الاخت الفاضلة زينب
اشكرك على الموضوع
كلنا عندنا كلام مخنوق ومع الاسف لو كلامنا بيتسمع كنا نصرخ بأعلى صوتنا ولكن مع الاسف كاننا بندن فى مالطة او بنصرخ فى صحراء واسعة ولا يرد علينا احد سوى صدى اصواتنا
المشكلة نبكى على انه شهيد ؟؟؟؟
اول شهداء الثورة ولا شهداء العدد الهائل من العمليات القذرة التى تلت الثورة وحتى مساء امس
يعنى لو قسمنا الشهداء إلى اقسام ... فى الشهداء بتوع ما قبل خلع المخلوع وفنجاح الثورة لازم يكون فيه شهداء .. لكن بعد يوم خلع المخلع هنا نتوقف وقفة مهمة جدا فى تاريخ مصر ... يعنى اى شهيد بعد اليوم ده لازم نتكلم ونصرخ استشهد ليه وعشان مين ؟؟؟
هل اللى عملوا الثورة واى ثورة انها بتقدم شهداء لحد ما تحصل اول نتيجة وهى خلع النظام .. وهل ينفع اننا بعد خلع النظام يفضل يموت كل يوم شهداء لا لسبب إلا ان فيه جماعة باعت وكنها وباعت دينها وآخرتها واشترت الخيانة العظمى للشعب والوطن ... وفضلت كل يوم تخطط لعمليات قذرة هدفها زعزعة الاستقرار وعمل انفلات منتظم طويل عشان البلد تتخرب حتة حتة لحد ماتخلص خالص
يعنى بكل دموع الالم اقول : الاوضاع الردئية اللى كانت فى مصر قبل الثورة بشهر وهى السبب فى قيام الثورة احنا النهاردة بعد الثورة بسنة وشهر .. اوضاع مصر زادت سوء ومازلت تتهاوى لدرجة احنا لو عايزن نرجع زى ماكنا قبل الثورة ( خدوا بالكم مش نتقدم يعنى ) مجتاجين 30 سنة عشان نوصل للى كنا فيه ورفضناه من متاعب اقتصاية وعشوائيات وكل حاجة كانت مش عاجبانا
والكارثة السودة ان اى جريمة بتهز الرأى العام والشعب كله المفروض ان الجهات الامنية والحكومة المفروض انها بتقدم المجرم للعدالة والمفروض ان القانون بيقتص منه ,, لكن الواضح لحد النهارده شوفوا كام جريمة ارتكبت .. لكن مفيش لا حد اتعاقب والمحاكمات كلها هزلية ,, وحتى لما بيقبضوا على حد بيكون ناس لموهم عشوائيا وبالتأكيد ماحدش بيثبت عليهم حاجة ويروح دم الشهدا هدر ... وده للعلم هو اللى بيزود الجرائم ... يعنى اللى بيحرض حد على ارتكاب تلك الجرائم بيبقى عامل حسابه ان المجرم ده مش حايتعاقي اصلاً .... انا راجل عندى 62 سنة .. كانت الجرائم زمان بتحصل لكن عملية القبض او معرفة الجانى بتبقى صعبة جدا محتاجة مباحث وتحريات وشغلانة عويصة ... دلوقتى فيه حاجة جديدة فى مصر .. هى ان كل واحد بقى فى ايده موبايل بيصور الاحداث .. يعنى انتى اليوم لو قلتى جريمة كذا ممكن يجى لك خمسين فيديو واضح فيهم شكل الجناة
انا شفت واحد بلطجى من ارتكبوا جريمة بورسعيد ووشه واضح .. وهو هو نفسه وحتى بنفس الجاكت اتصور وهو بيحرق المجمع العلمى
والمعروف ان اى شخص اتصور ممكن الجهات الامنية تجيبه فى 24 ساعة لما يكون مختفى خالص حتى طب فين ؟
واكتر كلمة بتغيظنى لما يطلع واحد المفروض انه مسؤول كبير جدا ويقول اصابع خفية او اللهو الخفى ويقول انه ما يعرفش مين هو
الجهات المباحثية والاستخباراتية المتعددة لو بجد ما يعروفشمين اللى بيرتكب الجرائم دى يبقى يستقيلوا احسن ويقعدوا فى البيت يشتغلوا كروشيه او تريكو ...ز يعنى اللى انا اعرفه ان الجهات الامنية 70% من وظيفتها انها بتعرف اى جريمة من النوع ده قبل ما تحصل وتحبطها ... مش بعد ماتحصل عشرات الجرائم لسه بيقولوا ايدى خفية .... نعمل ايه ؟ نجيباجهزة مباحثية واستخباراتية من الصين او من تايوان ؟؟؟؟
النوع
موضوع: أصبرى يا أم الشهيد 
الأربعاء فبراير 08, 2012 4:31 pm
