مين هو المصري

موضوع: مين هو المصري الإثنين يناير 23, 2012 9:13 pm

المصري هو =
لو سألته على عنوان و بدل ما يدلك قالك امشي ورايا .
... و ساعات بيغير اتجاهه عشان عنده رغبة صادقة يوصلك وخايف تتوه

- لو صليت في مكان وبعد الصلاة تلاقيه بيمد ليك ايده و يقولك تقبل الله.

- بعد أن يضحك كثيرا يقول " خير اللهم إجعله خير " .

- لو إتصلت بيه في التليفون , يقول لك من غير مناسبة " كل سنة وإنت طيب " .

- لما تنزل تلاقيه ساند على عربيتك واول ما يشوفك يضحك ويقولك لا موأخذه يا باشا

- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات

-و لما عربية تعمل حادثة فى الطريق الصحراوى أو الزراعى , و فى ثوانى تقف
لها خمسين عربية ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين

- لما تلاقي ناس بتقضي العيد فى المقابر مع حبايبهم اللي ماتوا يبقي هما دول المصريين

- لما تلاقي سيدة في الرايحة والجاية عمالة تدعي لأولادها وتخلى الدنيا
تدعيلهم... تبقى دي أم مصرية وطموحاتها وأحلامها الشخصية فى الحياة إن
ولادها يبقوا مبسوطين

- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام مقبلها ورافعها لراسه قبل مايحطها جنب
الرصيف... يبقى مصرى.

- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... هو المصرى.

- لو شفت واحد بيتفرج علي فيلم ويعيط علي البطله او البطل الي ماتت او مات في الفيلم يبقي مصري

- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

- لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة يبقوا اكيد مصريين

-. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية

- لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصريين مصريين

- لما تلاقى اننا شايلين اكياس من جميع الاشكال والالوان تحت المرتبه نبقى مصريين

- ولما تلاقى شعب فى اكبر ازمه بيمر بيها ... مابينساش يضحك ويطلع افيهاااات
ويضحك اللى حواليه وكل العالم يتكلم عليه وعلى خفته
يبقى انت اكيد تقصد ... شعب مصر....

" أنــا مصري وأبـــــويه مصري وسماري ولــوني مصري وكَل مصري الله عليــه "

- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

ههههههه اااااااااااه يا أستاذ /rothmans55 التاكسي ده ليــه حكَيات عظيمه معآيه بجد بجد بجد بحب أووي أركَب التآكسي بس مع السواقين الطيـــــبين , لمآ تدخل التآكسي يعد يحكي معآك ويكَلمك وتكَلمه ونعد نشتم في الاحوال ويقولك البطـــآله و الامبوبه والعيــش تحس أنك قاعد في البرلمان ويا ســـــــلآآآآآآآآآم لما تكون تعبان ولآ حاجة يعد يجبلك حلول الدنيــــا والآخره تحس أن بتاع التاكسي كان هيكَون دكَتور شــــــــاطر جداً لولا ظروفه ...

والله أحنا شعب بجد فريد من نوعه....

موضوع جميـــــــــل جداً يا استاذنا ووحشتنا تصميماتكَ...