السيد رئيس الجمهورية ....

السلام عليكم
‏
النهاردة طبعا أول يوم لفتح باب الترشح لرئاسه الجمهوريه
وبالمناسبه الفريده دي والأولي في تاريخ مصر كله ، وبما إننا بقينا نختار بجد
يلا نجرب كدا نسأل بعض كام سؤال
‏
١. إخترت مرشحك ولا لسه ، وليه ؟
٢. ياتري غيرت إختيارك ولا لأ ، هوا هوا نفس المرشح ولا غيرت ، وليه ؟
٣. نسبه كام تتوقع حصول مرشحك عليها ؟
٤. ناوي تدعي الناس لإنتخابه وتشارك في حملته الإنتخابيه ولا هتنتخبه وبس ؟
٥. هايكون أيه رد فعلك لو سمعت أي حد بيشتم مرشحك ؟
‏
أتطلع إلي حوار راقي ، هادف ، بناء .
‏
ملحوظه :
أعتذر عن سوء تنسيق الموضوع لأنني أستخدم الإنترنت موبايل الي حين نزولي أجازة .
‏
وأطيب المني دائما ،،،

مخالفة ياعقيد
هروح ابلغ عنك

انا مليش اني اختار بصراحة لاني وبكل بساطة لسة مطلعتش بطاقة اصلا
بس ما علينا من وجهة نظري المحدودة ان رئيس الجمهورية دا لازم يبقي عنده حرية
ياعني يقول رئيه بكل حرية مش اللي الناس عايزاه يعرض وجهة نظرة صح مش يمشي ورا الناس ويريحها
لا في حاجة اسمها مناقشة
ولسة مفيش حد عرض برنامجه كلة كلام احنا عايزين التطبيق مش الكلام احنا طول عمرنا بنسمع كلام وخلاص
بس

بنقول حوار بناء يا مروة تقومي تبدئيه ب عقيد !!!
ههههههه
‏
أولا أنا موافق جدا علي وجهه نظرك في مواصفات الرئيس
ثانيا مفيش مشكله خالص إنك لسه ما عملتيش بطاقه ، صحيح ممكن ميكونش لكي صوت بس ممكن يكون لك رأي .

هههههههههه
اقتبسته من بنت العرب

اه وفي حاجة كمان انه ميسمعش كلام ماما امريكا
وكمان ميجيش برضاها ياعني رئيس جمهوريتنا يبقي بتاعنا ومن اختيارنا مش بتاع امريكا ومن اختيارها

طب الرئيس اللي بالمواصفات دي لقتيه ضمن ال ٢٠٧ مرشح ولا لأ ؟

اخى العزيز
حقول حاجة بس معلش استحملونى انا حاسس ان الموضوع ده تهريج

يعنى لو ناخد ( ماما ) امريكا مثال حتلاقى المرشحين للرئاسة اتنين بالعدد
اولا كل واحد يقدم برنامجو الانتخابى .. وبالطبع الناس اللى بتفهم بتمسك البرنامجين جنب بعض ومعاك قلم رصاص تشوف ايه الحلو فى كل برنامج واللى مش اوى يعنى .. وبعدين بتعمل تقييم لكل برنامج وبتدى كل برنامج درجة والدرجة الاعلى انته بتحطو فى مخك
بعدين كل مرشح منهم بيتكلم او بيقول خطاب وانت بتسمع الاتنين بمنتهى التمعن ومن هنا ممكن انت من كلامهم بتتمسك باللى تقريبا اخترته .. او ممكن المرشح اللى ماعجبكش لما تسعمعو بيتكلم يدخل مخك اكتر من البرنامج اللى على الورق دى اول خطوة
والخطوة الاهم والاخطر المناظرة .. كل واحد من الاتنين المرشحين بيكلف مجموعة بتجيب قرار المرشح التانى يعنى قصة حياته من يوم ما كان فى رابعة ابتدائى .. يعنى كل سلوكياته السيئة والحميدة ولا بأس طبعا لو عنده فضيحة او اتنين .. ومواقفه السياسية السابقة .. يعنى كان راجل اوى فى كام موقف وتخاذل ونافق مثلا لو فيه ما يضرش .. وييجى اليوم المشهود .. يوم المناظرة .. الأول بيتكلموا بأدب .. ولما يحسوا قدام المشاهدين انهم متعادلين يبتدوا يفتقوا لبعض واحينا بتوصل للشرشحة .. من اول ما كان فى رابعة ابتائى بيخطف الاساتيك من العيال لحد اقصى ما يمكن يتصور على بالك .. وحيث ان مبدأ من منكم بلا خطيئة فليؤمها بحجر ... اللى بيخرج من المناظرة دى مالى مركزه مش اللى بلاخطايا ولكن اللى خطاياه اقل
وييجى اليوم النهائى يوم الانتخابات واللى بتكون نزيهة بجد ( مش زى عندنا ) بيبقى شوية حاجات فى قلب بعضها .. يعنى اللى عندو مؤيدين اكتر على شوية دعا والدين .. وبتفض النتيجة سر اخطر من سر القنبلة الذرية لحد ما فى الفرز يشوفوا آخر بطاقة ودى الانتخابات النزيهة بجد
لكن هنا اولا انت شفت شكل انتخابات مجلس الشعب .. والافلام اللى حصلت والطعون اللى اتقدمت عليها .. واهم شىء ان ماحدش بص اصلا فى الطعون .. وكانت النتيجة ان الاقبال الكبير اللى عمره ماحصل فى انتخابات مجلس الشعب ,, حصل عكسه فى انتخابات مجلش الشورى ,, يعنى اللى عايزين ينحجوه حاينجح والناس حست انها حاتروح وتتعب على الفاضى
لما اتكلم عن المهزلة انت كاتب عدد المرشحين كام ؟ وشكلها العدد ده حيتضاعف ..
طيب هل انت تقدر تمسك 200 ورفة على الاقل كل ورقة فيها برنامج وتقراهم وحاتقدر تختار منهم ؟؟
انا شخصيا لما اوصل للبرنامج رقم 17 حيكون جالى زهايمر .. او حانسى كل اللى قريتو ... وبالذات واضح جدا ان معظم او كل البرامج فنجرة بق
او زى ما بيقولا عندنا فى مصر عزومة مراكبية
وبعدين اكبر حزبين كل حزب حيختار واحد وحايبقى الصراع بينهم وخلصت سواء رحنا او ما رحناش
واهم مافى الموضوع ان الشارع بقى منقسم الى على الاقل عشر اتجاهات .. واى رئيس حاييجى حايقبلو اتجاه منهم ويرفضه الباقى
عملية ملخبطة لأقصى درجات اللخبطة
مع اطيب تحياتى

دي عاملة مظافة سحبت ورقه علشان تقدمه
عليه العوض

بس انا لسة بصراحة مش عارفة مين احسن واحد

لم يحن الوقت بعد .. خالص تحياتي ..

أشكر مشاركتكم جميعا
‏
بس كنت عاوز أعلق علي مشاركه أ عادل بإن دا شيئ طبيعي لبلد سنه أولي ديموقراطيه ولنا في تجربه فرنسا خير دليل
‏
أطيب المني ،،،

» مصر تنتظر رئيس الجمهورية
» ما هي مواصفات رئيس الجمهورية
» محطات فى حياة حمدين صباحى المرشح الشعبي لرئاسة الجمهورية
» متابعة و مشاهدة و تحميل و صور حلقة جملة مفيدة يوم الثلاثاء 27 نوفمبر 2012 . لقاء مع المفكر الإسلامي فهمي هويدي . و لقاء مع السيد البدوي رئيس حزب الوفد
» الترشح لرئاسة الجمهورية