حكمت المحكمة

طب ايه رأيكم نعمل حمله نهيئ بها الناس لتقبل أحكام القضاء ايا كان الحكم بشرط ان تكون الحمله من الان و قبل معرفة الحكم بشهور حتى لا يتهم احد لاحد بانه موالى لحكم معين و بذلك نكون ضربنا عصفورين بحجر رسخنا ثقافة تقبل احكام القضاء و الثانى محاوله للتهدئه و الثالث من الممكن ان ينضم لينا بعض الوسائل الاعلاميه وتكون حمله صادقه هدفها نبيل لوجه الله و الوطن و مساندة القضاء فى الحمله التى يتعرض لها

مع إحترامي لآراء حضراتكم إلا إن أنا مش شايف إن دي محاكمه أصلا !
أنا بتفرج علي فصول مسرحيه كل واحد فيها له دور وبيأديه علي أكمل وجه ، مفيش غير الجمهور هو اللي مش عاوز يصدق إن دي مسرحيه وعايش دور إن دي محاكمه
أنا مش منتظر إن مبارك ياخد جزاءه العادل قدام المحكمة دي ، دي محكمه قرارتها سياسيه مش قرارات محكمه مفروض إنها معصوبه العينين !
‏
ما جعلني أعتقد إلي حد اليقين فيما سبق أسباب كثيرة جدا لن أستطيع سردها لأنني أكتب علي الموبايل وهذا شيئ مرهق ، لكن المتابع يعرف هذه الأسباب جيدا
‏
بإختصار أنا مش فارق معايا مبارك هايتحكم عليه بأيه لإن أنا أعتقد إنه في ظل حكم مدني منتخب سيحاكم مبارك بجد ، شيراك بعد تركه لحكم فرنسا ب ١٠ سنوات يحاكم الأن
مبارك ممكن يتحكم عليه بالإعدام ولكنه سيكون حكم بقرار سياسي لتهدئه الشارع ولكن سيكون في طيات هذا الحكم ثغرة برائته ، إذ أن سيناريو محاكمه هشام طلعت ممكن جدا تطبيقه ، حكم بالإعدام مع وجود ثغرة في الإجراءات والأدله ليتم الطعن ثم تعاد المحاكمه وتستغرق سنه أخري وبراءه يا معلم ويكون الشعب زهق ونسي ، زي بالضبط حكم قضيه العبارة طلع بعدها بكام سنه
‏
مع إحترامي لفكرة حضرتك إلا إن أنا مش مؤيد لها علي الإطلاق ، الكلام دا ممكن في حاله واحده لو فيه محاكمه بجد عادله ، لكن أنا مش شايف محاكمه أصلا
‏
علشان تبقي الصورة واضحن برضه أنا مش بادعو للفوضي لكن أنا باحط نفسي مكان أهالي الشهداء ، ناس إحترمت القانون ورفعت قواضي في وقت كانوا يقدروا ياخدوا حقهم بإيديهم وكل واحد عرف إن الضابط ده قتل ابنه يقتله وخلصنا ويجوا في الأخر يلاقوا حقهم ضاع !
ملحوظه :
كل القضايا الخاصه بقتل المتظاهرين اللي إتحكم فيها الضباط أخدوا براءه
‏
لا أتمني أن يحدث ولكن لو أحد أهالي الشهداء راح وقتل ضابط بنفسه مش هاقدر ألومه !
هو راجل إحترم الدوله والدوله ضيعت له حقه
وقتها بقي يبقي تولع الدنيا تاني والشارع يضغط وبقرار سياسي يتم محاكمه مبارك بجد وبرغم إن الصح إن مفيش محاكمه بقرار سياسي بس المساواه في الظلم عدل ، وعمر ما قاضي فاسد هايتغير ، الإصلاح لازم يكون من أول خطوة في المنظومه دي ، من أول شروط ومواصفات وكيل النيابه ، مش بن القاضي يكون قاضي
‏
إن الله لينصر الدوله العادله وإن كانت كافره ولا ينصر الدوله الظالمه وإن كانت مؤمنه .

ياشعب ......... مصــــــــر

ما كل هذه القسوه !!!

رجل كبير في السن ومريض ومرفوض من شعبه

اعتقد خروج مبارك امام العالم في هذه الحالة يوميآ وهو على السرير

اقسى عقوبة له

شوية رحمة

لا تشكي للناس جرح أنت صاحبه *** لا يؤلم الجرح إلا من به ألم
‏
أ/صفيه حضرتك ممكن تفهمي قد ايه الراجل ده ظلمنا لكن عمرك أبدا ما هاتحسي الظلم ده لإنك ما عشتيهوش !
هوا ليه دائما علي الضحيه إنه يسامح ولما يطالب بالقصاص يبقي قاسي ؟
هوا مش ربنا شرع لنا القصاص ، طب مستكترينه علينا ليه ؟

طب ليه جايين تطالبونا بالرحمه دلوقتي ؟ ، طب كنتوا فين ومطلبتوش لنا الرحمه ليه وإحنا كنا بنعاني مش الظلم ، لأ ، من أنواع الظلم !
القصص والمآسي أكبر من إن أحكي ولو بعضها بس هسأل حضرتك سؤال لو أخو حضرتك إعتقل لمدة ١٤ سنه في زنزانه مظلمه مساحتها ٢ * ١.٥ ، ١٤ سنه مشفش نور الشمس وكل ده علشان له توجه سياسي إسلامي !
لو بن حضرتك إتقتل بدم بارد علي ايد قناص وهو بيهتف سلميه ، كان هايكون دا رأيك برضه ؟
‏
أنا عاوز حضرتك تتخيلي إنك في موقف واحد بس من دول وبعدها قرري