احبائى
كلنا بنسمع دلوقتى كل يوم عن وباء الحمى القلاعية اللى انتشر فجأة فى مصر كلها وابتدأ يفتك بالمواشى .. وبين التعتيم والاخبار الكاذبة ,, والتطميم المريب
انا كعادتى اى موضوع بعمل عنه تحريات دقيقة ( مع انها مش شغلتى ) لكن انا بحب افهم كل حاجة بتحصل ما ابقاش قاعد فى البلد كانى حاجة مالهاش لازمة
انا عملت اتصالات بأصدقاء فى الطب البيطرى .. عايز اسألأ سؤالين بين أخر مرة ظهر المرض فى مصر والمرة دى كان المرض فين ؟
والسؤال الاهم المرض فجاة ضرب مصر كلها ازاى ... وبالذات فى كل الفضائيات والجرائد مالقتش اجابة .. انا مشكلتى على فكرة بيطلع عندى اسئلة ممكن يكون ماحدش اخد بالو منها المهم
السؤال الاول المرض موجود من زمان اوى من قرون بس بيظهر ويختفى على خفيف ,, ومصلحة الطب البيطرى مشكورة بتوزع الامصال والحيونات كلها بتاخخدها والحمد لله بس فيه مكن خطر شوية ,, فاكرين الفساد اللى فى العصر البائد يعنى الناس اللى بتشترى الامصال ممكن بتاخد عمولة او رشاوى وتشترى امصال اما ضعيفة او بايظة او منتهية الصلاحية .. اما المرة دى والكلام ان المرض داخل بنوع جديد ماعندناش فوراً امصال له .. وانه تم اخد عينات من الحيونات المصابة وارسلوا العينات لبريطانيا ومشكورين مع فرنسا فيه جمعية عالمية مهمتها الحفاظ على الحيونات على الكرة الارضية .. قاولا حايرسلوا لنا الامصال الجديدة على وجه السرعة وربنا يستر .. بس العملية برضو مش عشان سواد عيوننا .. المشكلة لأن لو لاقدر اللهوالمرض انتشر اكتر وكمية المواشى اللى مصر ضاعت او ضاع منها عدد فظيع الخطورة بالنسبة لهم ان المرض ممكن ينتقل من مصر للدول المجاورة عن والطرق كتير ومش مقصودة ..
طيب السؤال الخطير : ازاى دخلت السلالة الجديدة من المرض مصر
الإجابة : جت لنا شحنة كبيرة جدا من المواشى من اثيوبيا .. ودى بيبقى تمن كيلو اللحمة رخيص يعنى بيتباع فى الجمعيات التعاونية دلوقتى فى حدود 30 جنيه الكيلو .. ونظراً لن سعر اللحمة تعدى 80 جنيه فإن اللحمة ( الرخيصة دى بتعمل شغل مع الناس اللى ماتقدرش تدفع 80 جنيه وانت طالع ) طبعا موضوع حلو لكن فيه طقوس لازم تحصل .. ان القانون بيقول ان اى حيوانات حية اول ماتيجى بتخضع لمدة 3 اسابيع للحجر الصحى يعنى تتعزل ويتكشف عليها كل يوم لن ممكن تكون جايبة معاها مصايب .. ومدة 3 اسابيع بحيث ان الحيوانات لو شكلها سليم ولكن واخدة عدوى او حاملة للمرض بيظهر عليها حاجات مش طبيعية .. كل ده كلام حلو طيب ايه اللى حصل ؟
عارفين الفساد والمصايب السودة والرشاوى اللى كانت بتحصل فى العهد البائد ( ومازالت بتحصل ) واحد من كبار تجار المواشى راح اشترى كل القطيع ده .. وعشان العملية ماتنكشفش خرجهم بسرعة من الحجر الصحى قبل المدة القانونية ... وعشان ماتنكشفش العملية وحد ياخد بالو من كبر حجم القطيع لأن شكلو مختلفشوبة عن مواشينا .. راح موزع القطيع يعنى بعت كل شوية محافظة واتخلطلوا من المواشى المصرية .. وكانت المواشى دى تحمل المرض وفورا بدأت تظهر الاعراض فى كل المحافظات ... طيب الباشا عمل كده ليه ؟؟؟ عشان هو اشترى الجموسة بحيث يبقى سعرها 30 جنيه عشان هو يبيعها ب 80 جنيه عند الجزارين العاديين .. ماحدش حياخد بالو لن الشعب بياكل وخلاص وهى بس محتاحة تستوى شزية حبتين .. اما بالنسبة للحكومة والجهاز المركزى للمحاسبات عادى لنه بيحاسب مش على القطيع ولكن بيحاسب على القطيعممكن يجيب كله فى قلب بعضو كام كيلو لحمة فى الموتسط يبقى كذا مليون جنيه طالما اتسددوا فى خزينة الدولة يبقى الموضوع كده 100% .. وطبعا مش بيحسب الجلو والكوارع واحمة الراس والمنبار والذى منه .. دى فيه ناس بتسترزق منها حلوانى كده فوق البيعة ..
اخطر من فى الموضوع ... ان الفلاحين عندهم عادة خطيرة جدا .. وهى لو نفقت جموسة او بقرة بيرموها اما فى الترعة او فى النيل .. عشان المياه تاخد الجثة بعيد عن القرية .. ممكن هى حاجةغلط فى الظروف العادية يعنى لوجموسة ماتت عادى .. لكن فى حالة مرض خطير ومعدى جدا .. اول ما الحثة دى بتنزل المية المرض بينتقل للمية وشوفوا اقل ترعة بتربط بين كام قرية واخرى .. والقرى التانية الجموس مش بيشرب مية معدنية ولكن بيشرب من الترعة وبيحموع فى الترعة وده لازم جدا .. يبقى لو جثة واحدة اترمت فى الترعة الترعة بتتلوث .. ولو التلاعة بتربط بين عشرين قرية وكل قرية فى المتوسط فيهاالف حيوان يبقى الحيوانات دى كلها ضاعت والمرض مش للجموس ولكن لكل الحيونات يعنى الخرفان والمعيز حتى الحمير والكلاب لنو اول ما بيشتغل بيشتغل فى الجلد شوفوا ممكن تكون الخسارة اد ايه ومافيش توعية
ومجلس الشعب اللى مفروض يعمل استنفار قومى ولا هو هنا ... الحاجة اللى تغيظ كمان ان تجار اللحوم والاسماك اول مايحسوا ان الناس خايفة تاكل او تشترى لحمة بيرفوعا الاسعار وكان مصائب قوم عند قوم فوائد .. يعنى الفراخ ارتفع سعرها من 15 الى 25 جنيه طب الناس تعمل ايه تنتحر وتخلص ؟ .. نفس الحكاية حصلت ايام انفلوانزا الطيور كانت اغلى لحمة ب 45 جنيه رفعوها عشان تعدى ال 70 ... فيه ايه ؟؟؟؟؟؟
مع اطيب تحياتى
النوع
موضوع: مرض الحمى القلاعية بين الحقيقة والاخبار الكاذبة 
الجمعة مارس 16, 2012 11:38 pm
