قم يا مصرى مصر دايما بتناديك

تحية وشكر وتقدير للنقيب/ طارق رماح . ضابط المفرقعات بمطار القاهرة الدولى الذى اكتشف القنبلة على الطائرة الليبية وتعامل معها مباشرة بعد ارتدائة بدلة المفرقعات دون انتظار الدعم القادم من الوزارة وحتى الشكر والتقدير لا يكفى لبسالة هذا الضابط وشجاعتة الذى نطق الشهادة وتوكل على الله وكان على استعداد بأن يضحى بحياتة وبكل غالى ......ونفيس فى سبيل أمن مصر

تم فرض كردون أمنى حول الطائرة الليبية المفخخة؛ لتفتيشها والتأكد من تأمينها، حيث التف عدد كبير من القيادات الأمنية وقوات الأمن المركزى حول الطائرة، وذلك استعداداً لصعود الكلاب البوليسية المدربة وخبير المفرقعات لتفتيشها.

جاء ذلك بعد ما أكدت إحدى المضيفات رؤيتها لقنبلة (لا تعرف قنبلة غاز ولا متفجرات) داخل دورة مياه الطائرة، مما دفع قائد الطائرة لإخلائها من الركاب.

ومن جانبه سحبت سلطات مطار القاهرة الطائرة إلى مكان آمن على مهبط المطار لتفتيشها وتأمينها.

طبعا لازم ننحنى احتراماً لهؤلاء البواسل
والرسالة موجهة الى الشعب المصرى
الشرطة مش كلهم وحشين ولكن المناخ الفاسد اللى كان موجود هو اللى خلق الناس الوحشين ولكن صوابعك مش زى بعضها
ومن اخطر المهام عملية اكتشاف وجود قنبلة .. لن القنابل انواع يعنى منها بتكون زمنية محددة بوقت ,, ورجل الامن اللى بيحاول يشوفها مش بيعرف مقدماً هى مضبوطة على امتى بالتحديد يعنى ممكن يكون موعد تفجيرها فى اللحظة اللى هو بيدخل عليها .. او تكون معمولة بطريقة بحيث ان لو حد قرب منها تنفجر .. أو الاخطر إطلاقاً ان خبراء المفرقعات مش بيكون عارف نوعها ايه بالضبط بمعنى وأشرح لكم :
القنابل دى مش معمولة فى مصانع يعنى لازم بيبقى عندنا واحدة من كل نوع والخبير بيتدرب ازاى يبطل مفعولها .. ولكن بتبقى متركبة او معمولة يدوى يعنى بيتى .. ودى خطورتها لأن اولاد الشيطان اللى بيعملوها بياخدوا تدريبات شيطانية عالية انهم دايما بيغيروا مواصفات تركيبها .. بحيث انها ماتبقاش مطابقة للمواصفات المعروفة .. يعنى الخبير بيبقى عارف ان السلك الفلانى طالع من كذا وداخل فى كذا وبيبقى عارف ممكن يقطع انه سلك يبطل مفعول القنبلة ,, اما الخطورة ان الشيطان اللى مركبها بيكون وصل لتكنولوجيا شيطانية عاية ,, بيغير بيها اللى بتوع الامن ممكن يكتشفوه .. وهنا مكمن الخطورة انك لو قطعت سلك غلط ممكن تنفجر ,, وفى كل الحالات بيبقى رجل الامن ممكن عادى جدا ووارد جدا يفقد حياته فى مرة من دول .. والشىء الجميل واللى يحفظ لهم انهم عارفين كده ولكن بيدخل على القنبلة بقلب جامد مش بيخاف .. لنه لو تردد دقيقتين ممكن الدقيقتين دول يكونوا موعد انفجارها
بس هنا لازم ادارات الامن عندنا توجه اللوم للمطار الليبى اللى خرجت منه الطيارة اولاً .. يعنى النهاردة الأجرام تطور اوى اوى غير زمان شوية
يعنى المتفجرات تطورت جدا جداً .. واصبحت غير تقليدية .. يعنى الاخ اللى حط القنبلة دى من النوعية دى فى الطيارة ده مجرم متخلف اكتر من عشر سنين .. دلوقتى المتفجرات بقت خداعية اوى .. يعنى ممكن فى زجاجة مياه معدنية عادية جدا لكن فيها سائل متفجر او زجاجة بارفان .. او ممكن ففى كعب الحذاء .. او 900 وسيلة اخرى ممكن يكونا توصلوا اليهم امبارح فقط .. وهنا مهمة الاجهزة الحديثة والكلاب المدربة انها بتكشف الحاجات المريبة دى .. يعنى انت لو فى اى مكار امريكى او اوروبى .. قبل ما تدخل الطيارة بيكون كشوفا على كل متعلقاتك .. ومنعوا كل الممنوعات وبالذات الى دخلت فيها المتفجرات .. واذا كانت ظروف ليبيا دلوقتى كلها مش مضبوطة لازم القائمين على الحكم فى ليبيا انهم يجيبوا خبراء اجانب او اى شىء يقلل من الخطورة ,, وللعلم القنابل دى بتبقى معمولة عشان تنفجر والطيارة فى الجو لعمل اكبر خسائر ممكنة
واكرر التحية لرجل الامن المصرى والقائمين على الامن فى المطار واقول لهم احنا من غيركم ولا حاجة ... يعنى انت لو اديتنى 100 مليون جنيه من غير أمن يبقى ولا ليهم اى لازمة
مع اطيب تحياتى

» دايما غبار
» كل ثوره واحنا دايما فرحنيين
» فخور انى مصرى فماذا عنكم
» حوار مصرى جدا
» إلى كل مصرى إلى كل عاقل