و الله انا يا ايااااات بكيت بحرقة و حتي الان بسبب الضرب و رد الفعل المفرط و استخدام القوة بهذة الوحشية . و الله العظيم لو اسرائيل ما كنتش عملت فينا كده !!!! و الاغنية جميلة جداااا و مؤلمة لصدق الاداء و الكلمات المناسبة للموقف ..

انا في انتظار تفاعلكم و تعليقاتكم علي الفيديو و الاغنية ..

اخى العزيز امير
اولا اشكرك على هذا الموضوع ,,, الشريط بدون تعليق مقزز ومقرف , وبيثير اكتر كتير من مشاعر الحزن والبكاء , ولكنه بيثير اقصى مشاعر الغضب , ولكن الغضب لوحدة مدمر يعنى لازم تحليل عقلانى للى بيحصل , وكلمة تحليل عقلانى يعنى حياد تام , انا من عادتى لو فيه مشكلة بين طرفين حتى لو طرف اميل اليه شخصيا بخلع عنى الميل ده , يعنى انا دلوقتى بتخيل نفسى مواطن من دولة تانية وبشوف المصيبة اللى بتحصل دى , بس اهم شىء لازم ندرس الطرفين واللى حصل ده وصل لكده للبشاعة دى ازاى .....
وانا احترم جدا وقدر كلمة الاخت العزيزة آيات ... الموضوع فيه شقين
الشق الاول المتظاهرين ... وماحدش يزعل من كلامى مصر بلد صحيح دلوقتى عندنا حق التظاهر السلمى لكن التظاهر احنا بنتعامل معاه بطريقة غلط , بمعنى فى اى دولة متحضرة , لو انت عايز تعمل مظاهرة او احتجاج او اعتصام , لازم تاخد بيه تصريح من الجهات الامنية قبلها بيوم , وبتحدد انت موعد بد وانتهاء المظاهرة , وهم بيحددوا لك مكان .. يعنى مش قلب العاصمة ... يعنى حتة فاضية زى جنب الاستاد مثلا , وانت بتدعوا الصحفيين وتتصوروا وتهتفوا زى ما انتم عايزين بعدين الاعتصام بيتفض , واهم شىء فى الموضوع ده ان الجهات الامنية لما بتحدد المكان بيبقى مكان مش بيعطل المرور و ومش فيه ممتلكات عامة او خاصة ولا عربيات ناس غلابه , وبتامن المكان عشان المندسين اللى ممكن يدخلوا ويخربوا ما يقدروش يهوبوا ناحية المكان لأنهم حايبقوا ظاهرين وحا يتمسكوا , لكن لما تكون المظاهرات فى منطقة زى ميدان التحرير واللى حواليه , البلد كلها بتتشل من الناحية المرورية , والمحلات بتتخرب حتى لو قعدت قافلة , يعنى فيه ناس بتاكل عيش , وسكان فى المنطقة المظاهرات بتحول حياتهم الى حجيم , وبعدين الثورة قامت وخلاص و والمتظاهرين دلوقتى معتصمين ليه ؟؟؟ مطالبهم تنازل الجيش فوراً عن السلطة طيب الجيش يمشى مين يمسك السلطة ؟؟؟؟ اى حد عنده القوة ينتزعها ؟ ولا البلطجية يحكموا البلد ؟؟؟ ماحدش سأل نفسه تخيلوا لو الجيش قرف وسابها دلوقتى ايه اللى حايحصل ؟ طيب الجيش حدد بعد انتخاب الرئيس ... خلينا ورا الكداب لحد باب الدار بقالنا سنة نستحمل 6 شهور ... وكل واحد يروح يشوف حاله .. ولا عايزين يفضلوا معتصمين كمان 6 شهور ؟؟ وتنحر ق البلد ومصالح الناس ... بعدين موضوع الوزارة اللى مش قابلينها ... هى خلاص اتعملت وخلاص وشكلها بالتأكيد حتكون فسوخة زى وزارة عصام شرف , واطول عمر للوزارة دى بعد انتخاب الرئيس قانوناً لازم تتشال , ده اذا ما الاحداث هديت شوية عشان بعد اكتمال مجلس الشعب ممكن الاخوان يتلككوا باللى بيحصل ويعملوا هم وزارة احادية الجانب , يعنى وزارة على مزاجهم هم , ولو اساولا على المجلس وعملوا الوزارة اكيد منهم , من المؤكد حايعملوا دستور على مزاجهم , وزى ما حصل فى الانتخابات ممكن يحطوا لنا رئيس على مزاجهم ..
لكن لو صبر الثوار شوية على وزارة الجنزورى , اللى مش عارف يدخل مكتبه ممكن يعمل اى حاجة ...وبالذات المشكلة الخطيرة بتاعة الناس اللى بيقولوا عليهم مندسين ... ودول لو مفيش اعتصامات حايندسوا فى ايه ؟
ولما آجى للشق التانى وهو الجيش ... امبارح عساكر الجيش اتصرفوا زى عساكر الامن المركزى ... ومين هم عساكر الامن المركزى ؟؟
المجندين الجداد فى الجيش كل سنة بيتعمل لهم حاجة اسمها الفرز , يعنى الجيش بيقسم المجندين الى اقسام احلى قسم المؤهلات العليا , واسوأ قسم هم الاميين والفلاحين اللى جايين من جوا الغيط , ودول بيتفرزوا وبيختاروا اغبى من فيهم , بالذات اللى اقل من الحمار بدرجات ويودوه الامن المركزى ,,, وبيتعامل معاملة زى الزفت عشان يبقى متحفز فى اى وقت يقولوا انزل اضرب بيضرب مش بيفرق بين طفل وشاب وعجوزوامرأة , بينزل طحن فى الناس ... ولما انسحب الامن المركزى والجيش اتدبس فى الموضوع ... عايز الفى نظرة بروية شوية على الجيش ...
الجيش ده من 30 سنة مش بيحارب .. يعنى العسكرى فى الثكنات عايش فى امان . بيعمل الخدمة وبالليل بيشرب شاى او يتفرج ع التليفزيون , لكمن لما اتدبسوا فى الثورة , تخيل العسكرى ده واقف كام يوم على رجليه فى الشارع فى البرد فى خدمة مش محسوبة الوقت ... يعنى مش واقف من 8 صباحاً وعارف حايستريح 8 مساء ... ولكن واقف وخلاص كانه عمود نور ... اكيد حط نفسك فى مكانه وده ابنك واخوك اكيد حايبقى راكبه 900 عفريت ... ولما ييجى شوية من المندسين او شوية عيال ينزلوا فيه ضرب بالطوب ,,, العسكرى ده بتيجى لحظة بيفقد صوابه ... بيبقى تور هايج بيطيح فى اى حاجة فى وشه , يعنى الضرب الوحشى الالى شفناه فى الفيديو , ده لو اسرائيل شافت ان دى طبيعة الجيش العادية اكيد حا يستخبوا فى الحجور ... لكن دى مش طبيعة الجيش ,,, المشكلة الوضع كله مقرف من كل الوجوه , يعنى اهم شىء لو المعتصمين يقنعوا انهم يروحوا بيوتهم , ويشوفوا ايه اللى ممكن يحصل ولا يفضلوا موجودين ,, ويدخل عليهم البلطجية ,, يضربوا فيهم شوية ويضربوا فى الجيش ويجروا عشان الجيش يضرب فى المعتصمين ... عملية مقرفة ... وعايز اسأل كسبنا ايه من الاعتصام ده
كام واحد مات وكام واحد اتصاب ومنهم عاهات مستديمة
واكتر حاجة خسرناها مبنى المجمع واللى فيه كتب لاتقدر بمليارات المليارات واللى حرقوه البلطجية , ومنعوا المطافى تطفيه ... عشان يقلبوا علينا العالم كله اللى ابتدا يكر لو مش قادرين تحموا الآثار احنا نبعت لكم ناس تحميها ... احنا ناقصين
وامبارح طلع كلام انهم عايزين يحرقوا البنك المركزى .... اللى بيطلع الفلوس اللى بيقبض منها كل موظفى الدولة ... طيب الناس دى اول الشهر لو ما لقتش فلوس تقبضها حايقولوا شعارات ولا الثورة مستمرة ولا .......
عايزين حد عاقل يتكلم .... فيه حاجة فى اشارع بييجى من وراها مصايب ... ومش حاتجيب حل فورى دلوقتى نفضل وتخرب البلد اكتر ولا نفض الاعتصام ؟
مع اطيب تحياتى

كلام منطقي جداااااااااااااااااا ..

الف شكر لحضرتك ..

أنا شوفت الفيديو ده على المجله الخاصه بالموقع أمبارح وأبكانى كثيرا ومقدرتش أعلق وأقفلت الجهاز والنهارده دخلت مخصوص عشان أقول لاحول ولا قوه الا بالله وحسبى الله ونعم الوكيل فى كل ظالم وربنا هكشف الحقيقه قريب أوى ومفيش كراسى بتدوم ولا سلطه بتنفع الى بينفع عملك الصالح وحب الناس ليك وطبعا أكيد قبل كل ده رضا ربنا وبكررها أكثر من مره (حسبى الله ونعم الوكيل)

فيديو صعب ومش قادرة أفهم ازاي مصري يضرب اخوه المصري بالبشاعة دي؟ إيه كمية العنف دي؟ وفين القانون من حاجة زي دي ؟ حتى لو البنت دي مجرمة هل هي دي طريقة التعامل معاها؟ انا عاوزة اعرف ايه اللي اتغير بعد الثورة؟ ده نفس السيستم في التعامل مع البني آدمين ونفس الطريقة في عدم معالجة الأمور وعدم تفعيل القانون.. يا خسارة

انتوا ساكتين ليه مع أنى متأكده أنكوا عارفين؟؟؟؟؟؟؟

فيديو صعب و الاصعب هو تخريب مصر

حسبنا الله ونعم الوكيل.جوزيت خيرا يا أستاذ أمير.

احبائى
يعنى هذا الفيديو والقصة المحزنة المقرفة دى مازالت تطل علينا كذا مرة كل يوم وفى كل برنامج لأنها بالطبع حاجة ماتعديش كده وخلاص

بس النهاردة فى محطة مودرن تحرير استضافوا المهنس الشيخ او الشيخ المهندس عاصم عبد الماجد , ويصراحة انا مش عارف ايه اللى دخل المشيخة فى الهندسة او الهندسة فى المشيخة , لأن الشيخ ده شغلة لها دراسة دينية متخصصة والهندسة دى شغلة لها دراية متخصصة , واقسام كلية الهندسة حسب علمى ( القليل ) هندسة مدنية وهندسة كهربائية , وهندسة ميكانيكية ونسيج ... إلخ ... بس ماسمعتش عن قسم اسمه هندسة دينية ,, يعنى شهادة علمية معترف بيها من جامعة تتيح للمهندس الكلام فى الدين ,,ويبقى علمااء الازهر يروحوا يقعدوا فى بيتهم والناس التانية تتكلم بدالهم
لما جه الكلام عن البنت اللى اتعرت فى الشارع قال الشيخ انتم زعلانين من ايه ؟؟؟ انتم مش بتتفرجوا على الرقصات والمايوهات البكينى وبيبقى عرايا اكتر من كده ؟ وحتى بتدفعوا فلوس عشان تتفرجوا على الراقصات , يعنى الاول بطلوا الراقصات والمايوهات بعدين اعترضوا على الفيديو ده
ماعرفش الكلمة دى ممكن يكون شعوركم ايه لكن ايه اللى دخل ده فى ده

انا امتنى من الاخوة .. الخوان المسلمين ,الأخوة السلفيين طالما حايمسكوا الحكم .. انا متأكد ان فيهم ناس محترمين وبيتكلموا كويس ... انهم يعمولا تنقية للحوار .. يعنى يعملوا اجتماع ويحددوا مين اللى يتكلم ومين يتمنع عن الكلام العام ... ومن هنا ورايح الكلام حايبقى سياسة , ونفسى نخلى المتخصصين فى الدين يتكلموا عشان كلامهم بيبقى محدد جدا , واى تفسير بيبقى مدروس ومقنن . يعنى ما اعتقدش ان احد علماء الازهر الاجلاء واللى بيحترمهم العالم كله ممكن يقول كلمة ممكن تقلب الدنيا وبعدها يقول القول الشهير : كنت بهزر .... هو فيه هزار فى الدين
وتحياتى

اشكر حضرتك جدا علي هذا التعقيب ..

» اغنيه تسلم الايادي HD مصطفى كامل للقوات المسلحه و الجيش ( كلمات الأغنية + الفيديو )
» جزمتك يا منتظر
» شاهد قصة و فيديو ندا. الفتاه الايرانيه التي اغتالها الرصاص الاعمي في شوارع ايران. شهيدة الاصلاحيين. الفيديو قاسي و مؤثر جدا. هز العالم كله و حديث الجميع .
» أتحداك أنك تبكي
» الحكم على منتظر الزيدي بالسجن 3 سنوات .. رايكم ايه ؟؟؟؟؟